.
-
గుండమ్మ కథ రీమేక్..? ఊహల్లో బాగుంటుంది… నిజంలో అసాధ్యం! మహానటి క్రియేట్ చేసిన ఆ నాగ్ అశ్విన్కూ అసాధ్యం…
-
ఎన్టీఆర్– ఏఎన్నార్ మళ్లీ దొరుకుతారా..? ఎస్వీఆర్ లాంటి నటుడు ఎక్కడ..?
-
సావిత్రి సావిత్రే… జమున జమునే… వర్తమాన తారల్లో ఎవరున్నారు వాళ్లను మళ్లీ చూపడానికి..? కీర్తి సురేష్ వోకే, మరొకరు సాయిపల్లవేనా..?
- ఇగోలు వదిలి ఏ ఇద్దరు టాప్ తెలుగు హీరోలు నటిస్తారు..? గుండమ్మ కథ అసలు ప్రశ్న ఇదే!
-
అసలు సూర్యకాంతం మరిపించే గుండమ్మ ఎక్కడ..? ఎస్వీఆర్ పాత్రకు మోహన్ బాబు దగ్గరగా వస్తాడేమో… కానీ గుండమ్మ కష్టం!
…. ఎహె, ఏమిటిదంతా అనుకుంటున్నారా..? వెయిట్… గుండమ్మ కథ రీమేక్ మీద ఎవరో సోషల్ మీడియాలో ఓ ఎఐ ఇమేజ్ క్రియేట్ చేశారు… కాజల్, కీర్తి సురేష్ లేడీ లీడ్స్ అట… బాలయ్య, నాగార్జున (నిజ వారసులు) ఏఎన్నార్, ఎన్టీయార్ పాత్రల్లోనట… ఊహకు బాగానే ఉంది… కానీ..?
Ads
కొన్ని క్లాసిక్స్ను చెడగొట్టొద్దు… వాటినలాగే ఉంచేయాలి… ప్రయోగాలు చేస్తే పాత ఒరిజినల్ సరుకు వాల్యూ దెబ్బతింటుంది… అసలు ఓ మాయాబజార్ ఎవరైనా మళ్లీ తీయగలరా..? ఇదీ అంతే… నో డౌట్, బాలయ్య, నాగార్జున సూటబులే… కానీ..?
ఆ పాత ఒరిజినల్ వేరు, అందులో స్టార్ హీరోల ఇగోలు కనిపించవు, వీళ్లిద్దరూ అలా ఒదిగిపోతారా..? ఎవరి ఇమేజ్ యావ వాళ్లది… నిజానికి ఇప్పటికీ ఈ సినిమాను రీమేక్ చేస్తే ఎలా ఉంటుందా అనే ఊహలు సోషల్ మీడియాలో అనేకసార్లు కనిపిస్తుంటాయి… ఫ్యాన్స్ పోస్టర్లు కూడా తయారుచేస్తుంటారు…
ఎస్వీఆర్ పాత్ర… ఆ స్థాయి నటుడు ఎవరు?
ఈ సినిమాలో మరో మహా బలం S. V. Ranga Rao నటన. స్క్రీన్పై కనిపిస్తేనే పాత్రకు ఒక బరువు, ఒక గౌరవం వచ్చేది. అందుకే చాలా మంది అభిమానులు అడిగే ప్రశ్న ఇదే: ఆ పాత్రను ఆ స్థాయిలో ఎవరు చేయగలరు?
అయితే కొందరు సినీ అభిమానులు ఒక పేరును సూచిస్తారు — Mohan Babu. ఎందుకంటే Mahanati సినిమాలో ఆయన చేసిన ఎస్వీఆర్ పాత్ర చిన్నదైనా… ఆ నటుడి హావభావాలను, ఆ గ్రేస్ను బాగా పట్టుకున్నారు అని చాలామంది ప్రశంసించారు…
అందుకే కొందరి అభిప్రాయం ఏమిటంటే… ఈ రోజుల్లో ఎస్వీఆర్ పాత్రకు దగ్గరగా వెళ్లగల నటుడు ఎవరైనా ఉంటే… మోహన్ బాబు కొంతవరకు సరిపోతాడు. అయితే అదే సమయంలో మరో మాట కూడా వినిపిస్తుంది: “ఎస్వీఆర్ లాంటి నటుడిని పూర్తిగా రీప్లేస్ చేయడం అసాధ్యం.”
సూర్యకాంతం – ఛాయాదేవి పాత్రలు ఎవరు? ఈ సినిమా గుర్తుకొస్తే వెంటనే గుర్తొచ్చే పేరు Suryakantham. ఆమె చేసిన గుండమ్మ పాత్ర తెలుగు సినిమా చరిత్రలోనే ఒక ప్రత్యేకమైన పాత్రగా నిలిచింది. అలాగే Chaya Devi కూడా ఆ సినిమాలో తనదైన ముద్ర వేసింది. అందుకే అభిమానులు అడుగుతారు…. సూర్యకాంతాన్ని మరిపించే గుండమ్మ ఎవరు? (దివ్వెల మాధురి అని మాత్రం చెప్పకండి)…
సావిత్రి – జమున మ్యాజిక్ మళ్లీ వస్తుందా? హీరోయిన్లుగా నటించిన Savitri, Jamuna కూడా సినిమాకు ప్రాణం. సావిత్రి అమాయకత్వం… జమున చిలిపితనం… ఇవి కలిపి సినిమాకు ప్రత్యేకమైన ఓ మాయ తీసుకొచ్చాయి…
కథ ఇప్పటికీ నడుస్తుందా? అన్నింటికన్నా ముఖ్యం నాటి కథ… ఆ రోజులు వేరు… ఆ కాలంలో కుటుంబ వ్యవస్థ వేరు. జీవన విధానం వేరు. ఇప్పుడు పరిస్థితి పూర్తిగా మారింది. అందుకే అదే కథను ఇప్పుడు తీస్తే ఆ పాత్రలు సహజంగా అనిపిస్తాయా? అన్న ప్రశ్న కూడా వస్తుంది….
లివ్ ఇన్ రిలేషన్స్ కాలం ఇది… ప్రియుల మోజులో పడి భర్తలను, పిల్లలను రప్పారప్పాడిస్తున్న రోజులువి… మహిళల ఆత్మాభిమానం మరో కీలక అంశం… సో, కథను మార్చాలి, కథను మారిస్తే అసలు ఆత్మే దెబ్బ తినిపోతుంది కదా మరి..? పోనీ, ప్రజెంట్ కాలానికి తగినట్టు క్రియేటివ్ ఫ్రీడమ్ తీసుకుని కథను రక్తికట్టించే దర్శకుడు ఎవరు..? అందుకనే… “Gundamma Katha లాంటి సినిమాను రీమేక్ చేయకపోవడమే… దానికి ఇచ్చే నిజమైన గౌరవం…”
Share this Article