.
ట్రంప్ ప్రభుత్వానికి మిడ్‌టర్మ్ ఎన్నికల తర్వాత తొలి భారీ రాజకీయ పరీక్ష.. యుద్ధ శాఖ కార్యదర్శి పీట్ హెగ్‌సెత్‌పై అభిశంసన తీర్మానం!
మధ్యంతర ఎన్నికలు తరువాత అమెరికా రాజకీయాల్లో కొన్ని భూకంపాలు వచ్చే అవకాశము వుంది అని 3, 4 రోజుల క్రితమే ఒక పోస్ట్ పెట్టా . రిపబ్లిక్ ప్రభుత్వమంలోని కీలక అధికారుల మీద అభిసంసన తీర్మానం వచ్చే అవకాశం అని చెప్పాను . దానిలో ఒక మొదటి స్టెప్ పడింది.
అమెరికా రాజకీయాల్లో మరో కీలక పరిణామం చోటుచేసుకుంది. రిపబ్లికన్ పార్టీకి చెందిన కాంగ్రెస్ సభ్యుడు థామస్ మాస్సీ , అమెరికా అధ్యక్షుడు డొనాల్డ్ ట్రంప్ ప్రభుత్వంలోని యుద్ధ శాఖ కార్యదర్శి పీట్ హెగ్‌సెత్ పై ఎనిమిది అభిశంసన ఆరోపణలతో కూడిన తీర్మానాన్ని నవంబర్ 9, 2026న తిరిగి ప్రవేశపెట్టారు.
ఇది ట్రంప్ ప్రభుత్వానికి మధ్యంతర ఎన్నికల అనంతరం ఎదురవుతున్న తొలి ప్రధాన రాజకీయ పరీక్షగా మారింది.
Ads
అభిశంసనకు కారణాలేమిటి?
థామస్ మాస్సీ ప్రవేశపెట్టిన ఎనిమిది అభిశంసన అంశాల్లో ప్రధానంగా ఈ ఆరోపణలు ఉన్నాయి.
1️⃣ ఇరాన్‌తో యుద్ధం: అమెరికా కాంగ్రెస్ నుంచి సరైన అనుమతి లేకుండానే ఇరాన్‌పై సైనిక చర్యలను కొనసాగించారని ఆరోపణ.
2️⃣ యుద్ధ అధికారాల దుర్వినియోగం: అమెరికా రాజ్యాంగం ప్రకారం కాంగ్రెస్‌కు ఉన్న యుద్ధాన్ని ప్రకటించే అధికారాలను పక్కన పెట్టారని ఆరోపణ.
3️⃣ పౌరుల ప్రాణాలకు సంబంధించిన నిబంధనలు: ఇరాన్‌లో బాలికల పాఠశాలపై జరిగిన దాడి సహా పౌరుల ప్రాణాలను రక్షించడానికి ఉద్దేశించిన చట్టాలను నిర్లక్ష్యం చేశారని ఆరోపణ.
4️⃣ కరేబియన్ సముద్రంలో దాడులు: మాదకద్రవ్యాల అక్రమ రవాణాకు పాల్పడుతున్నాయనే ఆరోపణలున్న పడవలపై అమెరికా సైన్యం జరిపిన దాడులు చట్టవిరుద్ధమని అభిశంసన పత్రంలో పేర్కొన్నారు.
5️⃣ వెనిజులా అధ్యక్షుడి అరెస్టు: వెనిజులా మాజీ అధ్యక్షుడు నికోలస్ మదురోను అమెరికా అదుపులోకి తీసుకోవడాన్ని సార్వభౌమ దేశ నాయకుడి అపహరణగా అభివర్ణిస్తూ అభ్యంతరం వ్యక్తం చేశారు.
6️⃣ యెమెన్‌పై సైనిక చర్యలు: కాంగ్రెస్ అనుమతి లేకుండా యెమెన్‌పై యుద్ధ చర్యలు చేపట్టారని ఆరోపించారు.
7️⃣ భావప్రకటనా స్వేచ్ఛ: అమెరికా సెనేటర్ మార్క్ కెల్లీపై పెంటగాన్ చర్యలను ప్రతీకార చర్యలుగా పేర్కొంటూ, రాజ్యాంగం కల్పించిన భావప్రకటనా స్వేచ్ఛను అణచివేశారని ఆరోపించారు.
8️⃣ అధికార దుర్వినియోగం: రక్షణ శాఖకు అప్పగించిన అధికారాలను రాజ్యాంగ పరిమితులకు విరుద్ధంగా వినియోగించారని మాస్సీ అభిశంసన పత్రంలో పేర్కొన్నారు.
ఇప్పుడు ఏం జరగబోతోంది?
ఈ తీర్మానంపై అమెరికా ప్రతినిధుల సభ రెండు శాసన దినాల్లోగా చర్య తీసుకోవాల్సి ఉంటుంది. తీర్మానంపై ఓటింగ్ ఈ వారంలోనే జరిగే అవకాశం ఉంది. అభిశంసన తీర్మానం సభలో ఆమోదం పొందితే తదుపరి సెనేట్‌లో విచారణ, తొలగింపు ప్రక్రియకు మార్గం ఏర్పడుతుంది. సెనేట్‌లో దోషిగా నిర్ధారించడానికి మూడింట రెండొంతుల మెజారిటీ అవసరం.
ట్రంప్ ప్రభుత్వానికి రాజకీయ సవాలు!
2026 మధ్యంతర ఎన్నికల్లో రిపబ్లికన్ పార్టీ ఎదుర్కొన్న పరాజయాల నేపథ్యంలో ఇరాన్ యుద్ధం, దాని ఆర్థిక ప్రభావం, పెరిగిన ఇంధన ధరలు అమెరికా రాజకీయాల్లో ప్రధాన చర్చనీయాంశాలుగా మారాయి.
ఈ నేపథ్యంలో పీట్ హెగ్‌సెత్‌పై అభిశంసన తీర్మానం ప్రవేశపెట్టడం ట్రంప్ ప్రభుత్వానికి మరో రాజకీయ సవాలుగా మారింది.
థామస్ మాస్సీ స్వయంగా రిపబ్లికన్ పార్టీకి చెందిన నాయకుడే అయినప్పటికీ, ట్రంప్ ప్రభుత్వ విదేశాంగ, సైనిక విధానాలపై గతంలోనూ విమర్శలు చేశారు.
ఈ తీర్మానంపై రిపబ్లికన్ సభ్యులు ఎలా స్పందిస్తారు? డెమోక్రాట్లు ఎంతమేరకు మద్దతు ఇస్తారు? హెగ్‌సెత్ తన పదవిని కొనసాగించగలరా? అనేది ఇప్పుడు ఆసక్తికరంగా మారింది.
— ఉపద్రష్ట పార్ధసారధి
Share this Article