రోజా ఇక మారదు… మావల్లకాదని నిష్క్రమించిన సుధీర్, రాంప్రసాద్…

ఈటీవీ జబర్దస్త్ షో తనకు పెద్ద ప్లస్ అని చెబుతూ ఉంటుంది రోజా… కానీ ఆ షోకు రోజా ప్లసా, మైనసా..? అప్పుడప్పుడూ ఆ సందిగ్ధం ప్రేక్షకుల్లో కలుగుతూ ఉంటుంది… ఈ షో డైరెక్ట్ చేసే డైరెక్టర్లు, మల్లెమాల ప్రొడక్షన్స్ వాళ్లకు తప్ప ఆమె వైఖరి కొన్నిసార్లు స్కిట్లు చేసే కమెడియన్లకు కూడా చిర్రెక్కిస్తుంది… కానీ ఎవరూ ఏమీ అనలేరు పాపం… పోనీ, ఆమె ఏమైనా తెలుసుకుంటుందా..? నో… తాను ఏదో గొప్ప సాధించేసినట్టు ఫీలై, పకపకా నవ్వేస్తుంది… తెగ సంబరపడుతుంది…

విషయం ఏమిటయ్యా అంటే… జబర్దస్త్, ఎక్సట్రా జబర్దస్త్ లేకపోతే ఈటీవీకి రేటింగ్స్ దిక్కులేవు, తెలుసు కదా… అందుకే బూతుల షో అని జనం ఎంత తిట్టిపోస్తున్నా సరే దాన్నలాగే నడిపిస్తూ ఉంటుంది ఈటీవీ… ప్రేక్షకులు కూడా కామెడీకి వేరే దిక్కులేదు కదా అని చూస్తూనే ఉంటారు… అయితే ఒక్కొక్కరే వెళ్లిపోతున్నారు షో విడిచేసి… నాగబాబుతోపాటు కొందరు వెళ్లిపోయారు అప్పట్లో, ఈమధ్య అదిరె అభి కూడా వెళ్లిపోయాడు, తను సీనియర్, ఎందరికో లైఫ్ ఇచ్చాడు… చమ్మక్ చంద్రలాగే మెరిట్ ఉన్నవాడు… ఇప్పుడు తనూ జంప్… ఇక జబర్దస్త్‌లో హైపర్ ఆది, ఎక్సట్రా జబర్దస్త్‌లో సుధీర్ టీం గాకుండా మిగతావన్నీ సో సో టీమ్స్…

గెటప్ సీను కూడా ఈమధ్య పండుగ షోలకు గానీ, సుధీర్ టీం స్కిట్లకు గానీ రావడం లేదు… ఉన్నంతలో ఆటో రాంప్రసాద్ ఏవో నాలుగు పంచులు రాసుకుని, ఏదో కథ నడిపించేస్తున్నాడు… ఢీ షో నుంచి పంపించేశాక, సుధీర్ కూడా ఏదో వచ్చామా, స్కిట్ చేశామా, వెళ్లామా అన్నట్టుగా ఉంటున్నాడు… తనకు పొగపెడుతున్నారనే సంగతి తనకూ తెలుసు… ఈ స్థితిలో ఆ స్కిట్లను జడ్జ్ చేయడం అనేది కూడా ఓ టాస్క్… కానీ రోజా ఏం చేస్తుందంటే… కమెడియన్లు వేయబోయే పంచులు కూడా తనే ముందే బడబడా చెప్పేస్తుంది… దాంతో ఆ స్కిట్ కమెడియన్ల టైమింగ్ కొలాప్స్ అయిపోతుంది, కమెడియన్లు బిత్తరపోతారు, తదుపరి డైలాగ్ డిస్టర్బ్ అవుతుంది… మొత్తానికి స్కిట్ దెబ్బతింటుంది…

సంక్రాంతిన ప్రసారం కాబోయే ఓ స్కిట్ ప్రోమో కనిపించింది… సుధీర్, రాంప్రసాద్ ఉన్నారు… సహజంగానే ఎప్పటిలాగే రోజా ముందుగానే పంచులు తనే వేసేస్తోంది… అసలు రాంప్రసాద్‌ను డైలాగ్ కూడా చెప్పనివ్వడం లేదు… ఇలా నాలుగైదు డైలాగులకు జరిగేసరికి… సుధీర్ ఇక నావల్ల కాదు అన్నట్టుగా కింద కూర్చుండిపోయాడు… రాంప్రసాద్ ఇక ఓపిక చచ్చిపోయి, తన చేతిలోని ఏదో డ్రెస్సును కిందకు విసురుగా విసిరికొట్టి అక్కడి నుంచి అంతకన్నా విసురుగా వెళ్లిపోయాడు… అసలు ఇంటరప్షన్లు లేకుండా ఒక్క స్కిటయినా జబర్దస్త్, ఎక్సట్రా జబర్దస్త్ షోలలో కనిపిస్తోందా ఈమధ్య… ఏమో…!!