గంగవ్వను పంపించేస్తారట… నిన్న ఇదొక వార్త… ఎలాగూ మణికంఠ కోరిక మేరకు తననే పంపించేశారు కదా… హౌజులో ఉండే కొద్దీ షో మీద ఇంకా ప్రేక్షకుల్లో చిరాకు పెరుగుతుందనే భావనతో ‘ఇక పోరా భయ్’ అనేశారు… సేమ్…
గంగవ్వ… ఆరోగ్యం సరిగ్గా ఉండదు, గత సీజన్లలో ఆమె ఇలాగే ఆరోగ్యం చెడిపోయి, అర్ధంతరంగా బయటికి వచ్చేసింది… ఇప్పుడూ ఆమెకు ఆరోగ్యం సరిగ్గా లేదు… అసలు ఆమెను హౌజులోకి తీసుకురావడమే తప్పు… ఆమె వయస్సు ఈ షోకు సరిపడదు… పైగా ఆమె చెప్పేది వీళ్లకు అర్థం కాదు సరిగ్గా… వాళ్ల మాటలు, చేతులు ఈమెకు అంతుపట్టవు, సరిపోవు… ఆమె తరం వేరు…
ఆమె తప్పు కాదు… ఆమెను హౌజుకు ఎంపిక చేసినవాడిది తప్పు… బిగ్‌బాస్ షో అంటేనే ఫన్, ఎంటర్‌టెయిన్‌మెంట్, డాన్సులు, గేమ్స్, టాస్కులు… మధ్య మధ్య బిగ్‌బాస్ అప్పటికప్పుడు కృత్రిమంగా పుట్టించే ప్రేమలు, వాడే సృష్టించే బ్రేకప్పులు ఎట్సెట్రా… ఆటలో కుట్రలు, వర్గాలు, వ్యూహాలు అన్నీ ఉంటాయి…
Ads
వాటి ఆధారంగానే జనం వోట్లు… గంగవ్వ ఉందంటే ఉంది… ఏ పనీ చేయదు, ఆమెను ఎవరూ నామినేట్ చేయరు, ఏమీ అనరు… జస్ట్, కంటెస్టెంట్ల నంబర్‌లో మరో అంకె ఆమె… సో, బయటికి పంపించేస్తే, ఆమెను తీసుకొచ్చిన వాళ్లు… నాగార్జునతో సహా… లెంపలేసుకున్నట్టే… ఇకనైనా ఆమెకు ఆ జైల్ హౌజు నుంచి బెయిల్ ఇప్పించండి యువరానర్…
మధ్యలో చెప్పుకున్నాం కదా… ప్రేమలు, బ్రేకప్పులు గట్రా… ఎస్, బిగ్‌బాస్ పుట్టించే ప్రేమలే… షోలో రొమాంటిక్ ఫ్లేవర్ కోసం… కొట్లాటలూ పెడతాడు… భగ్నహృదయాలు, అలకలు, కోపాలు అన్నీ వాడివే… యష్మి- గౌతమ్ పంచాయితీ అదే… నిఖిల్, సోనియా బంధమూ అదే… పృథ్వి- యష్మి అంతే… పృథ్వి- విష్ణుప్రియ తాజా బ్రేకప్పూ అదే… ఇంకా బిగ్‌బాస్ టీమ్ ఏవేవో కష్టాలు పడుతూనే ఉంది…
వీటన్నంటి మధ్యలో తన ఆట తాను ఆడుకుని వోట్లు పొందాల్సిన హరితేజ మాత్రం చాలా పూర్ పర్‌ఫామెన్స్… ఈసారి లీస్ట్ వోటింగ్ ఆమెదే… తరువాత మెంటల్ కేసు పృథ్వి… ఒకవేళ గంగవ్వ వెళ్లిపోతే హరితేజ గట్టెక్కుతుందా..? లేక హరితేజను కూడా పంపిచేస్తారా చెప్పలేం గానీ… పృథ్వి వెళ్లిపోతే మరింత బెటర్… అది విష్ణుప్రియకే మేలు…
నబీల్ తప్పుడు స్ట్రాటజీలతో బదనాం అయిపోతున్నాడు ప్రేక్షకుల్లో… గౌతమ్ ఎలాగూ మెంటలే… ఏమాటకామాట… అస్సలు రక్తికట్టని షోలో ఫన్ జనరేట్ చేయడానికి ప్రవేశపెట్టబడిన అవినాష్, రోహిణి మాత్రం మళ్లీ మళ్లీ తమ బాధ్యతను నిర్వరిస్తున్నారు… తమ ఆట తాము ఆడుతూనే…!!
ప్రస్తుతానికి ప్రేరణ తెలివిగా ఆడుతోంది… వచ్చిన ప్రతి అవకాశాన్ని వాడుకుంటోంది… బాగా ఎఫర్ట్ పెడుతుంది… ఒళ్లు దాచుకోదు… ఆమే కొత్త మెగా చీఫ్ అయినట్టు సమాచారం… అర్హురాలే…!!
Share this Article