.
వరల్డ్ హ్యాపీనెస్ ఇండెక్స్: ఇది సంతోష సూచీనా? లేక అంతర్జాతీయ ప్రహసనమా? సంతోషంగా, ఓ జోక్గా నవ్వుకునే ఓ కామెడీ పీసా..?
ప్రతి ఏటా మార్చి 20వ తేదీ రాగానే ఒక వింత నివేదిక బయటకు వస్తుంది… దాని పేరు ‘వరల్డ్ హ్యాపీనెస్ రిపోర్ట్’… ఈ నివేదిక ప్రకారం చూస్తే, బాంబుల మోతతో వణికిపోతున్న పాలస్తీనా సంతోషంగా ఉందట..! ఆర్థిక సంక్షోభంతో అల్లాడుతున్న పాకిస్థాన్ ఆనందంగా ఉందట..!
Ads
కానీ, ప్రపంచంలోనే అత్యంత వేగంగా ఎదుగుతున్న ఆర్థిక వ్యవస్థ, స్థిరమైన ప్రజాస్వామ్యం ఉన్న భారతదేశం మాత్రం ‘దుఃఖం’లో మునిగిపోయిందట… ఈ వింత లెక్కలు చూస్తుంటే ఇది ‘సంతోష సూచీ’ లా లేదు, ఒక పక్కా ప్లాన్ ప్రకారం జరుగుతున్న ‘నెగెటివ్ ప్రాపగాండా’లా కనిపిస్తోంది… ఇండియాలో ఉంటూ, ఈ ఇండియాను ద్వేషించే వెధవలకు మాత్రమే ఇది పర్ఫెక్ట్ హేపీనెస్ ఇండెక్స్…
కాస్త సీరియస్ వివరాల్లోకి వెళ్దాం… యాంటీ ఇండియా ‘వెధవల’ కోసం… ఈ మట్టి వనరులు ఆస్వాదిస్తూ, ఈ స్వేచ్ఛ అనుభవిస్తూ… విషం కక్కే యాంటీ ఇండియా విద్వేష శక్తుల కోసం…
1. ఆ సంస్థల మూలాలు.. ఎజెండాలు!
ఈ నివేదికను ప్రధానంగా మూడు సంస్థలు కలిసి వండుతాయి:
-
UNSDSN: ఐక్యరాజ్యసమితి అనుబంధ సంస్థ.
-
గాలప్ (Gallup): అమెరికాకు చెందిన సర్వే సంస్థ.
-
ఆక్స్ఫర్డ్ వెల్బీయింగ్ సెంటర్: బ్రిటన్కు చెందిన విద్యా సంస్థ.
వీరి ప్రధాన కార్యాలయాలన్నీ అమెరికా, యూరప్లలోనే ఉన్నాయి… వీరి ఆలోచనా విధానం (Mindset) అంతా పాశ్చాత్య దేశాల జీవనశైలి చుట్టూనే తిరుగుతుంది… వారి దృష్టిలో ‘సంతోషం’ అంటే వ్యక్తిగత స్వేచ్ఛ, ప్రభుత్వంపై ఎన్ని ఫిర్యాదులు చేస్తున్నారు అనేది మాత్రమే… మన దేశంలోని కుటుంబ వ్యవస్థ, సామాజిక భద్రత, ఆధ్యాత్మిక సంతృప్తి వంటి అంశాలను వీరు అసలు పరిగణనలోకి తీసుకోరు…
2. 140 కోట్లకు 2,000 మంది.. ఇదో స్టాటిస్టికల్ జోక్!
భారతదేశ జనాభా సుమారు 145 కోట్లు. ఇందులో 28 రాష్ట్రాలు, 8 కేంద్రపాలిత ప్రాంతాలు, వేల రకాల సంస్కృతులు ఉన్నాయి. ఇంతటి వైవిధ్యం ఉన్న దేశంలో ఈ సంస్థలు సర్వే చేసేది కేవలం 2,000 నుండి 3,000 మందిని మాత్రమే!
-
ఆ 2,000 మంది ఎవరు? ఎక్కడి వారు? ఏ ప్రాతిపదికన ఎంచుకున్నారు? అనేది ఎప్పుడూ రహస్యమే…
-
ఒక మెట్రో నగరంలో ట్రాఫిక్లో ఇరుక్కుపోయిన వ్యక్తిని లేదా ఆ సమయంలో ఏదైనా వ్యక్తిగత సమస్యలో ఉన్న వ్యక్తిని అడిగితే వచ్చే సమాధానమే ‘దేశం మొత్తం మూడ్’ అని వీరు ముద్ర వేస్తారు. ఇది గణాంక శాస్త్రానికే (Statistics) పెద్ద అవమానం.
3. ఫార్స్ ఫ్యాక్ట్స్: యుద్ధం వర్సెస్ శాంతి… ఈ నివేదికలోని అతిపెద్ద హాస్యాస్పదమైన అంశం ఇదే:
-
పాలస్తీనా vs భారత్: ఇజ్రాయెల్ దాడులతో ప్రతిరోజూ ప్రాణాలు కోల్పోతున్న పాలస్తీనా ప్రజలు, భారతీయుల కంటే సంతోషంగా ఉన్నారని ఈ రిపోర్ట్ చెబుతోంది.
-
పాకిస్థాన్ మెరుగట: గోధుమ పిండి కోసం కొట్టుకుంటున్న పరిస్థితులు, నాలుగు డబ్బుల కోసం అంతర్జాతీయ మార్కెట్లో బిచ్చం ఎత్తుకుంటున్న స్థితి, రాజకీయ అస్థిరత ఉన్న పాకిస్థాన్ కూడా భారత్ కంటే పైస్థానంలో ఉండటం చూస్తుంటే, ఈ సర్వే గ్రౌండ్ రియాలిటీకి ఎంత దూరంగా ఉందో అర్థమవుతుంది…
-
లాజిక్ ఏంటంటే: కష్టాల్లో ఉన్నప్పుడు ప్రజలు ఒకరికొకరు తోడుగా ఉంటారు కాబట్టి వారు ‘సంతోషంగా’ ఉన్నారట! అంటే, దేశం నాశనమైతేనే ప్రజలు సంతోషంగా ఉంటారనే వింత లాజిక్ను వీరు ప్రపంచానికి అమ్ముతున్నారు.
4. సర్వే విధానంలోని లోపాలు (Methodology Gaps) వీరు వాడే ‘కాంట్రిల్ లాడర్’ (Cantril Ladder) విధానం పూర్తిగా వ్యక్తిగత అంచనాపై ఆధారపడి ఉంటుంది…
-
ఒక భారతీయుడిని “నీ జీవితం ఎలా ఉంది?” అని అడిగితే, వినయం కొద్దీ లేదా ఇంకా సాధించాల్సింది ఉందనే ఉద్దేశంతో “పర్వాలేదు” అని చెబుతాడు.
-
అదే ఒక పాశ్చాత్య దేశస్థుడు చిన్న సౌకర్యం ఉన్నా “అద్భుతం” అని చెబుతాడు. ఈ సాంస్కృతిక వ్యత్యాసాలను (Cultural Nuances) పరిగణనలోకి తీసుకోకుండా ర్యాంకులు ఇవ్వడం వల్ల భారత్ వంటి దేశాలు ఎప్పుడూ వెనుకబడే ఉంటున్నాయి.
5. నెగెటివ్ ప్రాపగాండా ఎవరి కోసం? భారతదేశం ప్రపంచ స్థాయిలో ఒక శక్తిగా, మూడో బలమైన ఆర్థిక వ్యవస్థగా ఎదుగుతున్న తరుణంలో, ఇలాంటి ‘సూచీల’ ద్వారా దేశ ప్రతిష్టను మసకబార్చే ప్రయత్నం జరుగుతోందనే అనుమానాలు బలపడుతున్నాయి. విదేశీ పెట్టుబడులను ప్రభావితం చేయడానికి, అంతర్జాతీయ వేదికలపై భారత్ను తక్కువ చేసి చూపడానికి ఈ నివేదికలను ఒక ‘ఆయుధం’గా వాడుకుంటున్నారనేది కాదనలేని సత్యం. అంతా లాబీయింగ్, ఈ సర్వే సంస్థల్ని కొనుగోలు చేయడం ఓ మార్గం.
లోపభూయిష్టమైన సర్వే విధానాలు, అరకొర శాంపిల్స్, పక్షపాత వైఖరితో కూడిన ఈ ‘వరల్డ్ హ్యాపీనెస్ రిపోర్ట్’ను భారత్ వంటి దేశాలు సీరియస్గా తీసుకోవాల్సిన అవసరం లేదు. మన సంతోషాన్ని ఎవరో గదిలో కూర్చుని ఇచ్చే ర్యాంకులు నిర్ణయించలేవు. ఇది కేవలం ఒక ‘అంతర్జాతీయ ప్రహసనం’ మాత్రమే!
నిజం చెప్పాలా..? ఈ ర్యాంకులతో ‘యాంటీ ఇండియా ఇండియన్స్’ పండుగ చేసుకుంటారు, ప్రత్యేకించి మన మెయిన్ స్ట్రీమ్ దరిద్రపు మీడియా… ఇండియన్ మీడియాకు ఓ వివేచన అంటూ ఉంటే కదా…ఇదీ అసలైన దరిద్రం… దేశాల సరిహద్దులు దాటితే చాలు అనుకుంటూ వేల మంది వందల బోట్లలో దేశాలు వదిలి పారిపోతూ, మునిగిపోతూ, చచ్చిపోతుంటే ఆ దేశాలు హేపీ అట… భద్రంగా బతికే ఇండియా అన్ హేపీ అట… ఒరేయ్, ఎవడ్రా మీరంతా…
అసలైన వైచిత్రి: ఇండియా వ్యతిరేకుల ‘ఆనందం’ వారికి కనిపించలేదా?
అన్నింటికంటే పెద్ద విడ్డూరం ఏమిటంటే—ప్రపంచవ్యాప్తంగా అనేక దేశాలు అభద్రతతో, అంతర్యుద్ధాలతో, ఆర్థిక సంక్షోభాలతో కొట్టుమిట్టాడుతుంటే, భారతదేశంలో మాత్రం పరిస్థితి అందుకు భిన్నంగా ఉంది. ఇక్కడ విచిత్రం ఏమిటంటే, దేశం పట్ల నిరంతరం విషం చిమ్మే ‘ఇండియా వ్యతిరేక శక్తులు’ (Anti-India Propagandists) కూడా ఇక్కడే అత్యంత స్వేచ్ఛగా, సంతోషంగా జీవిస్తున్నారు.
ప్రభుత్వాన్ని తిడుతూ, వ్యవస్థలను ప్రశ్నిస్తూ, విదేశీ వేదికలపై దేశ ప్రతిష్టను తగ్గించేలా మాట్లాడే వారు సైతం భారత్ అందించే భద్రతను, వనరులను అనుభవిస్తూ పరమానందంగా గడుపుతున్నారు. ఒక రకంగా చెప్పాలంటే, భారతదేశంలో ‘ఇండియా వ్యతిరేకులు’ కూడా పక్కింటి పాకిస్థాన్ సామాన్యుడి కంటే వెయ్యి రెట్లు ఎక్కువ సంతోషంగా, విలాసవంతంగా ఉన్నారు. మరి ఈ ‘వింత సంతోషం’ గాలప్ (Gallup) సంస్థకు గానీ, ఆక్స్ఫర్డ్ పండితులకు గానీ ఎందుకు కనిపించలేదు?
తమ దేశం తగలబడిపోతున్నా ‘సంతోషం’ అని అబద్ధం చెప్పే దేశాలకు ర్యాంకులు పెంచి, శత్రువులకు కూడా ఆశ్రయం ఇచ్చి ఆనందంగా ఉంచే భారత్ వంటి దేశాలకు ర్యాంకులు తగ్గించడం.. ఖచ్చితంగా ఆ యాంటీ ఇండియా ప్రాపగాండిస్టుల ఎజెండాలో భాగమే. అందుకే, ఈ రిపోర్టులు కేవలం ఒక వర్గం వారు వండుకున్న ‘అభూత కల్పనలు’ మాత్రమేనని లోకం నవ్వుకుంటోంది! అవునూ, యాంటీ ఇండియా ప్రతినిధి రాహుల్ గాంధీ ఇంకా స్పందించలేదా..?
Share this Article