.
ఇది నిజమైన వార్తే… కేరళలోని కాసరగోడ్ జిల్లా, అడూర్ (Adoor) ప్రాంతంలో ఈ వింత ఘటన జరిగింది… అడూర్లోని రవి అనే వ్యక్తి ఇంట్లో, సుమారు రెండు వారాలుగా తెరవని ఒక టేబుల్ డ్రాయర్ను శైలజ అనే మహిళ తెరిచింది… అందులో కాగితాల మధ్య ఒక జెర్రిపోతు (Rat Snake) కనిపించింది… ఆశ్చర్యకరంగా, ఆ పాము శరీరానికి ఒక బంగారు ఉంగరం గట్టిగా బిగుసుకుని ఉంది…
-
ఆ ఉంగరం ఎవరిది?…: అది రవి తండ్రికి చెందిన ఉంగరమని, ఆయన చనిపోయిన తర్వాత గుర్తుగా ఆ డ్రాయర్లో భద్రపరిచామని కుటుంబ సభ్యులు తెలిపారు… పాము ఆ డ్రాయర్లోకి దూరినప్పుడు అనుకోకుండా ఉంగరంలోకి దాని శరీరం దూరి, అలాగే ఉండిపోయి ఉంటుందని భావిస్తున్నారు…
-
రక్షణ…: సమాచారం అందుకున్న అటవీ శాఖ ‘సర్ప’ (SARPA) వాలంటీర్లు అక్కడికి చేరుకుని, పాముకు ఎటువంటి హాని కలగకుండా చాలా జాగ్రత్తగా ఉంగరాన్ని కట్ చేసి దాన్ని విడిపించారు… ఉంగరం బిగుసుకుపోవడం వల్ల ఆ పాము కొంత నీరసించి ఉంది…
Ads
మీకు సందేహం వచ్చి ఉండాలిగా… ఎందుకంటే ఫోటోలో ఉంగరం చాలా చిన్నదిగా, పాము శరీరం దానికంటే లావుగా కనిపిస్తోంది… అయితే ఈ ఘటనలో కొన్ని కీలక అంశాలను గమనించాలి…
-
పాము ఎదుగుదల…: జెర్రిపోతులు (Rat Snakes) చాలా సన్నని కలుగుల్లోకి లేదా డ్రాయర్ల సందుల్లోకి సులభంగా దూరిపోగలవు. ఈ పాము చాలా చిన్న వయసులో ఉన్నప్పుడు లేదా ఆహారం లేక సన్నగా ఉన్నప్పుడు ఆ ఉంగరంలోకి దూరి ఉండవచ్చు… ఒకసారి ఉంగరంలోకి దాని శరీరం దూరాక, ఇక పాము పెరుగుతోంది, దాంతోపాటు ఉంగరం బిగసుకుంటోంది…
-
శరీర నిర్మాణం…: పాముల శరీరం చాలా మెత్తగా, సాగే గుణం కలిగి ఉంటుంది… ఉంగరం ఉన్న భాగం వద్ద కండరాలు నొక్కుకుపోయి, దానికి అటువైపు ఇటువైపు ఉన్న శరీరం సాధారణంగా పెరగడం వల్ల ఉంగరం మరీ చిన్నదిగా, శరీరం లావుగా కనిపిస్తోంది…
సో, ఈ చిత్రం గూగుల్ AI (Artificial Intelligence) ద్వారా సృష్టించబడింది కాదు… స్థానిక అటవీ శాఖ అధికారులు కూడా దీన్ని ధృవీకరించారు… పామును రక్షించిన స్నేక్ క్యాచర్లు ఉంగరాన్ని కత్తిరించేటప్పుడు, అది పాము చర్మంలోకి కొంత మేర చొచ్చుకుపోయిందని గమనించారు… ఇది ఆ ఉంగరం చాలా కాలంగా దాని శరీరంపై ఉందనే విషయాన్ని స్పష్టం చేస్తోంది…
కాబట్టి, పాము పెరిగే క్రమంలో ఉంగరం దాని శరీరానికి ఒక ‘నేచురల్ బెల్ట్’ లాగా బిగుసుకుపోయి జరిగిన వింతైన సంఘటన…
Share this Article