Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

సమానంగా పాటలు, స్టెప్పులు, సీన్లు… మల్టీస్టారర్ తిప్పలు మరి…

November 14, 2024 by M S R

.

రామానాయుడు మార్క్ సినిమా మండే గుండెలు . ఆయన సినిమాల్లో కధ , స్క్రీన్ ప్లే బిర్రుగా ఉంటాయి . రిచ్ గా సెట్టింగులు , పడవ కార్లు , మధ్య తరగతి ప్రేక్షకులు వాటన్నింటిలో తమను ఊహించుకుని ఓలలాడుతూ విహారం మస్తుగా ఉంటాయి .‌ ఇవన్నీ ఉన్నాయి ఈ సినిమాలో . కోవెలమూడి వారి వారసుడు బాపయ్య దర్శకత్వం . భారీ తారాగణం . ఇంతమంది ఏక్టర్లను ఎకామడేట్ చేస్తూ కధను వ్రాసిన గుహనాధన్ని మెచ్చుకోవాలి .

ఇద్దరు స్టార్లతో సినిమా ఎలా తీయాలో అలాగే తీసారు . ఇలాంటి ఇద్దరు హీరోల సినిమాల్లో తిప్పలు విలన్లకే . ఇద్దరి చేత సమానంగా తన్నులు తినాలి . 1979 లో వచ్చిన ఈ మండే గుండెలు సినిమా కృష్ణ , శోభన్ బాబులు కలిసి నటించిన ఏడవ సినిమా .

Ads

కధలో కొత్తదనం ఉంది . సెంటిమెంట్ , ఏక్షన్ , కామెడీ , ఫైటింగులు అన్నీ పుష్కలంగా ఉన్నాయి . కానీ , కె వి మహదేవన్ అంతటివాడు సంగీత దర్శకత్వం వహించిన రామానాయుడు సినిమాలో పాటలు వారి లెవెల్లో హిట్ కాలేదు . బాగానే ఉంటాయి . థియేటర్లో వింటానికి శ్రావ్యంగానే ఉంటాయి .‌

పాటలన్నీ ఆత్రేయే వ్రాసారు . బాలసుబ్రమణ్యం , సుశీలమ్మలు పాడిన చల్లాచల్లని సత్యభామ పాట చాలా బాగుంటుంది . ఈ పాట తర్వాత బాగుండేది ఇది ప్రేమ సామ్రాజ్యం పాట . జిల్లు జిల్లుమంటున్నాయ్ నీళ్ళు , వీడే ధీర వీర శూర భీమసేనుడు , బంగారానికి సింగారానికి కుదిరింది బేరం పాటలు శ్రావ్యంగా ఉంటాయి . సత్యనారాయణ , అల్లు రామలింగయ్యల పాట ఒరే కారయ్యా ఏరా సారా సాంబయ్య పాట ఎలా ఉన్నా వాళ్ళిద్దరి గోల బాగుంటుంది .

ప్రి-శంకరాభరణం మంజు భార్గవి ఖవాలీ డాన్సుతోనే సినిమా మొదలవుతుంది . శోభన్ బాబు , కృష్ణ , గుమ్మడి , ప్రభాకరరెడ్డి , కాంతారావు , సత్యనారాయణ , అల్లు రామలింగయ్య , కాకరాల , పి యల్ నారాయణ , మిక్కిలినేని , నూతన్ ప్రసాద్ , కె వి చలం , సారధి , జయప్రద , జయసుధ , మాధవి , అంజలీదేవి , సూర్యకాంతం , రాధాకుమారి ప్రభృతులు నటించారు . చూడండి . ఎంతమంది ఉన్నారో !

ముగ్గురు హీరోలు , ముగ్గురు హీరోయిన్లు , తన్నులు తింటానికి కావలసినంత మంది విలన్లు & వారి గేంగ్ . ఫుల్ గరం మసాలా , వినోదాత్మక సినిమా . 18 సెంటర్లలో యాభై రోజులు ఆడింది . మీ ఊరు ఉందేమో చూసుకొండి . విజయవాడ , రాజమండ్రి , విశాఖపట్నాలలో వంద రోజులు ఆడింది .

కృష్ణ , శోభన్ బాబు అభిమానులు కావాలంటే మళ్ళా చూడొచ్చు . యూట్యూబులో ఉంది . మళ్ళా కూడా చూడబులే . జయప్రద , శోభన్ బాబు , కృష్ణ ముగ్గురూ చాలా అందంగా ఉంటారు . కాబట్టి చూడబులే . #తెలుగుసినిమాలసింహావలోకనం #తెలుగుసినిమాలు #telugumovie, #telugucinema …… (దోగిపర్తి సుబ్రహ్మణ్యం)

Share this Article



Advertisement

Search On Site

Latest Articles

  • షిరిడిలో మానవత్వం పరిమళించిన శుభవేళ… Cab drivers Humanity…
  • కలాం 1200 స్టాటిక్ టెస్ట్ సక్సెస్… స్పేస్‌లోకి మన ప్రైవేటు రాకెట్లు..!!
  • ఫాఫం హరగోపాల్… మరీ పింక్ ప్రకాశ్‌రాజ్‌ స్థాయికి జారిపోవడం..!!
  • ఓ కోణంలో ట్రంపు సుంకదాడి ఇండియాకే మేలు… అదెలాగంటే..?!
  • లాయర్ గారూ… నేను ఓ హత్య చేస్తాను… ఆ కేసు నుంచి మీరే కాపాడాలి…
  • రేవంత్‌రెడ్డి అంటించాడు… బండి సంజయ్ పెట్రోల్ పోస్తున్నాడు…
  • అనువాద పాటలకు అర్థం…? సింపుల్..! ఏ అర్థమూ లేని పైత్యమే…!!
  • ఇస్కోన్ టేమ్పల ఎక్కడ…! వుడ్‌పాకేర్స్ పక్కనే…! తెలుగే… అర్థం కాలేదా..?!
  • నీ బిడ్డను ఇవ్వు… లేదంటే అప్పు అణా పైసలతోసహా వెంటనే తీర్చెయ్…
  • ఓ మరుపురాని ఫోటో… కుదిపేసే ఫోటో… ఆ సందర్భమేంటంటే…

Archives

Copyright © 2025 · Muchata.com · Technology Management by CultNerds IT Solutions