గంగవ్వ… బర్రెలక్క… కుర్చీ మడత పెద్దాయన… ఒక్కోసారి ఒకరు సోషల్ మీడియాలో ఫుల్లు పాపులర్ అయిపోతారు… గంగవ్వ అయితే ఓ ఇల్లు కట్టుకుంది… బిగ్‌బాస్ ఇంటికి వెళ్లొచ్చింది… బర్రెలక్క మంచి వోట్లే సాధించి రాజకీయాల్లో కొనసాగే సూచనలు కనిపిస్తున్నయ్… ఫాఫం, ఆ మడత కుర్చీ పెద్దమనిషికి పాపులారిటీ వచ్చింది గానీ ఇంకేమీ దక్కలేదు… ఇప్పుడు ట్రెండ్ కుమారీ ఆంటీ…
తెలుసు కదా… ఫుడ్ స్టాల్, ఫుల్లు గిరాకీ పెంచేసిన సోషల్ మీడియా… ఎగబడిన జనం… పోలీసుల కన్నెర్ర, అండగా నిలిచిన రేవంత్ రెడ్డి… వార్తల్లో వ్యక్తి అయిపోయింది… యూట్యూబ్ చానెళ్లయితే ఎగబడ్డయ్… ఇంటర్వ్యూలు… ఒకడైతే ఏకంగా ఫుడ్డు ఆంటీ లవ్ స్టోరీ తెలుసా అని కూడా ఓ స్టోరీ వండాడు… ఎవరికి ఏం తోస్తే అది ప్రేక్షకులకు వడ్డించేశారు…
సాధారణంగా ఇలా పాపులర్ కాగానే… శ్రీదేవి డ్రామా కంపెనీకి తీసుకొస్తుంటారు ఈటీవీలో… నెక్కిలేసు దుర్గారావు, లోకులు పలుకాకులు ఆంటీ ఎట్సెట్రా బోలెడు ఉదాహరణలు… ఈసారి స్టార్ మాటీవీ ముందుకొచ్చింది… కుమారి ఆంటీని రెండు ఫుడ్ డబ్బాలతో సహా వేదిక ఎక్కించేసింది… బీబీ ఉత్సవం అని ఓ షో చేస్తున్నారు కదా… బిగ్‌బాస్ కంటెస్టెంట్లతో ఓ సరదా షో… అక్కడికి కుమారి ఆంటీని తీసుకొచ్చారు… ఇంకేం… స్రీముఖి ఆమెను అక్కా పిలుస్తూ హత్తుకుంది…
Ads
హేమిటో… అందరూ ఆంటీ అని పాపులర్ చేస్తే ఈమెకేమో అక్క… సరే, దాదాపు సేమ్ వయస్సు కాబట్టి వోకే అనుకుందాం… ఆమె మీద అర్జున్ జోకులు, నవ్వులు… అదేనండీ… రెండు లివర్ ఎక్సట్రా కదా, మీది వెయ్యిరూపాయలు అనే పాపులర్ డైలాగ్ ఒకటి ఉందిగా… అదన్నమాట…
ఎవరో ఆమె మీద ఓ డీజే సాంగ్ కూడా చేశాడు… అయిపోలేదు, యాంకర్ సుమ ఆ సాంగ్ వాడేసుకుని తనే ఆంటీలా మారిపోయి ఓ రీల్ కూడా చేసేసి తన సోషల్ మీడియాలో పెట్టేసింది… (కాకపోతే సుమ రీల్ అస్సలు బాలేదు…)
వెళ్లమ్మా వెళ్లు… ఇంకా చాలా టీవీలు పిలుస్తాయి… నీ పాపులారిటీ వాళ్ల రేటింగ్స్ కోసం వాడేసుకుంటాయి… కానీ మరిచిపోకు, నువ్వూ నీ ఫుడ్ స్టాల్… అదే నీ కడుపు నింపేది… నాలుగు రోజులైతే వీళ్లలో ఒక్కడూ మళ్లీ నీ దగ్గరకు రారు, నీ మొహం చూడరు… అప్పటికి మరో ఫుడ్ ఆంటీ లేదంటే మరో మడత కుర్చీ అంకుల్…
సోషల్ మీడియాలో అప్పుడే ఆమె పాపులారిటీ మీద జోకులు, మీమ్స్ స్టార్టయ్యాయి… చూడబోతే వచ్చే ఎన్నికల్లో ఏదో ఓ పార్టీ ఆమెకు టికెట్టు ఇస్తుందని కొందరు… ఎహె, ఎమ్మెల్సీ ఇస్తారని మరికొందరు… వచ్చే బిగ్‌బాస్ సీజన్‌లో ఆమె ఎంట్రీ మస్ట్ అంటూ ఇంకొందరు… అంతేనా… మొన్న కొందరు రాసిపారేశారు కదా… నెట్‌ఫ్లిక్స్ వాడు ఆమె మీద ఏకంగా ఓ వెబ్ సీరీస్ ప్లాన్ చేశాడని…! ఎస్, కొన్నాళ్లు అలా ఆమె చుట్టూ ఈ టీఆర్పీలు పైత్యం ప్రవహిస్తుంది… తరువాత మళ్లీ ఆమె ఫుడ్ స్టాల్, ఆమే… అంతే… ఎస్, రెండు లివర్స్ ఎక్సట్రా…!!
Share this Article