.
రష్యా దగ్గర ‘డెడ్ హ్యాండ్’.. శత్రువుల గుండెల్లో వణుకు పుట్టించే అసలైన ‘ప్రతీకార’ యంత్రం! ప్రపంచ రాజకీయాల్లో రష్యా అంటే ఎప్పుడూ ఒక రకమైన భయం, ఆసక్తి ఉంటుంది… ముఖ్యంగా అణ్వాయుధాల విషయంలో రష్యా వేసే అడుగులు ఊహాతీతం… ఒకవేళ పొరపాటున ఏదైనా దేశం రష్యాపై అణుదాడి చేసి, ఆ దేశ నాయకత్వాన్ని, సైన్యాన్ని పూర్తిగా తుడిచిపెట్టేస్తే?
ఇక ఎదురుదాడి చేసేవారే ఉండరు కదా అని శత్రువు సంబరపడిపోతుంటే.. సరిగ్గా అక్కడే అసలు కథ మొదలవుతుంది. ఆ కథ పేరే ‘డెడ్ హ్యాండ్’ (Dead Hand)!
ఏమిటీ ‘పెరిమీటర్’? రష్యా అధికారికంగా దీన్ని ‘పెరిమీటర్’ అని పిలుస్తుంది… కానీ పాశ్చాత్య దేశాలు మాత్రం దీనికి ‘డెడ్ హ్యాండ్’ అని పేరు పెట్టాయి… ఇది ఒక స్వయంచాలక (Self-Automated) అణు ప్రతీకార వ్యవస్థ… అంటే, దేశాధినేత నుంచి ఆదేశాలు అందకపోయినా, రాజధాని మాస్కో సర్వనాశనమైపోయినా… ఈ వ్యవస్థ దానంతట అదే మేల్కొని శత్రువుపై అణుబాంబుల వర్షం కురిపిస్తుంది…
Ads
ఇది ఎలా పనిచేస్తుంది? కోల్డ్ వార్ (శీతల యుద్ధం) సమయంలో సోవియట్ యూనియన్ ఈ వినూత్న వ్యవస్థను రూపొందించింది… ఇందులో అత్యంత శక్తివంతమైన సెన్సర్లు ఉంటాయి… ఇవి భూమిలో వచ్చే ప్రకంపనలు (Seismic), రేడియేషన్ స్థాయిలు, గాలిలో ఒత్తిడిని నిరంతరం గమనిస్తూ ఉంటాయి…
-
దాడిని గుర్తించడం..: రష్యా భూభాగంపై అణుదాడి జరిగిందని ఈ సెన్సర్లు గుర్తించగానే, వ్యవస్థ యాక్టివేట్ అవుతుంది.
-
నాయకత్వం కోసం వేచి చూడటం..: ముందుగా ఇది రష్యా వార్ రూమ్తో కమ్యూనికేట్ చేయడానికి ప్రయత్నిస్తుంది… ఉన్నతాధికారులు లేదా దేశాధినేత ప్రాణాలతో ఉన్నారా అని చెక్ చేస్తుంది…
-
స్పందన లేకపోతే: ఒకవేళ అటు నుంచి ఎలాంటి స్పందన రాకపోతే, నాయకత్వం మొత్తం అంతమైందని నిర్ధారించుకొని, ఇది ఆటోమేటిక్గా ఎదురుదాడికి సిద్ధమవుతుంది.
-
కమాండ్ మిస్సైల్…: వెంటనే ‘ఎస్ఎస్-19’ అనే బాలిస్టిక్ క్షిపణిని ప్రయోగిస్తుంది… ఇది గాల్లోకి వెళ్లి దేశవ్యాప్తంగా రహస్య బంకర్లలో ఉన్న అణు క్షిపణులకు రేడియో సిగ్నల్స్ ద్వారా ఆదేశాలు పంపుతుంది… ఆ వెంటనే రష్యా అణ్వాయుధాలన్నీ ఒక్కసారిగా శత్రుదేశంపైకి దూసుకెళ్తాయి…
నేటికీ సజీవమేనా? 1985లో అందుబాటులోకి వచ్చిన ఈ టెక్నాలజీని రష్యా ఇప్పటికీ కాపాడుకుంటూ వస్తోంది… ఆర్టిఫిషియల్ ఇంటెలిజెన్స్ (AI) సాయంతో దీన్ని మరింత అప్గ్రేడ్ చేసినట్లు సమాచారం… అందుకే, రష్యాను నేరుగా ఢీకొట్టాలంటే ఏ దేశమైనా వందసార్లు ఆలోచిస్తుంది… ఎందుకంటే, అక్కడ మనుషులు లేకపోయినా… ఆ ‘చచ్చిన చేయి’ (Dead Hand) మాత్రం ప్రాణాలతోనే ఉండి ప్రతీకారం తీర్చుకుంటుంది!
దాదాపు 50 ఏళ్ల క్రితమే ఇలాంటి టెక్నాలజీని సిద్ధం చేసుకున్న రష్యన్ల మేధస్సు చూస్తుంటే.. యుద్ధ తంత్రంలో వారు ఎంత ముందున్నారో అర్థమవుతుంది… ఇవన్నీ సరే, అంత టెక్నికల్లీ సౌండ్ కదా, ఉక్రెయిన్ను జయించలేక ఏళ్లుగా ఎందుకు ఆపసోపాలు పడుతోంది రష్యా అంటారా..? నో ఆన్సర్..!!
Share this Article