AIలో ఫోటో అప్‌లోడ్ చేస్తే అకౌంట్‌లో డబ్బులు పోతాయా? నిజమేంటి?

.

Pardha Saradhi Upadrasta …. AIలో ఫోటో అప్‌లోడ్ చేస్తే అకౌంట్‌లో డబ్బులు పోతాయా? ఈ మధ్య సోషల్ మీడియాలో “1980s AI Photo Trend” గురించి రకరకాల హెచ్చరికలు హల్చల్ చేస్తున్నాయి.
AIలో మన ఫోటో అప్‌లోడ్ చేస్తే సైబర్ మోసాలు జరుగుతాయని, చివరకు బ్యాంక్ అకౌంట్‌లోని డబ్బులు కూడా పోవచ్చని ప్రచారం జరుగుతోంది.
రవి ప్రకాష్ కూడా దీనిపై ఒక వీడియో చేశారు.
కానీ ఇందులో కొంత నిజం ఉంది. కొంత అతిశయోక్తి కూడా ఉంది.

AIలో ఫోటో అప్‌లోడ్ చేసిన ప్రతి ఒక్కరి బ్యాంక్ అకౌంట్ ఖాళీ అయిపోతుందనుకోవడం తప్పు.
ఇలాంటి ప్రమాదం ఏర్పడాలంటే మన ఫోటోను ఎవరు, ఎలా ఉపయోగించగలరు? మనం ఉపయోగిస్తున్న సేవలో Face Recognition, Digital KYC లేదా Biometric Authentication ఎలా పనిచేస్తున్నాయి? అనేవి కూడా ముఖ్యమే.

మనలో చాలామంది ఉపయోగిస్తున్న సేవలు ఇప్పటికీ OTP, Password, Device Authentication వంటి పద్ధతులపైనే ఆధారపడుతున్నాయి. మనం బ్యాంక్ సేవలు ఇప్పటికీ OTP based Authorization మీదనే వాడుతున్నాము. Face recognition కాదు.
అందుకే జాగ్రత్త అవసరమే… కానీ భయం అనవసరం!

మరి ఈ విషయంలో కొన్ని ముఖ్యమైన నిజాలు చూద్దాం.
🔴 1. బయోమెట్రిక్ డేటా ప్రమాదం
తెలియని లేదా అనుమానాస్పద AI యాప్స్‌లో మన స్పష్టమైన ఫోటోలను అప్‌లోడ్ చేస్తే, వాటి ద్వారా మన ముఖానికి సంబంధించిన ప్రత్యేక లక్షణాలు సేకరించబడే అవకాశం ఉంటుంది. అందుకే ఏ AI యాప్ పడితే ఆ AI యాప్‌లో ఫోటోలు అప్‌లోడ్ చేయకూడదు.
అందుకే “Free AI Photo Filter” అని కనిపించిన ప్రతి App‌ను నమ్మకూడదు.
ముఖ్యంగా: Developer ఎవరో తెలియని Apps , Privacy Policy లేని Apps , అనవసర Permissions అడిగే Apps , అనుమానాస్పద Websites , Social Media Ads ద్వారా వచ్చే తెలియని AI Tools వాటితో జాగ్రత్తగా ఉండాలి.

అదే సమయంలో ChatGPT, Google Gemini, Microsoft Copilot వంటి ప్రసిద్ధ AI సేవలను తెలియని, అనుమానాస్పద Apps‌తో ఒకే గాటన కట్టడం కూడా సరైనది కాదు. పెద్ద AI సేవలకు Privacy Policies, Security Controls, Data Handling, Retention విధానాలు ఉంటాయి.
ఈ యాప్ లలో ఇప్పటికే వారి ఇంటర్నల్ సెక్యూరిటీ ఫీచర్ లు, స్టోరేజ్ పాలసీ లు, ఆర్చివ్ పాలసీ లు ఉంటాయి. మీ ఫోటో, ఫైల్ లు ఎక్కడకు పోవు. అందుకే ఏ యాప్ వాడుతున్నాము అనేది ముఖ్యం.

🔴 2. Deepfake ముప్పు
మన ఫోటోలను ఉపయోగించి AI ద్వారా మనలాగే కనిపించే, మాట్లాడే లేదా కదిలే నకిలీ వీడియోలు తయారు చేయడం సాధ్యమే. ఇది నిజమైన సైబర్ ముప్పే. కానీ మళ్ళీ ఏ యాప్ లు వాడుతున్నామో చేస్తున్నారు ముఖ్యం.
కాబట్టి మన ఫోటోలు ఎక్కడ పడితే అక్కడ అప్‌లోడ్ చేయకపోవడం మంచిదే.
కానీ ఇక్కడ కూడా “Deepfake తయారు చేయగలరు” అన్నది నిజం; “అందువల్ల వెంటనే మీ బ్యాంక్ డబ్బు పోతుంది” అన్నది తప్పనిసరిగా నిజం కాదు.
మధ్యలో ఇంకా అనేక భద్రతా వ్యవస్థలు ఉంటాయి.

🔴 3. Fake KYC ప్రమాదం
భవిష్యత్తులో కొన్ని గుర్తింపు ప్రక్రియల్లో AI-generated faces లేదా Deepfakes‌ను దుర్వినియోగం చేసే ప్రయత్నాలు జరగవచ్చు. అయితే ఒక ఫోటో దొరికింది కాబట్టి వెంటనే మీ బ్యాంక్ అకౌంట్ నుంచి డబ్బులు తీసేయగలరు అని చెప్పడం సరైనది కాదు.KYC వ్యవస్థల్లో సాధారణంగా మరిన్ని ధృవీకరణలు, OTPలు, పరికర ఆధారిత భద్రత వంటి అదనపు చర్యలు ఉంటాయి.

🔴 4. అసలు పెద్ద ప్రమాదం — తెలియని Apps & Permissions
‘Photo Editor’ అని చెప్పుకునే కొన్ని అనుమానాస్పద యాప్స్ Gallery, Contacts, Microphone, Location
వంటి అవసరం లేని Permissions అడగవచ్చు. ఇక్కడే చాలామంది తప్పులో కాలేస్తారు. యాప్ అడిగిన ప్రతి Permission‌కి “Allow” కొట్టేస్తారు.
ఒక్కసారి ఆలోచించండి…
ఒక Photo Editing App‌కు మీ Contacts ఎందుకు కావాలి? Microphone ఎందుకు కావాలి? Location ఎందుకు కావాలి?అవసరం లేని Permission‌ను ఇవ్వకండి.

🛡️ మరి ఏం చేయాలి?
✅ తెలియని AI Apps లేదా Websites‌లో వ్యక్తిగత ఫోటోలు అప్‌లోడ్ చేయకండి.
✅ App install చేసే ముందు Developer, Reviews, Privacy Policy, Permissions పరిశీలించండి.
✅ అవసరం లేని Permissions‌ను Deny చేయండి.
✅ Banking, Email, Social Media ఖాతాల్లో 2FA / Two-Factor Authentication ఆన్ చేసుకోండి.
✅ ముఖ్యంగా Official / Authorized , నమ్మకమైన AI సేవలనే ఉపయోగించండి.

మరి ChatGPT, Google Gemini, Microsoft Copilot లాంటి వాటి సంగతేంటి?
వీటిని తెలియని, అనుమానాస్పద AI Apps‌తో ఒకే గాటన కట్టడం సరైనది కాదు. పెద్ద టెక్నాలజీ సంస్థలు సాధారణంగా Privacy Policies, Data Retention Policies, Security Controls వంటి వ్యవస్థలను నిర్వహిస్తాయి.
కానీ ప్రతి సేవకు సంబంధించిన తాజా Privacy , Data Retention Policy తెలుసుకుని ఉపయోగించడం ఉత్తమమైన పద్ధతి.

 ఇప్పటికే అనుమానాస్పద AI App ఉపయోగించారా?
వెంటనే:
🔹 App Permissions‌ను Revoke చేయండి
🔹 App‌ను Uninstall చేయండి
🔹 మీ ముఖ్యమైన ఖాతాల్లో Security Activity పరిశీలించండి
🔹 అనుమానాస్పద లాగిన్‌లు ఉంటే Password మార్చండి
🔹 ఆర్థిక మోసం జరిగితే వెంటనే 1930కు కాల్ చేయండి

 ముఖ్యంగా గుర్తుంచుకోవాల్సింది ఒక్కటే:
Password‌ను మార్చుకోవచ్చు, కానీ మీ ముఖాన్ని మార్చుకోవడం సాధ్యం కాదు!
అందుకే AIని చూసి భయపడాల్సిన అవసరం లేదు. కానీ ఏ AI App పడితే అది ఉపయోగించడం కూడా తెలివైన పని కాదు. AIని ఉపయోగించండి, కానీ మీ Privacyని కూడా ఉపయోగించండి!

AI అనే కాదు, ప్రతి టెక్నాలజీలో రెండు కోణాలు ఉన్నాయి. వాట్సాప్ లు కూడా హ్యాక్ అవుతాయి. ఫోన్లు కూడా అవుతాయి.
వాడాల్సిన రీతిలో వాడాలి. టెక్నాలజీని ఆపడం పరిష్కారం కాదు. వాడాల్సిన రీతిలో వాడటం నేర్చుకోవడమే పరిష్కారం.
జాగ్రత్తగా ఉండండి. భయపడకండి. ఏ App ఉపయోగిస్తున్నారో తెలుసుకుని ఉపయోగించండి. ఇది AI కే కాదు ప్రతి టెక్నాలజీ ఉపయోగంలో ప్రత్యేక ప్రధాన సూత్రం.
— ఉపద్రష్ట పార్ధసారధి

#CyberSecurity #AI #Deepfake #Privacy #BiometricData #AIFilters #1980sAITrend #CyberCrime #DigitalSafety #OnlineSafety #AIIndia #telugureels