.
రోజురోజుకూ బీఆర్ఎస్ పార్టీ… ప్రత్యేకించి గంగ చంద్రముఖిగా మారినట్టు…. కేసీయార్, కేటీయార్, హరీష్ రావు తమ నిజ దొర స్వరూపాల్ని, అంటే పక్కా దొరతనాన్ని, అంటే దళిత బహుజనులపై అంతులేని వివక్షను చూపించే ఒరిజినల్ రూపాల్ని, గుణాల్ని… అంటే అగ్రవర్ణాహంకారాన్ని ప్రదర్శిస్తోంది…
స్పీకర్ను లం- కొడుకు అంటాడు ఒకడు… పార్టీ అధినేత ఫామ్హౌజులో పడుకుని వికటపు నవ్వు ప్రదర్శిస్తాడు… ఎవడో చావు డప్పు కొడుతున్నాడట, ఆ బాట మొత్తం శుద్ధి చేయండి, పసుపు నీళ్లు జల్లండి అంటాడు… మొత్తం దళిత జాతికే వ్యతిరేక చర్య అది…
Ads
స్పీకర్ మీద విమర్శకు గానీ, పసుపు నీళ్ల శుద్ధికి గానీ క్షమాపణల్లేవు, చింతించడాల్లేవు, అంటే ఆ మౌనం ఏం చెబుతోంది… ఎస్, మేం చేసిందే, మేం కోరుకున్నదే అని దళిత జాతికి ఓ సంకేతాన్ని పంపిస్తున్నాయి… అబ్బే, వీళ్లు కులసహన దొరలు అంటారా..? మరో ఉదాహరణ చెప్పుకుందాం…
చావుడప్పు బాటకు పసుపు నీళ్లు శుద్ధి కేసీయార్ దగ్గర నుంచి… సిరిసిల్ల దళితుల ఉసురు పోసుకున్న కేటీయార్ దగ్గర నుంచి… నేను దొరను కానా, నాకేం తక్కువ అంటున్న హరీష్ రావు దాకా… పక్కా యాంటీ దళిత్ పోకడలు… (స్పీకర్కు క్షమాపణ చెప్పలేదు, పసుపు నీళ్ల శుద్ధికి క్షమాపణ చెప్పలేదు అని గుర్తుంచుకొండి)…
ఓ వార్త చదువుదాం…
BRS కుల ద్వేషం బట్టబయలు – అసెంబ్లీలో దూషణల నుండి ఫామ్హౌస్ “శుద్ధి” వరకు, ఇప్పుడు సిద్దిపేట అంతటా దీని విస్తరణ!
తెలంగాణలో BRS నాయకత్వంలో కుల ద్వేషం, అంటరానితనానికి సంబంధించిన ఒక సిగ్గుచేటైన అధ్యాయం కొనసాగుతూనే ఉంది… కొద్ది రోజుల క్రితం సిద్దిపేటలోని ఇమాంబాద్లో జరిగిన గణేష్ ఉత్సవాల సమయంలో, దళితులు- అగ్రవర్ణాల వారికి ఒకే చోట భోజన ఏర్పాట్లు చేశారన్న కారణంతో హరీష్ రావుకు చెందిన ఒక BRS కార్యకర్త తీవ్ర గొడవ సృష్టించాడు…
తమ పక్కనే కూర్చుని తినడానికి దళితులకు ఎంత ధైర్యం అని అగ్రవర్ణాల వారు అరుస్తున్న దృశ్యాలు వైరల్ వీడియోలో కనిపించాయి… ఇలా బహిరంగంగా అంటరానితనాన్ని ప్రదర్శించడం అనేది ఒక వివిక్త సంఘటన మాత్రమే కాదు…
KTR సమక్షంలోనే BRS ఎమ్మెల్యేలు అసెంబ్లీ స్పీకర్ను (దళిత సామాజిక వర్గానికి చెందినవారు) దూషించినప్పటి నుండి ఇటువంటి దళిత వ్యతిరేక చర్యలు బాగా పెరిగాయి… ఆ తర్వాత KCR ఫామ్హౌస్ వద్ద దళితులు నిరసన తెలిపినప్పుడు, వారు అక్కడికి వచ్చినందుకు గాను ఆ స్థలాన్ని పసుపు, పాలతో “శుద్ధి” చేశారు – ఇది ఉద్దేశపూర్వకంగా చేసిన ఆచారపరమైన శుద్ధి ప్రక్రియ… కుల ఆధిపత్యం, “కుల పిచ్చి”ని నమ్మే వారు ఇప్పుడు KCR, హరీష్ రావులను తమ ఆదర్శాలుగా భావిస్తున్నారు…
చాలా కాలంగా KCR, హరీష్ రావుల ప్రభావంలో ఉన్న సిద్దిపేట, ఇలాంటి వెనుకబడిన ఆలోచనా ధోరణి కలిగిన సంఘటనలు పదేపదే జరిగే కేంద్రంగా మారింది.
గతంలో, KTR నాయకత్వంలో BRS నాయకులు మొదట దళిత స్పీకర్ను అవమానించారు, ఆపై అసెంబ్లీ బయట మహిళా పోలీసు అధికారులపై దారుణమైన భౌతిక దాడికి పాల్పడ్డారు… వారు అధికారులను కొట్టారు, దూషించారు, ఉద్దేశపూర్వకంగా అవమానించడానికి, భయపెట్టడానికి వారి ముందు బట్టలు కూడా విప్పారు… దానిపై విచారణ కొనసాగుతోంది… ఐనా సరే బీఆర్ఎస్ క్యాంపు నుంచి వీసమెత్తు పశ్చాత్తాపం లేదు…
KCR సంవత్సరాల తరబడి సభకు దూరంగా ఉన్నప్పటికీ, ఆయన పార్టీ ఎమ్మెల్యేలు ప్రజాస్వామ్య చర్చకు బదులుగా హింస, అరాచకం, దిగజారుడు ప్రవర్తనను ఎంచుకున్నాడు… KTR, పాడి కౌశిక్ మహిళా పోలీసులపై బలప్రయోగం చేస్తూ, అత్యంత అవమానకరమైన దృశ్యాలను సృష్టించడం కనిపించింది…
దళిత స్పీకర్ను దూషించడం, దళితులు ఫామ్హౌస్ను సందర్శించిన తర్వాత “శుద్ధి” చేయడం, యూనిఫాంలో ఉన్న మహిళలపై దాడి చేయడం వంటివి రాజకీయ నిరసనలు కావు… ఇవి పూర్తిగా కులవివక్ష… యాంటీ దళిత్… సామాజిక న్యాయం, మహిళల గౌరవం, ప్రజాస్వామ్య సంస్థలకు ఇవి అవమానకరం…
Share this Article