.
Gurram Seetaramulu ….. ఆయన దీక్ష ఈ రోజే మొదలు పెట్టి ఉండవచ్చు, ఈ గెలుపులో ఆయన భాగాన్ని
మేమెవరమూ కాదనలేము… కానీ, అన్నీ నువ్వే చేశావు బాపూ అంటే మేము ఒప్పుకోము…
ఎందుకంటే… అందరిలోను నువ్వు కూడా… అంతే… అన్నీ నువ్వు కావు… అసలు ఉస్మానియా నీ శవయాత్ర దివస్ ఓ చరిత్రాత్మకం… సరే, విషయంలో వెళ్దాం…
Ads
నిత్య గాయాల నది తెలంగాణ. మహత్తర తెలంగాణ ఉద్యమానికి బోడి తెరాసకి ముడిపెట్టి ఆ ఉద్యమాన్ని రెండు దశాబ్దాలకు కుదిస్తున్న కురూపులకి కాసింత చరిత్ర చెప్పాలి… పందొమ్మిది వందల అరవై తొమ్మిది మొదలు జమ్మికుంట, మంథని,పెద్దపల్లి, జగిత్యాల కేంద్రంగా ముప్పై నలభై మంది తెలంగాణ నినాదం అందుకొని అడవుల్లోకి పోయారు.
ఆ తరంలొనే కనీసం యాభైకి పైగా కరపత్రాలు వచ్చాయి. ఇవ్వాళ ప్రతీ ఒక్కడూ తెలంగాణ అంటే 90 లలో, ఇంకా పాతికేళ్ళ కింద మొదలయ్యింది అనే వంచక రాతలు రాస్తున్నరు… చరిత్ర మీద కనీస స్పృహ లేని భాష అది…
ఓరయ్యా JAC చరిత్ర తెలుసుకో..
ఐక్య కార్యాచరణ కమిటీ, పందొమ్మిది వందల అరవై తొమ్మిది దశకంలోనే ఉంది. సెంట్రల్ ఆర్గనైజింగ్ కమిటీ, మొదలు ఐక్య విప్లవకారుల ప్రతిఘటన కమిటీ భావసారూప్యత కలిగిన విప్లవ శ్రేణులు కలిసి పనిచేశాయి. అవి విప్లవ సంఘాలు.
ఇక విద్యార్ధుల ఐక్య సంఘటనలో PDSU, RSU కలిసి పనిచేసిన ఉదంతాలు ఎన్నో ఉన్నాయి… తెలంగాణా ఉద్యమ సాధన క్రమంలో ప్రజాస్వామిక తెలంగాణా, తెలంగాణ జనసభ, ఐక్య కార్యాచరణ కమిటీ లాంటివి ఎన్నో …
రాజకీయ అవకాశ వాదంతో మొదలయిన తెరాస ఇవ్వాళ తెలంగాణ మేమే తెచ్చాం అంటోంది. జాక్ మేమే కన్నాం అంటోంది. అది చరిత్ర తెలియని వంచక భాష.
తెలంగాణ సాధన పోరాట సమయంలొనే ఈ నినాదంతో తెలంగాణ జనసభ, తెలంగాణ కళాసమితి, తెలంగాణ ప్రజా ఫ్రంట్ , టివివి తోసహా ఇతర సంఘాలు పని చేసాయి .
ముందు తెలంగాణ రానివ్వండి, తరువాత మిగతావి అన్నీ మనం మనం మాట్లాడుకుందాం అంటూ కొంత మంది పృచ్ఛకులు సన్నాయి రాగాలు తీయడం మొదలు పెట్టారు .
ఆ దశలోనే పేపర్లలో టివిలలో కనబడేలా జాగ్రత్తలు తీసుకున్నారు.
మేము తప్ప తెలంగాణకు మేధావివర్గం లేదు అనే సోషల్ కాపిటల్ సంపాదించారు. పాత విప్లవ వాసనలు ఎలాగో అదనపు అర్హతగా వాళ్ళ సి.వి కి వొనగూరాయి.
ఆకలి చావులు, నిరుద్యోగ చావులు చూస్తూనే ఏడేళ్లు గడిపారు. ఇప్పుడు ఆటా పాటా మాట బంద్ అన్నారు.. ఒక్క పృచ్ఛకుడూ నోరు ఎత్తడు. అదే మనం సాధించుకున్న బంగారు తెలంగాణ మెరువులు… త్యాగాలు ఒకరివి భోగాలు మరొకరివి…
ఎవని పాలయ్యిందిరో తెలంగాణ పాట ఈ కాలపు ఉద్యమ నాడి.
పడి లేచిన తెలంగాణ ఉద్యమ గీతాన్ని లేపే రోజు రాక మానదు, వాగ్గేయకారుల లిస్ట్ పూర్వపక్షం కాక పోదు. ఈ త్యాగాల తెలంగాణ కుహనా మేధావులకు తెలియక పోవచ్చు, పదవుల పందేరంలో తాత్కాలిక మౌనం వహించవచ్చు.
చరిత్ర తెలివైనది. దానికి మోసపోవడం పుట్టుకతో అబ్బిన లోపం కావొచ్చు.
కానీ ఆ తప్పిదాల్లో వంచకుల చరిత్రను కూడా నమోదు చేస్తూనే ఉంటది. పాలేవో నీళ్లు ఏవో దానికి తెలుసు. ఒక్క గాలికి తాలు తుప్ఫ వేరై… గింజలు ముందు తరాలకు విత్తనం రాలినట్టు పంటను వాగ్ధానం చేస్తూనే ఉంటాయి……… గుఱ్ఱం సీతారాములు
Share this Article