Muchata.com Latest Telugu News

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

భారత జాతి సంస్మరించాల్సిన ఓ జపానీ యువతి… చదవాల్సిన చరిత్ర…

March 7, 2023 by M S R

పదే పదే మనం మన చరిత్ర పుస్తకాల్లో కొందరి స్వాతంత్ర్య సమరయోధుల కథలే చదువుతున్నాం… కానీ తమ ప్రాణాలకు తెగించి, విదేశాల్లో ప్రవాసంలో ఉంటూ దేశమాత సేవలో పునీతులైన ఎందరి కథల్నో మన చరిత్ర పుస్తకాలు మనకు చెప్పడం లేదు… అంతేకాదు, మనవాళ్లను పెళ్లి చేసుకుని, తమ జీవితాల్ని భరతమాత పాదాల వద్ద అర్పించిన విదేశీయుల కథలూ ఉన్నయ్… కానీ ఇన్నేళ్లూ వాటిని మన పిల్లలకు చెప్పినవాడెవ్వడు..?

టోసికో… ఈమె కథ ఖచ్చితంగా చదవదగ్గది… భర్త పేరు రసబిహారీ బోస్… వీలైనంత క్లుప్తంగా, స్ట్రెయిటుగా చెప్పుకుందాం… ఈ కథలో కొన్ని ఇంట్రస్టింగు అంశాలూ ఉన్నయ్… రసబిహారీ బోస్ బెంగాలీ… 1912… బోస్ తిరుగుబాటుదారు… డిసెంబరులో ఢిల్లీలో వైస్రాయ్ ఊరేగింపు మీద బాంబు దాడి జరిగింది… కానీ ఫెయిలైంది… ఆ ప్లానులో ఈ బోస్ ప్రధాన సూత్రధారి…

ఈ దాడి వెనుక కుట్రదారుల కోసం పెద్ద ఎత్తున వేట మొదలైంది… వాళ్లను అరెస్టు చేసినా, పట్టిచ్చినా లక్ష రూపాయల బహుమతి ప్రకటించారు… అప్పట్లో లక్ష రూపాయలు అంటే చాలా చాలా పెద్ద మొత్తం… అంటే బ్రిటిష్ ప్రభుత్వం ఎంత సీరియస్‌గా తీసుకుందో తెలిసింది కదా… వాళ్లలో ఎవరు పట్టుబడినా మరణశిక్ష తప్పదు… బోస్ తన కొలీగ్స్ సూచనల మేరకు వేషం మార్చుకుని, దొంగ దారిలో జపాన్ వెళ్లిపోయాడు 1915లో…

ఆరోజుల్లో జపాన్, బ్రిటన్ నడుమ ఓ ఒప్పందం ఉంది… దాని ప్రకారం ఇండియాకు సంబంధించిన నేరస్థులు ఎవరు జపాన్‌లో షెల్టర్ తీసుకున్నా సరే, వాళ్లను బ్రిటన్ ప్రభుత్వానికి అప్పగించాలి… ఇండియాలో ప్రాసిక్యూట్ చేయాలి… ఒకవేళ తను జపాన్ దేశస్థుడు అయితే ఎక్కడికీ తీసుకుపోయేది లేదు… అయితే ఇంట్రస్టింగుగా మరో చట్టం ఉంది… దాని ప్రకారం భార్యాభర్తల్లో ఒకరు జపాన్ దేశీయులు అయితే జంటలో మరొకరు జపాన్ పౌరసత్వం పొందుతారు… సో, బోస్ కొలీగ్స్ ఎవరైనా జపాన్ మహిళను చూసి, పెళ్లిచేసుకో అని చెప్పసాగారు… అది తనకు పెద్ద రక్షణ… 
రసబిహారీ బోస్‌కు జపాన్‌లో ఓ దోస్త్ దొరికాడు… తన పేరు అయిజో సోమ, తన భార్య పేరు కొక్కొ సోమ… వాళ్లు బోస్‌‌ను తమ హోటల్‌ పక్కనే ఉన్న ఓ ఇంట్లో దాచి ఉంచారు… ఈ సందర్భంగా సోమా దంపతుల 20 ఏళ్ల బిడ్డ టొసికో పరిచయమైంది… వీళ్ల సంభాషణలను వినేది… రసబిహారీ కూడా బారత స్వాతంత్ర్య పోరాట సంగతులు ఆమెకు చెబుతుండేవాడు… ఎందరు తిరుగుబాటుదారులు తమ ప్రాణాలకు తెగించి పోరాడుతున్నారో చెప్పేవాడు… తన పరిస్థితినీ వివరించాడు… ఒకసారి హఠాత్తుగా నేను నిన్ను పెళ్లిచేసుకుంటాను… నీకు మానవరక్షణకవచం అవుతాను అన్నది…

 

అజ్ఞాతంగా మీ పోరాటానికి సహకారం అందిస్తాననీ చెప్పింది… అప్పుడామె వయస్సు 20 ఏళ్లు మాత్రమే… ఆమె ఇంకా చదువుకుంటోంది… ఆమె నిర్ణయం ఆమె తల్లిదండ్రులకు షాకింగ్… నిజానికి చైనా, ఇండొనేషియా, ఇండియాకు చెందిన వాళ్లను జపనీయులు అస్సలు ఇష్టపడేవారు కాదు… పైగా వాళ్లలో జాతీయభావనలు, సంప్రదాయవాదం ఎక్కువ… తమ రక్తం ప్యూరిటీ మీద ప్రేమ ఎక్కువ… అందుకే ప్రాంతేతరులు, దేశాంతర వివాహాలను అస్సలు సమ్మతించేవాళ్లు కాదు… పైగా బోస్ ఓ ఇండియన్, ఓ బ్లాకీ… లిల్లీ పూవు వంటి టోసికోను ఇచ్చి పెళ్లిచేయాలంటే వాళ్లకూ మనసొప్పడం లేదు…

బోస్ కూడా ఈ పెళ్లికి సమ్మతించలేదు మొదట్లో… కానీ టోసికో స్వయంగా పట్టుపట్టడంతో పెళ్లి చేశారు ఇద్దరికీ… అది 1918వ సంవత్సరం… ఈ పెళ్లితో ఆటోమేటిక్‌గా రసబిహారీకి జపాన్ పౌరసత్వం వచ్చేసింది… లీగల్‌గా తనను ఇండియాకు తీసుకెళ్లలేరు… కానీ బ్రిటిష్ డిటెక్టివ్స్ నిఘా ఎక్కువైంది…

 

ఈ పెళ్లితో అజ్ఙాతంలో బతికే ప్రయాస తప్పింది బోస్‌కు… స్వేచ్ఛగానే తిరుగుతూ సౌత్ ఈస్ట్ ఆసియాలో పనిచేసే ఇండియన్లను సంఘటితం చేసే పనిలో పడ్డాడు… విరాళాలు సేకరించేవాడు… ఇండియాలోని తిరుగుబాటుదార్లకు పంపించేవాడు… సుభాష్ చంద్రబోస్ ఆధ్వర్యంలోని ఆజాద్ హిందూ ఫౌజ్ కూడా తన సాయం తీసుకునేది…

 

బ్రిటిష్ డిటెక్టివ్స్ కళ్లు గప్పడానికి ఏడెనిమిదేళ్లలో 15 ఇళ్లు మారాడు… 1923… ఆమె వయస్సు 28 ఏళ్లు… అప్పటికే ఒక కొడుకు, ఒక బిడ్డ… కానీ ఈ ఒత్తిళ్లు, పదే పదే ఇళ్లు మారడంతో ఆమెకు టీబీ సోకింది… రెండుసార్లు భూకంపాల వల్ల తాము ఉండే ఇళ్లు కూలిపోయాయి… ఒక దశలో కనీసం 1000 రూపాయలైనా సర్దుబాటు చేయాలంటూ కొలీగ్స్‌ను అభ్యర్థించాడు బోస్… పత్రికా ప్రకటన ఇచ్చారు… ఏవో మారుపేర్లతో… 624 రూపాయలు వచ్చాయి… అప్పట్లో టీబీకి చికిత్స లేదు… 1925లో టోసికో లోకం విడిచి వెళ్లిపోయింది… భారత జాతి ఏవిధంగా కృతజ్ఞతలు చెప్పుకోగలదు ఆమెకు… వేనవేల సంస్మరణలు తప్ప…!!

Share this Article






Advertisement

Search On Site

Latest Articles

  • రంగమార్తాండ సినిమాలో కృష్ణవంశీ ఎక్కడెక్కడ రాంగ్‌స్టెప్స్ వేశాడంటే..?!
  • ధమాకా, ఖిలాడీ మూవీల కంబైన్డ్ కిచిడీ… విష్వక్సేనుడి దాస్‌కాధమ్కీ…
  • Rangamarthanda… ప్రకాష్‌రాజ్ ‘అతి’… బ్రహ్మానందం పర్‌ఫెక్ట్… రమ్యకృష్ణ వోకే…
  • రంగు సోడాల కడుపులు కొట్టి… ఆర్గానిక్ షర్బతుల పనిపట్టి… కూల్‌డ్రింక్స్ రసాయనదాడి…
  • ఢిల్లీ టు మద్రాస్… గ్రాండ్ ట్రంక్ ఎక్స్‌ప్రెస్‌లో రెండు రోజుల ప్రయాణం…
  • FingerTip… సోషల్ మీడియా కోట శ్రీనివాసరావును చంపేశాక ఇది గుర్తొచ్చింది…
  • ఈసారి ఉగాది టీవీ షోస్… పులుపు లేని చింత, తీపి లేని బెల్లం, చేదెక్కువ వేప్పువ్వు…
  • 186 అమెరికన్ బ్యాంకులు దివాలా దిశలో… అగ్రరాజ్యంలో ఆర్థిక సంక్షోభం…
  • థూమీబచె… ఎంతకు తెగించార్రా… ఇది ఉగాది స్పెషల్ షో అట..!!
  • కన్నతల్లికి మళ్లీ కల్యాణం… పెళ్లీడుకొచ్చిన కొడుకులే ఈ పెళ్లికి పెద్దలు…

Archives

Copyright © 2023 · Muchata.com · Technology Management by CultNerds IT Solutions