ఎక్కడ ఏ నటి ఎక్కువ ఫోకస్‌లోకి వస్తే చాలు, ఠక్కున ఆమె ఇంటి ముందు వాలిపోతారు మన నిర్మాతలు, మేనేజర్లు… ఒప్పిస్తారు, సంతకాలు చేయిస్తారు… ఏవేవో పాత్రలు ఇస్తారు… పిండుకుంటారు… (దురర్థంలో కాదు సుమీ…) తరువాత కొన్నాళ్లకు..? సారీ, నో ఆన్సర్…
శ్రీలీలను చూశాం కదా… డాన్స్ బాగా చేస్తుంది కదా, బాగా పాపులర్ అయ్యింది కదా, జనంలో క్రేజ్ ఉంది కదా… బోలెడు అవకాశాలిచ్చారు, అడిగినంత డబ్బిచ్చారు… అన్నింట్లోనూ అవే పిచ్చి గెంతులు.,. చేసీ చేసీ ఇక జనానికి మొహం మొత్తింది… మరీ గుంటూరు కారంలో ఓవర్… ఇప్పుడామెకు పెద్దగా అవకాశాల్లేవుట… అదేమంటే, మెడిసిన్ లాస్టియర్ కదా, చదువుకుంటోంది అంటున్నారు…
చాలామంది తారలు వస్తుంటారు, పోతుంటారు… కాకపోతే మలయాళ తారలు కాస్త మెరిటోరియస్… ప్రూవ్ చేసుకుంటారు, కష్టపడతారు… ఇదంతా ఎందుకు చెప్పుకోవడం అంటే..? ఇప్పుడు మనవాళ్ల దృష్టి మమితా బైజు మీద పడింది… ఎవరామె అంటారా..? మొన్న మలయాళం నుంచి ప్రేమలు అనే ఓ సినిమా తెలుగులోకి కూడా వచ్చింది కదా, అందులో హీరోయిన్… బాగా చేసింది… 4 కోట్ల సినిమా 85 కోట్ల కలెక్షన్లు చేసిందంటే సినిమా సూపర్ హిట్… ఆ సక్సెస్‌లో మమితా పాత్ర కూడా చెప్పుకోదగిందే…
Ads
ఇంకేముంది..? మనవాళ్ల ఆరాలు స్టార్ట్… రెమ్యునరేషన్ ఎంత..? ఏ పాత్రయినా ఒప్పుకుంటుందా..? ఎట్సెట్రా వివరాల కోసం అన్వేషణ… సరే, తప్పదు సినిమా అంటే వ్యాపారం, ఏదో ఓ ఆకర్షణ కావాలి కదా… ఇదంతా సరే, ఇంతకీ ఆమె ఎవరు..?
కేరళలోని కొట్టాయం జిల్లాలో పుట్టింది… వయస్సు 22 ఏళ్లు, ప్రస్తుతం కొచ్చిలో సైకాలజీ డిగ్రీ చదువుతోంది… ఆమె ఫ్రెష్ మొహమేమీ కాదు, మనకు కొత్త, అంతే… 2017 నుంచే ఫీల్డ్‌లో ఉంది… కాకపోతే ఈ సినిమాతో కోలీవుడ్, టాలీవుడ్ దృష్టి పడింది… ఏటా రెండు సినిమాలు చేస్తోంది తను…
రీసెంటుగా ఆమె ఓ వివాదంలో ఇరుక్కుంది… ఆమె దర్శకుడు బాలతో వనంగాన్ అనే ఓ తమిళ సినిమా చేయాల్సి ఉంది… తమిళంలో ఆమెకు అది తొలి సినిమా… కానీ సెట్‌లో సరిగ్గా నటించకపోవడంతో దర్శకుడు ఆమెను తిట్టాడనీ, కొట్టాడనీ, అందుకే ఆమె ఆ సినిమా నుంచి వైదొలిగిందని ఓ కంట్రవర్సీ… ఆమే చెబుతున్నట్టుగా ఉన్న ఓ వీడియో వైరల్…
ఎహె, సినిమా ప్రమోషన్ ఇంటర్వ్యూలో ఓ చిన్న పార్ట్ తీసుకుని, ఔటాఫ్ కాంటెక్స్ట్ వక్రీకరణలతో వైరల్ చేశారు తప్ప, ప్రొఫెషనల్ కమిట్మెంట్స్ కొన్ని అడ్డురావడంతో సినిమా నుంచి బయటికి వచ్చాను తప్ప దర్శకుడితో నాకేమీ ప్రాబ్లమ్స్ ఎదురు కాలేదు, ఆయన మంచోడే అని తరువాత ఆమె క్లారిటీ ఇచ్చుకుంది… కానీ ఏదో నిప్పుంది కాబట్టే పొగ వచ్చిందట, ఆమె ఆ సినిమాను ఎడమకాలితో తన్నేసి, ఆ సినిమా నుంచి బయటికి వచ్చిందట…!!
Share this Article