Subramanyam Dogiparthi….. కోడళ్ళని ఆరళ్ళు పెట్టే తెలుగు వారి అత్త సూరేకాంతం లేడీ విలన్ గా వేసిన సినిమా 1971 లో వచ్చిన ఈ శ్రీమంతుడు సినిమా . ANR ఇంకా ప్రేమనగర్ లోని కల్యాణ్ పాత్ర హేంగోవర్ లోనే ఉన్నాడా అని అనిపించే పాత్ర అక్కినేనిది ఈ సినిమాలో కూడా కొంతవరకు . కలర్ పిక్చర్స్ మధ్యలో ఇరుక్కుపోయిన బ్లాక్ & వైట్ సినిమా కావటంతో ఏవరేజ్ గా మాత్రమే ఆడింది . అది కూడా పాటలన్నీ బాగా హిట్ కావటం వలన .
టి చలపతిరావు సంగీత దర్శకులు . చిట్టిపొట్టి బొమ్మలు చిన్నారి బొమ్మలు , ఆహా ఏమందము , మొదటి పెగ్గులో మజా , ఎంతో చిన్నది జీవితం , చల్లని వెన్నెలలో , హరిలో రంగ హరీ , కొంటె చూపులెందుకులేరా , బులి బులి ఎర్రని బుగ్గలదానా వంటి శ్రావ్యమైన పాటలు ఉన్నాయి . ఈ పాటల్లో ANR డాన్సులు , స్టెప్పులు ప్రేక్షకులకు బాగా నచ్చాయి కూడా . ఈ సినిమాలో ఒక్క క్షణం కమల్ హసన్ తళుక్కుమంటాడు .
ఈ సినిమాకు తంగప్ప కొన్ని డాన్సులను సమకూర్చారు . అప్పట్లో కమల్ హసన్ అతని వద్ద అసిస్టెంట్ . మొదటి పెగ్గులో మజా అనే పాటలో పడక మీద ANR కు బదులు కమల్ ఒక్క క్షణం కనిపిస్తాడు . అలా ఎందుకు జరిగిందో తెలియదు .
అతిలోకసుందరి శ్రీదేవి బాలనటిగా చిట్టిపొట్టి బొమ్మలు పాటలో ఆరిందా లాగా నటిస్తుంది . జమున నటన కూడా చాలా బాగుంటుంది . గుమ్మడి , ఝాన్సీ , రాజబాబు , రావి కొండలరావు , సూరేకాంతం , సాక్షి రంగారావు , రమణారెడ్డి , మాస్టర్ ఆదినారాయణ ప్రభృతులు నటించారు .
జి రాధాకృష్ణమూర్తి నిర్మించిన ఈ సినిమాకు ప్రత్యగాత్మ దర్శకుడు . కాలేజీ రోజుల్లో మా నరసరావుపేటలో సత్యనారాయణ టాకీసులో చూసా . టి విలో కూడా చూసా . యూట్యూబులో ఉంది . అక్కడక్కడ కాస్త విసిగించినా చూడబులే . పాటలు జోరుగా , హుషారుగా ఉంటాయి . #తెలుగుసినిమాలసింహావలోకనం #తెలుగుసినిమాలు
Share this Article