ఈరోజుకూ రష్యాయే ఇండియాకు నమ్మదగిన దోస్తీ… అమెరికా కడుపులో కల్మషం…

బిజేపి లేదా RSS కి సంబంధించి VVIP లలో ఎవరో ఒకరిని ఆత్మాహుతి దాడి ద్వారా హత్య చేయడానికి అజమోవ్ భారత్ కి రావాలని ప్లాన్ ! మరి రష్యా రాజధాని మాస్కో లో అజమోవ్ ఎందుకు పట్టుబడ్డాడు ? ఉబ్జెకిస్తాన్ నుండి భారత్ కి వెళ్ళడానికి వీసా కోసం ప్రయత్నిస్తే వివరాలు పూర్తిగా పరిశీలించి కానీ అనుమతి ఇవ్వరు భారత ఇమ్మిగ్రేషన్ అధికారులు. అదే మాస్కో నుండి నేరుగా భారత్ వెళ్ళడానికి వీసా కోసం అప్లై చేసే భారత అధికారులకి అనుమానం రాదు! ఇదీ అజామోవ్ ప్లాన్ !

అజమోవ్ ఒక్కడేనా ఆత్మాహుతి దాడి కోసం భారత్ రావాలి అని అనుకున్నది ? కిర్గిస్థాన్ దేశానికి చెందిన మరో టెర్రరిస్ట్ అయిన వ్యక్తి కూడా అజమోవ్ తో కలిసి భారత్ కి పర్యాటకులుగా రావాలని ప్లాన్ చేసుకున్నారు. మాస్కోలో అజమోవ్ పట్టుబడగానే కిర్గిస్థాన్ జాతీయుడు మెల్లగా జారుకొని టర్కీ వెళ్ళిపోయాడు. అజమోవ్ వెల్లడించిన సమాచారంతో కిర్గిస్థాన్ జాతీయుడి గురుంచి విచారించగా అజమోవ్ పట్టుబడిన రోజే అతను మాస్కో నుండి ఇస్తాంబుల్ కి వెళ్ళిపోయాడు.. దాంతో FSB కి అతను దొరకలేదు.

అజమోవ్ పట్టుబడిన రెండో రోజున అతన్ని ఇంటరాగేట్ చేసిన FSB అధికారులు అదే రోజున భారత ఇంటెలిజెన్స్ అధికారులకి అజమోవ్ టార్గెట్ లో బిజేపి మరియు RSS కి చెందిన VVIP లు ఉన్నారని వివరంగా రిపోర్ట్ ఇచ్చారు. గత రెండు నెలల నుండి అజమోవ్ ని విచారిస్తూనే ఉన్నారు FSB అధికారులు. ఎప్పటికప్పుడు సమాచారాన్ని భారత ఇంటెలిజెన్స్ అధికారులకి ఇస్తూ వస్తున్నారు.

అజమోవ్ ఉబ్జెకిస్తాన్ పౌరుడు కానీ మాస్కో నుండి భారత్ రావడానికి ప్రయత్నిస్తూ పట్టుబడ్డాడు. ఈ విషయం అన్ని రకాల మీడియాలో వచ్చింది. కానీ FSB కి సమాచారం ఇచ్చి అరెస్ట్ చేయమని అడిగినది భారత ఇంటెలిజెన్స్ సంస్థ RAW. అది ఇచ్చిన సమాచారం మేరకే FSB అజమోవ్ ని అదుపులోకి తీసుకొని విచారణ మొదలుపెట్టింది.

అయితే కేవలం పర్యాటకుడిగా భారత్ లోకి అడుగుపెట్టి ఆత్మాహుతి దాడి చేయాలనే ప్లాన్ కి భారత్ లో సహకారం ఇస్తున్నది ఎవరు ? అజమోవ్ బాంబులతో భారత్ లోకి రాలేడు. భారత్ లో ఎవరో అతనికి బాంబులు ఇవ్వాల్సి ఉంటుంది ! అలాగే భారత్ లోని నగరాల వివరాలు అజమోవ్ కి తెలియవు. అదే సమయంలో ఎవరో ఒకరు అతనికి సహకరించి బాంబులతో పాటు టార్గెట్ ఎవరో కూడా దగ్గర ఉండి చూపించాలి! అలాగే మరో మానవ బాంబు అయిన కిర్గిస్థాన్ పౌరుడు తిరిగి తమ దేశానికి వెళ్ళకుండా టర్కీ కి ఎందుకు వెళ్ళినట్లు ?

Islamic State of Khorasan Province (ISKP)-ఇస్లామిక్ స్టేట్ ఆఫ్ ఖొరాశాన్ ప్రొవిన్స్ [ISKP] ! ఈ ఉగ్ర గ్రూపు ఆఫ్ఘనిస్థాన్ లో ఉనికిలో ఉంది. తాలిబన్లకి బద్ధ శత్రువు ! ప్రపంచంలో కేవలం సున్నీ ముస్లింలు మాత్రమే ఉండాలి. షియా, అహ్మదీయ, బోహ్రా లాంటి ఉప శాఖలకి చెందిన వాళ్ళు బ్రతికి ఉండకూడదు. అరబిక్ కాకుండా పుష్టొ భాష మాట్లాడే వారు వాళ్ళు ముస్లిమ్స్ అయినా సరే చంపేయాలి. ఓన్లీ సున్నీ ముస్లిం ! ఇదీ ISKP సిద్ధాంతం !

ISKP కి పాకిస్థాన్ ISI నిధులు,ఆయుధాల్ని సప్లై చేస్తూ మద్దతు ఇస్తున్నది. అలాగే ISKP కి టర్కీలో ఆశ్రయం కల్పిస్తున్నది టర్కీ అధ్యక్షుడు ఎర్డోగాన్ ! అజమోవ్ ని మానవ బాంబుగా మారడానికి సహకరించింది కిర్గిస్థాన్ పౌరుడు, అలాగే ఆ కిర్గిస్థాన్ పౌరుడు ప్రస్తుతం టర్కీ లో ఉంటున్నాడు. అజమోవ్ ని ఆన్ లైన్ ద్వారా పరిచయం చేసుకొని ISKP ద్వారా బ్రెయిన్ వాష్ చేసి మానవబాంబుగా మారడానికి ఒప్పించింది ISKP.

ISKP అడుగు జాడలు ఇప్పటికే కేరళ, తెలంగాణలో బయటపడ్డాయి కాబట్టి అజమోవ్ కి ఎవరు ఎక్కడ సహకారం ఇవ్వచూపారో తెలుసుకోవాలంటే భారత ఇంటెలిజెన్స్ అధికారులు నేరుగా రంగంలోకి దిగి విచారణ చేయాల్సి ఉంటుంది. కానీ ఉబ్జెకిస్తాన్ అభ్యంతరపెట్టవచ్చు కాబట్టి అటు రష్యా ఇటు భారత్ లు రెండూ ఉజ్బెకిస్తాన్ పౌరుడిని విచారణ చేయడానికి అనుమతిని కోరాయి. ఉబ్జెక్ ప్రభుత్వం అడిగిన వెంటనే అనుమతి ఇచ్చింది. తాజాగా FSB మాస్కో వచ్చి అజమోవ్ ని విచారించవచ్చు అంటూ సమాచారం ఇచ్చింది. భారత్ ఇంటెలిజెన్స్ అధికారులు రేపో మాపో మాస్కో వెళతారు వీలుంటే అజమోవ్ ని భారత్ కి తీసుకొచ్చి విచారిస్తారు.

ముంబై దాడుల సూత్రధారులు ఎవరో బాగా తెలిసిన డేవిడ్ హెడ్లీ ని అమెరికా మన దేశానికి అప్పచెప్పకుండా అక్కడి కోర్టులలోనే విచారించి శిక్ష వేసింది కానీ, మన దేశంలో బాంబు దాడులకు కుట్ర పన్నాడు అని ఋజువులు దొరికినా అమెరికా కనీసం విచారణ చేయడానికి కూడా అనుమతి ఇవ్వలేదు మన ఇంటెలిజెన్స్ అధికారులకి. ఇదీ రష్యాకి అమెరికాకి ఉన్న తేడా మన విషయంలో ! మనం కోరిన వెంటనే అజమోవ్ ని అరెస్ట్ చేసి విచారించి కుట్ర ఏమిటో తెలిపే వివరాలని మనకి అందచేసింది రష్యా.

సో ! నిన్నటి నా ఆఫ్ఘనిస్థాన్ తాలిబాన్ భారత్ తో స్నేహంగా ఎందుకు ఉండాలి అనుకుంటున్నారో లింకు ISKP ఉదంతం బయటపెడుతున్నది. టర్కీ, పాకిస్థాన్ లు ఆఫ్ఘనిస్తాన్ లో నిత్యం ఘర్షణలు జరుగుతూనే ఉండాలి అని కోరుకుంటున్నాయి కాబట్టి తాలిబన్లు ఈ రెండు దేశాలని నమ్మే స్థితిలో లేరు. ISKP ప్లాన్స్ ఏమిటో అజమోవ్ కనుక బయటపెడితే ఇటు భారత్ లోని కొందరికి చివరి రోజులు సమీపిస్తున్నట్లే ! అదే సమయంలో ఆఫ్ఘనిస్థాన్ కి సంబందించి ఏదైనా కుట్ర కోణం బయట పడితే తాలిబన్లకి సమాచారం ఇస్తారు !