పార్ధసారధి పోట్లూరి…… రష్యా అధ్యక్షుడు వ్లాదిమిర్ పుతిన్ న్యూక్లియర్ ప్రోటోకాల్ ప్రారంభించమని ఆదేశాలు జారీ చేశాడు ! న్యూ క్లియర్ ప్రోటోకాల్ అంటే అణు వార్ హెడ్లని కలిగి ఉన్న ICBM [Inter Continental Ballistic Missile ] అంటే ఖండాంతర క్షిపణి వ్యవస్థని యాక్టివేట్ చేయడం అన్న మాట. మనకి సినిమాలలో చూపించినట్లు ఒక రెడ్ బటన్ ప్రెస్ చేయగానే మిసైల్ గాల్లోకి లేవడం నిజం కాదు. ఇది ఎలాంటిది అంటే మనం ATM లోకి వెళ్ళి డబ్బులు డ్రా చేసుకున్నప్పుడు గర గర అనే శబ్దం వచ్చి, తరువాత నోట్లు బయటికి వస్తాయి కానీ అలా శబ్దం చేసే గేర్లు ఏవీ ఉండవు ATM మెషీన్ లో ! మరి… ? ATM లోపల ఒక స్పీకర్ అలా నోట్లు వస్తున్నట్లు శబ్దం చేస్తుంది మనకి నోట్లు బయటికి వస్తున్నాయి అనే విషయం తెలియటం కోసం అంతే !
(అమెరికన్ స్టింగర్ మిసైల్ ని ప్రయోగిస్తున్న ఉక్రెయిన్ సైనికుడు)
పుతిన్ ఇలాంటి నిర్ణయం ఎందుకు తీసుకోవాల్సి వచ్చింది ? రష్యన్ దళాలు ఉక్రెయిన్ రాజధాని కీవ్ ని చేరుకునే క్రమంలో ఉక్రెయిన్ లోని రెండో అతి పెద్ద నగరం అయిన ఖరఖీవ్ [Kharkiv] ని చుట్టుముట్టాయి. ఖరకీవ్ లో యుద్ధ పరిస్థితిని అంచనా వేయడానికి రెక్కీ [reconnaissance] నిర్వహించడానికి ఒక చిన్న సైజు ప్లటూన్ బయలుదేరింది. ముందే చెప్పినట్లుగా… లోగడ చెచెన్యా తీవ్రవాదులు చెచెన్ పార్లమెంట్ ని స్వాధీనం చేసుకునే ప్రయత్నంలో ఉన్నప్పుడు, చెచెన్యా రాజధాని గ్రోజ్నీని చేరుకునే ప్రయత్నంలో రష్యన్ దళాలు వెనకా ముందు చూసుకోకుండా, గ్రోజ్నీలో ప్రవేశించే సమయంలో, గ్రోజ్నీకు ముందే మోహరించిన చెచెన్ తీవ్రవాదులు మెరుపు దాడితో రష్యన్ దళాలని మట్టుపెట్టారు. ఆ అనుభవాన్ని దృష్టిలో పెట్టుకొని మొన్న రెక్కీ నిర్వహించి, ఆపై వ్యూహ రచన చేసే ఉద్దేశంతో రష్యన్ ఇన్ఫాంట్రీ దళాలు బయలుదేరాయి.
Ads
(ఖర్కీవ్ నగరం బయట ఉన్న రింగ్ రోడ్డు వద్ద జరిగిన పోరాటం లో ద్వ్హంసం అయిన T-90 టాంక్ టర్రేట్.)
వీటిలో ముందు రష్యాకి చెందిన అధునాతన T-90 MBT ఉండగా, దాని వెనుక రెక్కీ దళాలకి నాయకత్వం వహిస్తున్న కమాండర్ అత్యంత పటిష్టమయిన ఆర్మర్డ్ వెహికిల్ ఉండగా, దాని వెనుక రెండు BMP2 IFV లు [Infantry Fighting Vehicles ], వీటి వెనుకగా మరో T-90 MBT , దాని వెనుక రెండు APC లు [Armed Personnell Carrier ] లు కలిసి, మొత్తం 50 మంది ఇన్ఫాంట్రీ సైనికులు ఉన్నారు… ఇదో చిన్న సైజు ప్లటూన్ తో సమానం. ఈ రెక్కీ టీంకి మొదట్లో స్వల్పంగా ప్రతిఘన ఎదురయినా, వాటిని అధిగమించి ముందుకు ప్రయాణిస్తుండగా, చివరికి ఖార్కివ్ నగరానికి వెళ్ళే రింగ్ రోడ్డు తగిలింది. దాంతో ఈ రింగ్ రోడ్డుని బ్లాక్ చేస్తే ఖార్కివ్ లోకి సప్లై ఆపెయొచ్చని భావించి అక్కడ ఆగిపోయింది రెక్కీ టీం. ఇంతలో ఒక రష్యన్ తయారీ లాడా కారు ఈ రెక్కీ టీం ఉన్న ప్రదేశానికి దగ్గరగా వచ్చి ఆగిపోయింది వీళ్ళని చూసి. అందులో సివిల్ దుస్తుల్లో ఉన్న ఉక్రేనియన్ ఉన్నాడు.
ఎందుకయినా మంచిది అనుకోని రష్యన్ రెక్కీ టీంలోని సైనికులు కారు మీద కాల్పులు జరిపి అది పనికిరాకుండా చేసారు. తరువాత డ్రైవర్ ని బయటికి పిలిచి, వివరాలు అడుగుతుండగా కాల్పుల శబ్దం వినిపించింది. దాంతో కారులో వచ్చిన వాడు ఇన్ఫార్మర్ అని అతడిని చంపేశారు. అయితే రష్యన్ సైనికులు కారు మీద జరిపిన కాల్పుల శబ్దం అక్కడికి దగ్గరలోనే రోడ్డు పక్కగా పొదలలో నక్కి ఉన్న ఉక్రేనియన్ సైనికులు విన్నారు. దాంతో అలర్ట్ అయిపోయి వెంటనే ఎదురు దాడి చేయడం మొదలుపెట్టారు రష్యన్ రెక్కీ టీం మీద. ఉక్రేనియిన్ సైనికులు కొద్దిమందే ఉన్నారు కానీ వాళ్ళ దగ్గర ఉన్నవి బ్రిటీష్ తయారీ LNAW యాంటి టాంక్ గైడెడ్ మిసైల్స్. మొదటి NLAW మిసైల్ ముందు T-90 టాంక్ ని ధ్వంసం చేసింది, ఆ విధ్వంసం ఎలా ఉన్నదీ అంటే టాంక్ మీద ఉండే టర్రేట్ [కనీసం బరువు ఒక టన్ను ఉంటుంది ] గాల్లోకి లేచి దూరంగా పడిపోయింది, ఇంకో జావెలిన్ యాంటి టాంక్ మిసైల్ [USA] టాంక్ వెనుక ఉన్న APC ని క్షణాల్లో నామరూపాలు లేకుండా చేసింది. అప్పటికే ఉక్రేనియన్ సైనికులు రష్యన్ రెక్కీ టీంని అన్నివైపుల నుండి చుట్టుముట్టారు. రెండు T-90 లతో సహా 4 IFV లు ధ్వంసం అవడానికి ఒకే ఒక నిముషం పట్టింది అని ప్రత్యక్ష సాక్షులు తెలిపారు.
(రష్యన్ రెక్కీ టీం కమాండర్ ఉన్న వాహనం.)
ఇక వెనుక ఉన్న ట్రక్కులు, వాటిలో ఉన్న సైనికులు వెనక్కి తిరిగి వెళుతూ వైర్లేస్స్ set తో దూరంగా ఉన్న తమ టీంకి సమాచారం ఇవ్వగా వెంటనే ఎయిర్ సపోర్ట్ కోసం వచ్చింది ఓ రష్యన్ కిమోవ్ హేలికాప్టర్. దాన్ని అమెరికా కి చెందిన స్టింగర్ మిసైల్ తో కూల్చేశారు ఉక్రేనియన్ సైనికులు. మొత్తంగా చూస్తే 25 మంది రష్యన్ సైనికులతో సహా రెక్కీకి వచ్చిన అన్ని వాహనాలు ధ్వంసం అయిపోయాయి. రెండు హెవీ ట్రక్కులు తప్ప. వెనక్కి వెళ్లిన మిగిలిన సైనికులు ఇచ్చిన సమాచారం మేరకు మాస్కోలో ఉన్న వ్యూహకర్తలకి అసలు విషయం బోధపడింది.
అసలు ఉక్రెయిన్ సైనికుల చేతిల్లోకి ఈ అధునాతన అమెరికన్ జావెలిన్ యంటి టాంక్ గైడెడ్ మిసైళ్ళు, బ్రిటన్ కి చెందిన అధునాతన NLAW యాంటి టాంక్ గైడెడ్ మిసైళ్ళు , అలాగే లేటెస్ట్ అమెరికన్ స్టింగర్ మిసైళ్ళు ఎలా వచ్చాయి ?…….. 2014 లో అప్పటి అమెరికా అధ్యక్షుడు డోనాల్డ్ ట్రంప్ అప్పటివరకు అమెరికా ఉక్రెయిన్ కి ఇస్తున్న ఆర్ధిక సహాయంలో కోత పెట్టాడు. వాటిలో ఆయుధాలు కూడా ఉన్నాయి. అలాగే అధునాతన ఆయుధాలు ఉక్రెయిన్ కి ఇవ్వడం మీద నిషేధం విధించాడు కూడా. ఇవేవీ కూడా ఆర్డర్ ఇస్తే వారాల్లో లేదా నెలల్లో తయారు చేసి ఇచ్చేవి కావు. సంవత్సం అన్నా పడుతుంది, అలాంటిది ఇవి ఉక్రెయిన్ లోకి ఎలా వచ్చాయి ?
ఈ అధునాతన ఆయుధాలు నేరుగా ఉక్రెయిన్ లోకి రాలేదు. ట్రంప్ నిషేధం విధించిన తరువాత పక్కనే ఉన్న బాల్టిక్ దేశాలు వీటి కోసం ఆర్డర్ ఇచ్చాయి. అలా లిదువేనియా దేశం స్టింగర్ మిసైల్ కోసం ఆర్డర్ ఇస్తే, లాత్వియా దేశం జావెలిన్ మిసైల్ కోసం ఆర్డర్ ఇచ్చింది. ఇవి అప్పటికే ఈ రెండు దేశాలలో ఉన్నాయి. యుద్ధం మొదలవగానే బోర్డర్ దాటించి ఉక్రెయిన్ లోకి చేరాయి. ఇక బ్రిటన్ దళాలు పోలాండ్ లో ఉన్నాయి అక్కడి నుండి బ్రిటన్ NLAW మిసైళ్ళు ఉక్రెయిన్ లోకి చేరాయి.
మరి ‘’ఘోస్ట్ ఆఫ్ కీవ్ ‘’ గా పిలువబడుతున్న MIG-29 ఎలా అన్ని రష్యన్ విమానాలని కూల్చగలిగింది? యుద్ధం ప్రారంభం అవకముందే అమెరికా, బ్రిటన్ లు కలిసి ప్రయోగాత్మకంగా తమ అధునాతన ఎవియానిక్స్ మరియు ఎలక్రానిక్ వార్ ఫేర్ లని అమర్చాయి. దాంతో రష్యన్ జెట్ ఫైటర్ ల రాడార్లని MIG-29 జామ్ చేసి మరీ వాటిని కూలుస్తున్నది. మరీ విశేషం ఏమిటంటే Su -57s ని కూడా కూల్చగలిగింది. అంటే అమెరికా తన F-35 లలో వాడే ఎలెక్ట్రానిక్ EW ని ఉక్రెయిన్ MIG-29 లో అమర్చి ఉండవచ్చు. లేకపోతే రెండు జనరేషన్ లు వెనుక ఉన్న జెట్ ఫైటర్ 5TH జెనరేషన్ గా చెప్పుకుంటున్న రష్యా విమానాని ఎలా కూల్చగలిగింది ?
(లిదువేనియా నుండి వచ్చిన జావెలిన్ యాంటి టాంక్ మిసైళ్ళని అన్ లోడ్ చేస్తున్న ఉక్రెయిన్ సైనికులు)
మూడు రోజుల్లో ముగుస్తుంది అనుకున్న యుద్ధం 5వ రోజుకి కూడా కీవ్ నగరాన్ని అదుపులోకి తీసుకోలేకపోవడంతో, నాటో దేశాలతో పాటు అమెరికా ఉక్రెయిన్ వెనుక ఉన్నది అన్నది అర్ధమయిపోయింది పుతిన్ కి. అందుకే ఆలస్యం చేయకుండా న్యూక్లియర్ ప్రోటోకాల్ సిద్ధం చేయమని ఆదేశాలు ఇచ్చాడు. ఇక పూర్తి స్థాయి అణు యుద్ధం చేస్తాడా లేక టాక్టికల్ న్యూక్లియర్ వెపన్స్ ని మాత్రమె ఉపయోగిస్తాడా అనేది రేపు జరిగే చర్చలతో తెలిసిపోతుంది. మామూలు సాంప్రదాయ యుద్ధం కనుక చేయాల్సి వస్తే అది నెలల తరబడి కొనసాగవచ్చు ఇది ఆర్ధికంగా రష్యాకి నష్టాన్ని మిగులుస్తుంది.
యుద్ధం ఆపే శక్తి కేవలం అమెరికాకే ఉంది ! వెన్నుపోటు పనులు ఆపితే తప్పితే అది చివరికి అణు యుద్ధానికి దారి తీస్తుంది అనడానికి సందేహం లేదు. రష్యా కనుక అణు దాడి చేయదలుచుకుంటే ముందు యూరోపు మీద, వెంటనే అమెరికా మీద దాడి చేస్తాడు పుతిన్. రష్యాకి తోడుగా ఎప్పటి నుండో కాచుకొని ఉన్న ఉత్తర కొరియా కూడా సిద్ధం అవుతుంది. ఇప్పటికే ఉత్తర కొరియా మూడు సార్లు హైపర్ సానిక్ మిసైళ్ళ ని పరీక్షించింది. అవకాశం వస్తే ఎవరూ వదులుకునే స్థితిలో లేరు అన్నది నిజం. నిజానికి రష్యా కంటే అమెరికా కే శత్రువులు ఎక్కువ…
Share this Article