నాగదుర్గ – అఖిల్ రాజ్ ! రీల్ జంట కమ్ రియల్ జంట !!

.

ఫోక్ క్వీన్, యూట్యూబ్ ఫిమేల్ సూపర్ స్టార్, కొత్త సినిమా హీరోయిన్ నాగదుర్గ హఠాత్తుగా కొమరవెల్లి మల్లన్న గుడిలో దర్శనమిచ్చింది… ఎవరితో..? రాజు వెడ్స్ రాంబాయి హీరో అఖిల్ రాజ్‌తో కలిసి..! ఆమెకు మల్లన్న మీద గురి ఉన్నట్టుంది… మరెందుకు తనతో కలిసి అక్కడికి వచ్చి, దండలేసుకుని, ఫోటోలు కూడా దిగింది…  నో దాపరికం…

అబ్బో, ఏదో ఉంది వాళ్లిద్దరి నడుమ… ఈ ఊహాగానాలు ఒక్కసారిగా యూట్యూబ్ చానెళ్లలో, సైట్లలో, చివరకు మెయిన్ స్ట్రీమ్ బాపతు సైట్లలోనూ సాగాయి… అబ్బే, లేదు, లేదు, ఏదో కొత్త సినిమాకు ఇద్దరూ కలిసి సంతకం చేశారు, అలా మల్లన్న దగ్గరకు వచ్చి, అంతా మంచి జరగాలని కోరుకున్నారు, అంతే, ఈమాత్రానికి జత కలిపేస్తారా అని కొందరు కొక్కిరించారు… అనగా ఉల్టా ట్రోలింగ్ అన్నమాట…

మరి నిజం ఏమిటి..? రెండూ నిజమేనట… 1) ఇద్దరి నడుమ చాన్నాళ్లుగా పరిచయం ఉంది, కాస్త ఎక్కువై ప్రణయం దాకా వచ్చిందట… గుడ్, మంచి జోడీ, ఆల్ ది బెస్ట్…

2) ఒక  సినిమా వీళ్లిద్దరు జోడీగా రాబోతోంది… దీనికన్నా ముందే ఆమె ఇడుపు కాయితం సినిమాకు సంతకాలు చేసింది, ప్రియదర్శి హీరో, ఆ టైటల్ మీద ఆంధ్రా, తెలంగాణ లొల్లి కూడా జరిగిందిగా కొన్నాళ్లు… తాజా సినిమాకు కూడా మాంచి పవర్ ఫుల్ తెలంగాణ టైటిలే పక్కా…

దీన్ని సంపత్ నంది ప్రజెంట్ చేస్తున్నాడు… తన దగ్గర రైటర్ గా చేసిన గణేష్ డైరెక్టర్… సురేష్ బొబ్బిలి మ్యూజిక్… 14న రామానాయుడు స్టూడియోస్‌లో పూజ కూడా చేయబోతున్నారు… రీల్ కమ్ రియల్ జంట… గుడ్… ఎటొచ్చీ ఆమె తమిళ హీరోతో చేసిన సినిమా ఫ్లాప్ కావడం ఆమె దురదృష్టం… లేకపోతే ఇంకాస్త హైలట్ అయ్యేదేమో…