ఒక ఇరువయేండ్ల కిందటి వరకూ ఒగాది మొదలు రాకీట్లపున్నమ దాకా కూరగాయలు కరువు. వొరుగులతోనే వంటలు. పప్పంటే మా దగ్గర తొంభైపాళ్లు పెసరుపప్పే. ఏదోవోసారి పప్పుచారుకు మాత్రమె కందిపప్పు. చెరిగి..కోడి.. నాపలు-బుడ్డుపెసళ్లు ఏరేసి మంచి గట్టిపెసళ్లు ఎండవోసి పొతంగ విసిరి మల్లోసారి చెరిగి పరంగిరం లేకుంట తీసేసి మూడునాలుగు కుంచాలంత పొట్టుపప్పు ఈతచాపల రాశివోసి గానుగపల్లినూనెకు పసుపుగలిపి,ఆ చమరు పప్పుకు పట్టించి అద్దగంటసేపు మంచిగ పప్పంత కలెగలిపి ఎత్తి, అర్రల గడంచెమీద ఓరకు వెడుదురు. పదిహేను రోజులైనంక […]