బిగ్‌బాస్‌లో డర్టీ లాంగ్వేజ్… మాటపై అదుపు తప్పుతున్న కంటెస్టెంట్లు…

నిజానికి తెలుగు బిగ్‌బాస్‌లోనే వికారాలు తక్కువ… ఉన్నంతలో కాస్త బెటరే… మరీ హిందీ బిగ్‌బాస్‌తో పోలిస్తే చాలా చాలా బెటర్… అది మరీ అరాచకం… అశ్లీలం ప్లస్ వెగటు ప్లస్ వికారం… బూతులు సరేసరి… తెలుగులో కూడా అప్పుడప్పుడూ బూతులు వినిపిస్తూనే ఉంటాయి… గేమ్స్, టాస్కులు, నామినేషన్లలో హీట్ సంభాషణలు పెరిగి నాలుకలు అదుపు తప్పుతుంటయ్…

కానీ సదరు హౌజ్‌మేట్స్ వెంటనే సంబంధిత బాధితులకు సారీలు చెప్పి హగ్ చేసుకుంటారు… అక్కడ సమసిపోయినట్టు కనిపిస్తుంది… గత సీజన్ పూర్తిగా తెలుగు బిగ్‌బాస్‌ను భ్రష్టుపట్టించి, రేటింగుల్లో పాతాళానికి పడిపోయేలా చేసిన బిగ్‌బాస్ టీం ఈసారి కావాలనే బూతుల్ని ఇగ్నోర్ చేస్తున్నట్టు కనిపిస్తోంది… కానీ కరెక్టు కాదు… అసలే అంతంతమాత్రంగా ఉన్న రేటింగ్స్ ఇంకాస్త పడిపోయే ప్రమాదం ఉంది… అది గుర్తిస్తున్నట్టు లేదు…

చివరకు ఎపిసోడ్ టెలికాస్ట్ చేస్తున్నప్పుడు కొన్నిచోట్ల బీప్ బీప్ అని సౌండ్ వేసుకుని, అసలు బూతుల్ని కవర్ చేయాల్సి వస్తోంది… కొన్ని మొత్తానికే ప్రసారం చేయడం లేదు… ఇప్పుడు ఈ చర్చ ఎందుకు అకస్మాత్తుగా తెర మీదకు వచ్చిందంటే… సింగర్ భోలే షవాలా బూతుల ధారను ప్రియాంక, శోభాశెట్టి సక్సెస్‌ఫుల్‌గా తిప్పికొట్టారు… ఇలాంటి భాషను, ఈ బూతుల్ని సహించేది లేదంటూ తిరగబడ్డారు… ఇంకా ఇంకా ఎకసక్కేలా భాషకు దిగిన భోలే చివరకు సారీ చెప్పి తలవంచాల్సి వచ్చింది…

నామినేషన్స్‌లో ‘‘బరాబర్ ఇచ్చాడు ప్రశాంత్ మీకు బెహం–’’ అన్నాడు… చాలామందికి అది ఊతపదంలా వచ్చేస్తుంటుంది, కానీ ఆడవాళ్ల సమక్షంలో ఆ మాటలు అస్సలు ఆమోదయోగ్యం కాదు… మొదట ప్రియాంక రియాక్టయ్యింది… తరువాత శోభ ఇంకాస్త సీరియస్‌గా తిరగబడింది… అసలే శోభాశెట్టి హౌజులో ఓవర్ యాక్టివ్… అఫ్‌కోర్స్, అది ఆమె గేమ్ స్ట్రాటజీ… అలాంటిది ఈ పదాన్ని విని ఒక్కసారిగా షాక్ తింది… సహజంగానే ట్రోలర్లు రెండువైపులా చేరిపోయారు… శోభను, ప్రియాంకను తప్పుపట్టేవాళ్లు కొందరు… భోలే మీద కూడా దాడి అధికంగానే ఉంది…

చివరకు బిగ్‌బాస్ ఒక దశలో కల్పించుకుని భోలేను మందలించాడు… అంతకు ముందు మాయాస్త్రం టాస్కులో కావచ్చు, అమర్‌ వర్సెస్ ప్రశాంత్… అమర్ బాగా ఫ్రస్ట్రేట్ అయిపోయి, వాడు రీజన్ లేకుండా నన్ను తీసేశఆడు, వాడి వల్ల నా గేమ్ మొ- గు-సి పోయిందని పరుష వ్యాఖ్య చేశాడు… అది తొందరపాటు… ఈ పదం వాడినప్పుడు కూడా ప్రియాంకే సాక్షి… అప్పుడు కూడా అమర్‌ను ‘నోరు జాగ్రత్త’ అని హెచ్చరించింది ఆమె…

మరోసారి ఏదో టాస్కులో గౌతమ్ కూడా నోరు జారాడు… ఏదో సందర్భంలో ‘నాకు గు- మండుతోంది’ అని మాట తూలాడు… ఆ సందర్భంలో కూడా ప్రియాంక ఉంది… కానీ గౌతమ్ టీమ్… అందుకని సైలెంటుగా ఉండిపోయింది… అదే ప్రియాంక మాట తూలిన భోలేను పట్టుకుని థూ అని ఉమ్మేసింది… అది హార్ష్ స్పందన… ఒక్కసారి బిగ్‌బాస్ హెచ్చరించాక భోలే కూడా ఏదో సర్దుబాటు చేసుకోవడానికి ప్రయత్నం చేశాడు కానీ శోభ, ప్రియాంక భోలే పట్ల తమ వ్యతిరేకతను తగ్గించుకోలేదు…

బిగ్‌బాస్ హెచ్చరిక వల్లో లేక శోభ, ప్రియాంక రియాక్టయిన తీరు వల్లో తెలియదు గానీ నిన్న బూతుల వాసనల్లేకుండా ఏవో రెండుమూడు టాస్కులు పూర్తయ్యాయి… ఏదో టాస్కులో శివాజీ కూడా డబుల్ మీనింగ్ మాటలకు దిగాడు… కానీ వాటిపై పెద్దగా పంచాయితీ ఏమీ లేదు… అందరూ లైట్ తీసుకున్నారు…!!