.
Pardha Saradhi Upadrasta … భారత్ వద్ద ఆయిల్ నిల్వలు – 25 రోజులు కాదు, మొత్తం 74 రోజులు! పూర్తి వివరాలు… ఈ మధ్య సోషల్ మీడియాలో “భారత్ దగ్గర కేవలం 25 రోజుల ఆయిల్ మాత్రమే ఉంది” అని భయపెట్టే ప్రచారం జరుగుతోంది. అసలు నిజం ఏమిటంటే భారత్ వద్ద ఉన్న మొత్తం ఆయిల్ నిల్వలు సుమారు 74 రోజుల వరకు సరిపోతాయి.
1️⃣ భారత్ రోజువారీ ఆయిల్ వినియోగం
భారత్ ప్రపంచంలో మూడవ అతిపెద్ద ఆయిల్ వినియోగ దేశం. రోజుకు సుమారు 5 నుంచి 5.5 మిలియన్ బారెల్స్ క్రూడ్ ఆయిల్ వాడుతుంది. అంటే సంవత్సరానికి దాదాపు 230 మిలియన్ టన్నుల పైగా వినియోగం ఉంటుంది. ఈ భారీ అవసరాన్ని తీర్చడానికి భారత్ ముందుగానే పెద్ద స్థాయిలో నిల్వలు ఉంచుతుంది.
Ads
2️⃣ కమర్షియల్ ఆయిల్ స్టాక్స్ (25 రోజులు)
ఇవి ఆయిల్ కంపెనీలు తమ కార్యకలాపాల కోసం నిల్వ ఉంచే స్టాక్స్.
ప్రధాన కంపెనీలు:
Indian Oil Corporation (IOCL)
Hindustan Petroleum (HPCL)
Bharat Petroleum (BPCL)
ఈ కంపెనీలు తమ రిఫైనరీలు, స్టోరేజ్ ట్యాంకులు, పైప్లైన్లు, ఆయిల్ ట్యాంకర్లలో కలిపి సుమారు 100 మిలియన్ బారెల్స్ క్రూడ్ + పెట్రోలియం ఉత్పత్తులు నిల్వ ఉంచుతాయి. ఇవి దేశానికి సుమారు 25 రోజుల అవసరాన్ని తీర్చగలవు.
పెద్ద అంతర్జాతీయ సమస్యలు వచ్చినప్పుడు జాగ్రత్తగా పొదుపుగా వాడి ఈ స్టాక్స్ను 40–45 రోజుల వరకు పొడిగించవచ్చు.
3️⃣ రిఫైనరీ క్రూడ్ స్టాక్స్
భారత్లో ఉన్న రిఫైనరీలు కూడా క్రూడ్ ఆయిల్ను ముందుగానే నిల్వ చేస్తాయి.
రిఫైనరీల్లో ఉన్న క్రూడ్ ఆయిల్ 10–15 రోజులు.
ఇప్పటికే తయారైన ఫ్యూయెల్స్ (పెట్రోల్, డీజిల్, ATF) 7–10 రోజులు. ఈ స్టాక్స్ దేశంలో ఇంధన సరఫరా కొనసాగించడానికి ముఖ్యమైనవి. అంటే ఇది రన్నింగ్ సరుకు.
4️⃣ స్ట్రాటజిక్ పెట్రోలియం రిజర్వ్స్ (SPR)
ఇవి అత్యవసర పరిస్థితుల కోసం ప్రత్యేకంగా ప్రభుత్వం ఏర్పాటు చేసిన నిల్వలు.
ప్రధాన కేంద్రాలు:
📍 విశాఖపట్నం
📍 మంగళూరు
📍 పడూర్ (కర్ణాటక)
ఇవి భూగర్భ గుహల్లో నిర్మించిన భారీ స్టోరేజ్ సిస్టమ్స్.
మొత్తం నిల్వ: 5.33 మిలియన్ మెట్రిక్ టన్నులు, దాదాపు 40 మిలియన్ బారెల్స్
ఇవి మాత్రమే 9–10 రోజుల అవసరాన్ని తీర్చగలవు. ఇవి అత్యవసర పరిస్థితుల్లో మాత్రమే బయటకు తీస్తారు.
5️⃣ మొత్తం ఆయిల్ నిల్వలు
ఈ నాలుగు రకాల నిల్వలను కలిపితే:
కమర్షియల్ స్టాక్స్
రిఫైనరీ స్టాక్స్
ఫ్యూయెల్ స్టాక్స్
స్ట్రాటజిక్ రిజర్వ్స్.
ఆయిల్ నిల్వల గురించి అర్థం అవ్వాలి అంటే ఈ 4 నిల్వల రకాలు తెలియాలి, అర్ధం అవ్వాలి. అంటే ముడి సరుకు లభ్యత, ముడి సరుకును కంపెనీల వద్ద తయారు కోసము నిల్వ, తయారు అయ్యాక హోల్ సేల్ వ్యాపారి వద్ద నిల్వ, చివరికి రిటైల్ వ్యాపారి ( పెట్రోల్ బ్యాంకు లు) వద్ద నిల్వ. ఇవన్నీ బోలెడు రకాలు. ఇవన్నీ కలిపితే మార్కెట్ లో సరుకు లభ్యత తెలుస్తుంది. ప్రతి ఒక్కడి వద్ద కొత్త కొత్తగా సరుకు వస్తూనే ఉంటుంది.
భారత్ వద్ద మొత్తం సుమారు 74 రోజుల ఆయిల్ నిల్వలు ఉంటాయి. అందుకే కేవలం 25 రోజుల స్టాక్ అని చెప్పడం అసంపూర్ణ సమాచారం.
6️⃣ Hormuz Strait ప్రమాదం నిజమేనా?
భారత్ దిగుమతి చేసే క్రూడ్లో సుమారు 40% Hormuz Strait ద్వారా వస్తుంది. కానీ అది సరఫరా పోతుంది అనే అర్థం కాదు. అది కేవలం ఒక రూట్ మాత్రమే. ఇక్కడ ఆగినా 60% వేరే చోట్ల నుండి వస్తూనే ఉంటుంది.
7️⃣ భారత్ ఆయిల్ దిగుమతులు ఎక్కడి నుంచి?
ఇప్పటి పరిస్థితిలో భారత్ విభిన్న దేశాల నుంచి ఆయిల్ తీసుకుంటోంది.
ప్రధాన దేశాలు:
రష్యా – 30–40%
సౌదీ అరేబియా
UAE
ఇరాక్
అమెరికా
ఆఫ్రికా దేశాలు
లాటిన్ అమెరికా
భారత్ ఇప్పుడు ఆయిల్ దిగుమతులు తీసుకునే దేశాలను 27 నుంచి 40 దేశాలకు పెంచింది. అంటే ఒకరి వద్ద అంతరాయం కలిగితే ఇంకొకరి వద్ద తీసుకుంటుంది. ఇది ఎనర్జీ సెక్యూరిటీని బలపరుస్తుంది.
8️⃣ ప్రత్యామ్నాయ మార్గాలు
Hormuz లో సమస్య వచ్చినా: ఇతర సముద్ర మార్గాలు, Saudi & UAE పైప్లైన్లు, స్పాట్ మార్కెట్ కొనుగోళ్లు ద్వారా సరఫరా కొనసాగించవచ్చు. నిన్న రష్యా, ఆఫ్రికా దేశాలు ఒక వేళ ఈ మార్గం ద్వారా ఎక్కువ రోజులు అంతరాయం కలిగితే భారత్ కు సరఫరా పెంచటానికి సిద్ధమే అని చెప్పాయి.
అదనంగా ప్రపంచ ఆయిల్ సరఫరాలో 20% Hormuz మీద ఆధారపడటం వల్ల US కూడా ఆ ప్రాంత భద్రతపై దృష్టి పెట్టింది. ఇరాన్ ట్యాంకర్లు ఆపే ప్రయత్నం చేస్తే అమెరికా యుద్ధ నౌకలు ఆయిల్ ట్యాంకర్లకు రక్షణ ఇస్తాయి అని అమెరికా చెప్పింది. ఇప్పటి దాకా అమెరికా కొంత సంయమనంతో ఉంది. అమెరికా యుద్ధ నౌకలు దిగితే అప్పుడు ఇరాన్ కు తెలిసి వస్తుంది .
ఈలోగా రష్యా, చైనా, యూఏఈ లాంటి దేశాలు ఇరాన్ కు చెపుతున్నాయి మీరు ఆయిల్ ట్యాంకర్ లు ఆపద్దు అని. చివరిగా… భారత్లో ఆయిల్ కొరత వచ్చే అవకాశం చాలా తక్కువ. కాబట్టి సోషల్ మీడియాలో వచ్చే అర్థసత్యాలు , ఫేక్ ప్రాపగండాను నమ్మకండి. — ఉపద్రష్ట పార్ధసారధి
#IndiaEnergySecurity #OilReserves #HormuzStrait #EnergySecurity #IndianEconomy #PardhaTalks
Share this Article