రష్యాలో విష్ణుమూర్తి విగ్రహం… అది తెలియజెప్పే కొత్త చరిత్ర… తెలియని కథ…

 

…… By… పార్ధసారధి పోట్లూరి……   రష్యాలో దొరికిన పురాతన విష్ణుమూర్తి విగ్రహం ! తరుచూ మనం వినేది లేదా చూసేది ప్రపంచవ్యాప్తంగా ఏదో ఒక దేశంలో పురాతన శివలింగం బయటపడ్డది అని… కానీ పురాతన విష్ణుమూర్తి విగ్రహం బయట పడడం అరుదు…

బహుశా శివుడు అభిషేక ప్రియుడు కాబట్టి నదీ పరీవాహక ప్రాంతాలలో శివలింగాన్ని ప్రతిష్టించి దగ్గరలోనే ఉన్న నది నుండి నీళ్ళు తెచ్చి అభిషేకం చేయడానికి వీలుగా ఉంటుంది అనే ఉద్దేశ్యంతో అలా ప్రతిష్టించి ఉండవచ్చు… అదే విష్ణుమూర్తి విగ్రహ ప్రతిష్ట అయితే ఖచ్చితంగా గుడి కట్టవలసిందే కాబట్టి అరుదుగా బయటపడుతూ ఉండి ఉండవచ్చు…

ఋగ్వేదంలోని ఒక శ్లోకం ఇక్కడ ప్రస్తావించి తీరాలి లేకపోతే ఈ కథనానికి విలువ ఉండదు!

‘’ITHAM ASKATI PASYAT SYANTHAM ,EKAM STARAYATH MAINAA KAALAM ‘’

‘’ ఇథం అస్కతి పస్యాత్ శ్యాన్తమ్ , ఏకమ్ స్టారయాత్ మైనా కాలం ‘’

ఋగ్వేదంలో వర్ణన : సూర్యుడు అసమించేచోట ‘’స్తారయ మైన ‘’ అనే చోట అశ్వాలని బలి ఇచ్చే ప్రదేశం. ఇదే స్తారయ మైన అనే ప్రదేశంలో 45 నదులు ప్రవిహిస్తాయి అని…

2007 లో రష్యాలోని వోల్గా నదీ పరీవాహక ప్రాంతంలో ఒక పాడుపడిన పురాతన గ్రామంలో పురాతత్వ శాస్త్రవేత్తలు తవ్వకాలు జరుపుతుండగా ఒక చోట చతుర్భుజుడు అయిన శ్రీ మహా విష్ణువు విగ్రహం బయటపడ్డది. ఆ విగ్రహం 7 వ శతాబ్దం నుండి 10 వ శతాబ్దం మధ్య కాలం నాటిది అని నిర్ధారించారు.

ఆ గ్రామం పేరు ‘’స్తరయ మైనా ‘! అంటే ఋగ్వేదంలో ప్రస్తావించిన స్థలం రష్యా లోని వోల్గా నదీ తీర ప్రాంతంలో ఉన్న గ్రామం పేరు ఒకటే ! ఇప్పుడు ఉక్రెయిన్ రాజధాని ‘’కీవ్ ‘’ చాలా పురాతనమయినది అని చెప్తారు అలాగే రష్యన్ ప్రజల భాష, సంస్కృతికి పుట్టినిల్లు కీవ్ అంటారు.

కానీ కీవ్ కంటే పురాతనమయినది స్తరయా మైనా అనే గ్రామం అక్కడ వర్ధిల్లిన హైందవం ! స్తరయ మైనా అంటే 45 నదులు ప్రవహించే ప్రదేశం అని అర్ధం ! మరి అక్కడ 45 నదులు ఉన్నాయా ఇప్పటికీ ? ఆశ్చర్యం లేదు! ఉన్నాయి ఇప్పటికీ !

రష్యాలోని వోల్గా నది ప్రాంతానికి సనాతన ధర్మం ఎలా వ్యాపించగలిగింది? వోల్గా నది దాని ఉపనదులు కలిసేది కాస్పియన్ సముద్రం [రుషి కశ్యప సాగరం] మరియు నల్ల సముద్రం [black sea]. తూర్పు కాస్పియన్ సముద్ర తీర ప్రాంతం ఇప్పటి ఉత్తర ఇరాన్ ప్రాంతం, తుర్కుమెనిస్థాన్, ఉబ్జేకిస్థాన్, ఖజకిస్థాన్ దేశాలు ఉన్నాయి కానీ టైగ్రిస్, యుఫ్రేటిస్ నదుల ద్వారా కూడా అనుసంధానం అయిఉన్నాయి. సింధు నదికి తీవ్రమయిన వరదలు వచ్చినప్పుడు అక్కడ నుండి వలసలు జరిగాయి.

సింధు నది ఇప్పటి పాకిస్థాన్ లో ఉన్న సింధీ ప్రాంతం నుండి హిందుకుష్ కనుమల నుండి పూర్వపు గాంధార దేశం గుండా ఇరాన్ కి, అక్కడి నుండి కాస్పియన్ సముద్రం దాటుకుంటూ ఇప్పటి ఉక్రెయిన్ ద్వారా వోల్గా నదీ దాని 45 ఉప నదుల పరీవాహాక ప్రాంతానికి చేరుకున్నారు. అదే స్తరయా మైనా అనే ప్రాంతం.

అయితే ఈ వలసలు కనీసం 13 వేల సంవత్సరాల క్రితం జరిగి ఉండవచ్చు అంటే చివరి మంచు యుగం చివర కాలంలో అన్నమాట. వోల్గా నది పేరు ఇప్పటిది కానీ పూర్వం దాని పేరు రస లేదా రసిక లేదా ఖేమ [క్షేమ ?]. ఇప్పటికీ వోల్గా నదిలో కలిసే ఉప నదుల పేర్లు ఇలా ఉన్నాయి : రేక, రక్త,, వ్యక్త,, కామ, ఇలా సంస్కృతం పేర్లతో చెలామణిలో ఉన్నాయి ఇప్పటికీ.

సంస్కృతంతో పరిచయం ఉన్న వాళ్ళు జర్మన్ భాష తొందరగా నేర్చుకోవచ్చు. ఇది నిజం. ఇప్పటికీ జర్మన్ భాష నేర్పే ఇన్స్టిట్యూట్లలో జర్మన్ భాష నేర్పే వాళ్ళు చెప్పేది ఏమిటంటే సంస్కృతం వచ్చిన వాళ్లకి జర్మన్ భాష తొందరగా అర్ధం అవుతుంది అని…

అలాగే జర్మన్ భాష వచ్చిన వాళ్ళు రష్యన్ భాష కూడా తొందరగా నేర్చుకోవచ్చు. అయితే పాశ్చాత్యులు వీటిని ఇండో యూరోపియన్ భాషా వర్గానికి చెందినవిగా ప్రచారం చేస్తున్నారు కానీ స్లావిక్ వేదం గురించి మాత్రం పెద్దగా మాట్లాడరు? ఇప్పటి జెకోస్లోవేకియా రెండు దేశాలుగా విభజించపడ్డాయి ఒకటి చెక్ రిపబ్లిక్ రెండోది స్లోవేకియా.

స్లోవిక్ వేదం అనే పేరు ఇప్పటికీ ప్రచారంలో ఉంది. స్లోవేకియన్లు పంచ భూతాలని ఆరాధిస్తారు. అయితే మనలాగే వాళ్ళు కూడా బహుదేవతారాధకులు అన్నది గమనార్హం. సూర్యుడు, గాలి, అగ్నితో పాటు ప్రకృతిని కూడా దేవుడిగా ఆరాధిస్తారు.

ఇప్పుడు యూరోపులో ఉన్న వారిలో ప్రతి ముగ్గురిలో ఒకరు స్లావిక్ మూలాలు కలిగినవాళ్ళగా గుర్తించారు. మాక్స్ ముల్లర్ బలంగా నాటిన సిద్ధాంతం ప్రకారం ఇప్పటి రష్యాలోని స్తరయా మైనా ప్రాంతంలో ఉన్నవాళ్ళే ఆర్యులు అని. అక్కడి నుండి వాళ్ళు భారత దేశానికి వలస వచ్చారు అని ఒక అబద్ధపు ప్రచారానికి నాంది పలికాడు ముల్లర్. అంటే ఋగ్వేదంలో ఉన్న శ్లోకం ఆధారంగా ఈ సిద్ధాంతాన్ని ప్రతిపాదించాడు మాక్స్ ముల్లర్.

కానీ స్లావిక్ వేదాలు మనలాగే తరతరాలుగా ఒకరి నుండి ఇంకొకరికి కేవలం వాక్కు ద్వారానే చెప్పబడ్డాయి ఇప్పటి రష్యాలోని సైబీరియా ప్రాంతంలో ఒకప్పుడు! అంటే రష్యాలో వేల సంవత్సరాల క్రితమే సనాతన ధర్మం పరిడవిల్లింది.

ఎప్పుడూ మంచుతో కప్పబడి ఉండే ఆ ప్రాంతంలో చాలా లోతుగా తవ్వకాలు జరిపితే అసలు నిజాలు బయటపడతాయి. కానీ బయటపడనివ్వరు. ఈ కథనం మొత్తం మన ప్రింట్ మీడియా వెల్లడించింది కానీ రష్యా మీడియా మాత్రం వెల్లడించలేదు. వైష్ణవం మాత్రం రష్యాలో వేగంగా వ్యాప్తి చెందడానికి కారణం బహుశా ఒకప్పటి వాళ్ళ జ్ఞాపకాలలో ఉన్నవి కారణం కావొచ్చు. చరిత్రకి చెదలు పట్టించారు కదరా ! (2022 మార్చి నాటి కథనం)