ఇజ్రాయిల్ రాజకీయాల్లో మలుపు? జాతీయ ప్రభుత్వం ఏర్పాటు?

.

Pardha Saradhi Upadrasta ….  ఇజ్రాయెల్ రాజకీయాల్లో అనూహ్య మలుపు.. నెతన్యాహు కూడా ప్రభుత్వంలోకి రానున్నారు .
ఇజ్రాయెల్‌లో కొత్త ప్రభుత్వం ఏర్పాటుపై కీలక పరిణామం చోటుచేసుకుంది. నెతన్యాహు నేతృత్వంలోని లికుడ్ పార్టీని కూడా ప్రతిపాదిత సంకీర్ణ ప్రభుత్వంలోకి ఆహ్వానిస్తూ ప్రతిపక్ష నాయకుడు ఐజెన్‌కాట్ సంచలన నిర్ణయం తీసుకున్నారు.

ఐజెన్‌కాట్ నాయకత్వంలో ఏర్పాటు చేయబోయే జాతీయ ఐక్యత ప్రభుత్వంలో చేరేందుకు నెతన్యాహు కూడా సానుకూల సంకేతాలు ఇచ్చారు. ఐక్యత ప్రభుత్వం ఏర్పాటు చేయడం “తక్షణ అవసరం అని ఆయన అభిప్రాయపడ్డారు.

ఎన్నికల తర్వాత ఎవరి బలం ఎంత?
అక్టోబర్ 27న జరిగిన ఎన్నికల అనంతరం ఏ కూటమికీ ప్రభుత్వ ఏర్పాటుకు అవసరమైన 61 స్థానాలు దక్కలేదు.
– నెతన్యాహు కూటమి: 53 స్థానాలు
– ఐజెన్‌కాట్ కూటమి: 48 స్థానాలు
– అరబ్ పార్టీలు: 19 స్థానాలు

దీంతో ప్రభుత్వ ఏర్పాటుపై ప్రతిష్టంభన నెలకొంది. నవంబర్ 8న ఇజ్రాయెల్ అధ్యక్షుడు ఐజాక్ హెర్జోగ్ ఐజెన్‌కాట్‌కు ప్రభుత్వ ఏర్పాటుకు ఆహ్వానం ఇచ్చారు. ఇందుకు 28 రోజుల గడువు విధించారు. అవసరమైతే మరో 14 రోజులు పొడిగించే అవకాశం ఉంది.

ఐజెన్‌కాట్ నాలుగు కీలక షరతులు
తన నాయకత్వంలో జాతీయ అత్యవసర ఐక్యత ప్రభుత్వాన్ని ఏర్పాటు చేయాలని ఐజెన్‌కాట్ భావిస్తున్నారు. ఇందుకోసం నాలుగు ప్రధాన షరతులను ముందుంచారు.
1. ఇజ్రాయెల్ ఒక యూదు దేశంగా, ప్రజాస్వామ్య దేశంగా కొనసాగాలి.
2. ఇజ్రాయెల్ స్వాతంత్ర్య ప్రకటనలోని విలువలకు కట్టుబడి ఉండాలి.
3. దేశంలోని ప్రతి ఒక్కరికీ తప్పనిసరి జాతీయ సేవ (Mandatory National Service) ఉండాలి.
4. హమాస్‌ను ఉగ్రవాద సంస్థగా గుర్తించాలి.

ఈ షరతుల కారణంగా అరబ్ పార్టీలకు అధికారిక సంకీర్ణ ప్రభుత్వంలో స్థానాలు కల్పించడం దాదాపు అసాధ్యంగా మారింది. అరబ్ పార్టీ లు వీటికి ఒప్పుకోవు. అరబ్ పార్టీల మద్దతు తీసుకోవటం ఇరు వర్గాలకు ఇష్టం లేదు.

నెతన్యాహు, రిలీజియస్ జియోనిజం పార్టీలకు ఆహ్వానం!
ఈ షరతులకు అంగీకరించే లికుడ్ పార్టీ సభ్యులను, అలాగే రిలీజియస్ జియోనిజం (Religious Zionism) పార్టీ సభ్యులను కూడా ప్రభుత్వంలో చేరాలని ఐజెన్‌కాట్ ఆహ్వానించారు.
మరోవైపు నెతన్యాహు ఐక్యత ప్రభుత్వ చర్చలకు సానుకూలంగా ఉన్నప్పటికీ, తన పూర్తి రాజకీయ కూటమి యథాతథంగా కొనసాగాలని కోరుతున్నారు.

ఇకపై ఏం జరగబోతోంది?
ఐజెన్‌కాట్ నాయకత్వంలో నెతన్యాహు కూడా భాగస్వామి అయితే ఇజ్రాయెల్ రాజకీయాల్లో ఇది అతిపెద్ద రాజకీయ మలుపు కానుంది. అయితే చర్చలు ఇంకా కొనసాగుతున్నాయి. ఇప్పటివరకు ఎలాంటి తుది ఒప్పందం కుదరలేదు. కానీ ఆయన ఒక వీడియో విడుదల చేయటం ద్వారా తన అంగీకారం దాదాపు చెప్పారు.

నెతన్యాహు తన రాజకీయ ఆధిపత్యాన్ని పక్కనపెట్టి ఐక్యత ప్రభుత్వంలో చేరతారా? లేక తన పూర్తి కూటమితోనే కొనసాగుతారా? అన్నది ఇప్పుడు ఆసక్తికరంగా మారింది.
— ఉపద్రష్ట పార్ధసారధి

#IsraelPolitics #BenjaminNetanyahu #Eisenkot #Likud #IsraelGovernment #CoalitionGovernment #IsraelElection #Hamas #MiddleEastPolitics