ఎందరు వచ్చినా, ఎవరెన్ని కామెంట్లు చేసినా, ఎంతగా కుళ్లుకున్నా, ఎందరు అనుకరించే విఫలప్రయత్నాలు చేసినా… తెలుగు వినోద చానెళ్లలో అత్యంత హిట్ పెయిర్ రష్మి, సుధీర్… అబ్బే, మామధ్య ఏమీ లేదు, కేవలం స్నేహమే, వృత్తిపరమైన బంధమే అని వాళ్లిద్దరూ ఎన్నిసార్లు ఎన్ని వేదికల మీద చెప్పుకున్నా సరే, ఆ జంట ఎప్పుడు కనిపించినా ప్రేక్షకులకు ఆసక్తే…
దాదాపు తొమ్మిదేళ్లుగా వాళ్లను ప్రేమికులుగా చూపిస్తూనే ఉన్నారు… ఢీ, శ్రీదేవి డ్రామా కంపెనీ, జబర్దస్త్, స్పెషల్ ఈవెంట్స్… షో ఏదయినా సరే, రష్మి, సుధీర్ కలిసి ఒకరిపైనొకరు చెణుకులు వేసుకుంటుంటే ఆ వినోదం వేరు… ఫాఫం, కారణాలేవైనా సరే సుధీర్‌ను ఈటీవీ నుంచి బయటికి వెళ్లేలా పొగబెట్టారు… తను వెళ్లిపోయాడు రష్మిని అక్కడ ఒంటరిని చేసేసి…
ఐతేనేం… ఆమె అక్కడే పాతుకుపోయింది… అడపాదడపా ఏవో సినిమా అవకాశాలు వస్తున్నా ఆమె ప్రయారిటీ, స్థిరత్వం టీవీలోనే… అదీ ఈటీవీలోనే… వేరే చానెళ్లకు కూడా పొరపాటున కూడా వెళ్లదు… చాలామంది కమెడియన్లు, ఆర్టిస్టులు చానెళ్ల నడుమ పరుగులు పెడుతున్నా సరే, రష్మి ఈటీవీని వదలదు, అందులోనూ మల్లెమాలకు ఆమె ఆస్థాన కళాకారిణి…
Ads
ఇంకోవైపు తను గతంలో చేసిన సినిమాలు నాసిరకంగా ఉండి, ఫ్లాపులుగా మిగిలి సుధీర్ పరువు తీసినా సరే… ఆమధ్య గాలోడు లాభాలు తెచ్చిపెట్టి సుధీర్‌ను సినిమాల్లో కాస్త నిలదొక్కుకునేలా చేసింది… చిన్న బడ్జెట్ సినిమాలకు ఆప్ట్… సరే, ఆ సినిమా కూడా ఫక్తు రొటీన్ తెలుగు సినిమాల్లాగా నాసిరకమే గానీ సుధీర్ ఆకర్షణగా సినిమా కాస్త ఆడింది… అప్పుడప్పుడూ బుల్లితెర మీద కనిపిస్తున్నాడు… ఆమధ్య ఆహా ఓటీటీలో ఏదో కామెడీ షో కూడా హోస్ట్ చేశాడు…
ప్రస్తుతం తన చేతిలో టీవీ షోలు ఏమీ లేనట్టున్నయ్… కానీ హఠాత్తుగా తన పాత వేదిక ఈటీవీ తెర మీద మెరిశాడు… అదీ రష్మితో కలిసి… జాయింట్ హోస్టింగ్… ప్రొమో బాగుంది… ఈటీవీ 28 ఏళ్ల వార్షికోత్సవం అట… ఓ ప్రత్యేక ఈవెంట్ చేశారు… రష్మి, సుధీర్ కలిసి గ్రేస్‌ఫుల్‌గా డాన్స్ చేస్తే ఆ అట్రాక్షన్ వేరు… ఈ షోలో డాన్స్ ఉందో లేదో తెలియదు గానీ… సుధీర్ ఎదపై రష్మి వాలుతున్న సీన్ హిట్టయిపోయింది అప్పుడే…
సరే, ఈ స్పెషల్ షోలో ఈటీవీ బలగం అంతా కనిపిస్తోంది… నిజంగానే ఈటీవీ బలగం అది… ఆలీ, ఎస్పీ చరణ్, హైపర్ ఆది, కార్తికేయ, నేహాశెట్టి, చంద్రబోస్, ఆటోరాంప్రసాద్, గెటప్ సీను, యమున, కొందరు సింగర్లు, ఇతర జబర్దస్త్ కమెడియన్లు గట్రా… ఈటీవీ పాత, కొత్త బలగాలు కొలువు దీరినట్టు కనిపిస్తోంది… గుడ్… ఈమధ్య ఓ క్రియేటివ్ డైరెక్టర్‌ను వెళ్లగొట్టి, మరో డైరెక్టర్‌కు కూడా స్పాట్ పెట్టారు కదా మల్లెమాలలో… ఏమైనా ఈటీవీ షోలలో కొత్తదనం, క్రియేటివిటీ కనిపిస్తుందేమో చూడాలి…
Share this Article