అక్కినేని ధర్మదాత… ఎవ్వడి కోసం ఎవడున్నాడు… పొండిరా పొండి…

రెండు రోజులు భోజనం చేయలేదట ANR ఈ పాటకు మొహంలో దైన్యం కోసం . సినిమా కాబట్టి దారితప్పిన కొడుకులు దారికొచ్చారు . నిజ జీవితంలో ఈరోజుల్లో సంతానానికి వాళ్ళ తిక్కలు , బలుపులు , idiosyncrasies , eccentricities , pervertions వారివే . తల్లిదండ్రుల ఆశయాల గురించి , పరువు ప్రతిష్టల గురించి ఆలోచించే పిల్లల సంఖ్య తగ్గిపోతుంది . తల్లిదండ్రులకు తెలియకుండానే వాళ్ళని తాకట్టు పెట్టే సంతానం పెరిగిపోతున్న రోజులు .

తమిళంలో హిట్టయిన ఎంగ ఊరు రాజా అనే సినిమాకు రీమేక్ . నాగేశ్వరరావు పాత్రను శివాజీ గణేశన్ వేసారు . ధర్మదాత 11 కేంద్రాలలో వంద రోజులు ఆడింది . హైదరాబాద్ శాంతి థియేటర్లో శత దినోత్సవం జరిగింది . అక్కినేని సంజీవి దర్శకత్వంలో వచ్చిన ఈ సినిమాలో ANR ద్విపాత్రాభినయం , జానకి , కాంచన , నాగభూషణం , పద్మనాభం , గీతాంజలి , ఝాన్సీ , రేలంగి , అనిత ప్రభృతులు నటించారు .

టి చలపతిరావు సంగీత దర్శకత్వంలో పాటలన్నీ సూపర్ హిట్ . జో లాలీ జో లాలి లాలీ నా చిట్టితల్లి , చిన్నారీ బుల్లెమ్మ సిగ్గెందుకులేవమ్మా , హల్లో ఇంజనియర్ , ఓం పరమేశ్వరి జగదీశ్వరి రాజేశ్వరి , ఎవరూ నీవారు కారు నీ తోడు రారు , ఓ నాన్నా నే మనసే వెన్న పాటలు చాలా బాగుంటాయి . పునర్జన్మ సినిమాలోని ఎవరివో నీవెవరివో పాటతో మొదలు పెట్టి ఇతర పాటలను మిక్సింగ్ చేసి పద్మనాభం , గీతాంజలిల మీద తీసిన పాట సరదాగా ఉంటుంది .

ప్రధానంగా చెప్పుకోవలసింది నాగేశ్వరరావు నటనే . ముసలి పౌరుషం , పట్టుదల , ఆత్మాభిమానం , పోగొట్టుకున్న రాచరికం , పోగొట్టుకోని దాతృత్వం వంటి విభిన్న షేడ్లలో బాగా నటించారు . కుర్ర నాగేశ్వరరావుగా చలాకీగా విభిన్నత్వం చక్కగా చూపారు . మా నరసరావుపేటలోనే చాలాసార్లు చూసా . టివిలో కూడా వచ్చినప్పుడల్లా చూస్తుంటా . ముసలి ANR పాత్ర మీద నాకు చాలా సానుభూతి . నన్ను నేను చూసుకుంటూ ఉంటా . సినిమాలో ANR సక్సెస్ అయ్యాడు . నేను పొరపాటున కూడా సక్సెస్ కాను . తేడా అంతే .

యూట్యూబులో ఉంది . తప్పక చూడండి . Feel Good , emotional , entertaining and musically hit movie . #తెలుగుసినిమాలసింహావలోకనం #తెలుగుసినిమాలు #telugumovies #telugucinema #telugureels