.
లెన్స్కార్ట్ మీ ‘బొట్టు’ను గౌరవించలేదు… అందుకు కారణం వాళ్లకు మీపై ద్వేషం ఉండటం కాదు… కానీ వాళ్ళు మిమ్మల్ని గౌరవించే స్థితిలో లేరు… ఎందుకో నేను మీకు వివరిస్తాను… లెన్స్కార్ట్ ఓనర్ పీయూష్ బన్సల్ ఒక ట్వీట్ చేశాడు… “మేము భారత్లో గర్వంగా నిర్మించబడ్డాము, భారతీయుల కోసం పని చేస్తాము…” వినడానికి చాలా అందమైన లైన్… కానీ ఇది ఒక పచ్చి అబద్ధం…
ఫ్యాక్టరీ నుండి మొదలుపెడదాం… లెన్స్కార్ట్ ఇండియా ప్లాంట్ 2023లో ప్రారంభమైంది… అంతకుముందు చైనా జాయింట్ వెంచర్ ద్వారా నడిచింది… ఆ జాయింట్ వెంచర్ ఇప్పటికీ కొనసాగుతోంది…. ఫ్రేములు, ముడి పదార్థాలు, సప్లై చైన్… అంతా చైనా నుండే…. భారతీయ ఫ్యాక్టరీలో జరిగేది కేవలం అసెంబ్లింగ్ మాత్రమే…
Ads
ఈ “భారతీయ” కంపెనీ యజమానులు ఎవరు?
-
పీయూష్ బన్సల్: 10.28%
-
నేహా బన్సల్: 7.74%
-
అమిత్ చౌదరి: 0.98%
-
సుమీత్ కపాహి: 0.96% నలుగురు వ్యవస్థాపకులు కలిపి: కేవలం 20%.
మరి మిగిలిన 80% ఎవరిది?
-
సాఫ్ట్బ్యాంక్: జపాన్.
-
టెమాసెక్: సింగపూర్.
-
ADIA: అబుదాబి.
-
KKR: న్యూయార్క్.
-
ఫిడిలిటీ: బోస్టన్.
అసలు విషయం ఇక్కడే ఉంది… ప్రతి విదేశీ ఇన్వెస్టర్ పెట్టుబడి పెట్టే ముందు ESG కంప్లయన్స్ చూస్తారు… ESG = Environmental, Social, Governance…. పర్యావరణంతో ఏమాత్రం సంబంధం లేని ఒక స్కోరింగ్ సిస్టమ్ ఇది…. దీనిని న్యూయార్క్, ఆమ్స్టర్డాంలలో తయారు చేశారు… ఎవరికి మూలధనం ఇవ్వాలో ఇది నిర్ణయిస్తుంది….
ఈ ESG లోపల DEI (Diversity, Equity, Inclusion) అనే ఇంకో జంతువు ఉంటుంది… DEI అమెరికాలో పుట్టింది… అమెరికన్ల సమస్యల ప్రాతిపదికన నిర్మించబడింది… నల్లజాతీయులు, జెండర్ వార్స్, LGBTQ హక్కులు… ఇది భారతదేశం కోసం డిజైన్ చేయబడింది కాదు. అసలు మన దేశాన్ని ఇది అర్థం చేసుకోలేదు…
DEI దృష్టిలో ‘పాజిటివ్’ అంటే ఏమిటి?
-
పనిలో హిజాబ్ (Hijab) ధరించడం = పాజిటివ్ సిగ్నల్.
-
పనిలో టర్బన్ (Turban) ధరించడం = పాజిటివ్ సిగ్నల్.
DEI దృష్టిలో ‘రిస్క్’ ఏది?
-
బొట్టు (Bindi): మెజారిటీ మత చిహ్నం.
-
తిలకం (Tilak): మెజారిటీ మతం.
-
కలవా (Kalawa): మెజారిటీ మతం.
పాశ్చాత్య DEI లాజిక్ ప్రకారం, మెజారిటీ ప్రజలే అణచివేతదారులు (Oppressors)… మెజారిటీకి రక్షణ అవసరం లేదని వారి భావన…. అందుకే లెన్స్కార్ట్ HR ఒక గ్రోమింగ్ పాలసీ (Grooming Policy) రాసినప్పుడు, అది మీ కోసం రాయరు… వారి విదేశీ యజమానుల కోసం రాస్తారు…
ఎందుకంటే లెన్స్కార్ట్ 10 బిలియన్ డాలర్ల IPO కోసం ఆరాటపడింది… ఆ పెద్ద నంబర్లో మీ బొట్టుకు చోటు ఎక్కడ ఉంది? వారి మొదటి లేదా ప్రయారిటీ కస్టమర్ మీరు కాదు… వారి మొదటి కస్టమర్ సాఫ్ట్బ్యాంక్… వారి కస్టమర్ ఆమ్స్టర్డాంలోని ఒక ESG ఏజెన్సీ… మీరు కొనేది ఒక జత కళ్ళద్దాలు… కానీ వాళ్ళు ఇన్వెస్ట్ చేసేది 500 మిలియన్ డాలర్లు… లెన్స్కార్ట్ ఎవరి మాట వింటుందో మీరే లెక్కలేసుకోండి…
ఇక ప్రభుత్వం విషయానికి వద్దాం… వీటి గురించి ప్రభుత్వానికి తెలియదు అనుకుంటున్నారా? అన్ని మంత్రిత్వ శాఖలకు తెలుసు… విదేశీ మూలధనం మన నాగరికత గుర్తింపును (Civilizational Identity) ఎలా తుడిచిపెడుతుందో వారికి తెలుసు… కానీ SEBI ఆమోదించిన DRHP (ఐపీవో పత్రం) లో హిందూ గుర్తింపును రక్షించే ఒక్క క్లాజు కూడా ఉండదు… ఎందుకంటే, ప్రభుత్వానికి కూడా IPO కావాలి… GST, పన్నులు, ఎకనామిక్ హెడ్ లైన్స్ మాత్రమే వారికి ముఖ్యం… మీ కంకణాలు లేదా కడియాలు ఆ లెక్కల్లో ఎక్కడా ఉండవు…
ఇది ఒక్క లెన్స్కార్ట్ సమస్య మాత్రమే కాదు… భారతదేశంలోని ప్రతి యూనికార్న్ (Unicorn) కథ ఇదే… Swiggy, Zomato, Ola, Meesho, Zepto… వీరి క్యాప్ టేబుల్స్ చూడండి… ESG నివేదికలు చూడండి… HR ఫైల్స్ లో ఉన్న గ్రోమింగ్ పాలసీలు చూడండి…
ఏ కంపెనీలో అయితే 60- 80% విదేశీ పెట్టుబడి ఉంటుందో, అది పాశ్చాత్య విలువల బ్రాంచ్ ఆఫీస్ మాత్రమే… “బిల్ట్ ఇన్ భారత్” అనేది కేవలం ఒక ట్యాగ్లైన్… “భారతీయుల కోసం” అనేది కేవలం మార్కెటింగ్ ప్రచారం…
మీ బొట్టు, మీ కలవా (కంకణం), మీ కడా (కడియం), మీ 5000 ఏళ్ల సంస్కృతి… IPOల వెంట పడే బిలియనీర్లకు ఇవేవీ ముఖ్యం కాదు…. కానీ అల్పసంఖ్యాక వర్గాల బుజ్జగింపు (Minority Appeasement) ఉంటే మాత్రం ఆమ్స్టర్డాంలో పాయింట్లు పెరుగుతాయి…
మరి మనం మనల్ని మనం ఒక స్వతంత్ర దేశం అని పిలుచుకుంటున్నామా?
ఇక్కడే మరో రెండుమూడు విషయాలు చెప్పుకుందాం… హమ్దర్డ్ సంస్థ ముస్లిమేతరులను ఎందుకు ఉద్యోగులుగా తీసుకోదు… హమ్దర్డ్ (Hamdard) – అంటే హకీమ్ హాఫీజ్ అబ్దుల్ మజీద్ ట్రస్ట్… మిడిల్ ఈస్ట్ కేంద్రంగా పనిచేసే లులూ మాల్స్ గురించి కూడా ఇలాంటి ఆరోపణలే వచ్చాయి… మన ప్రభుత్వాలు సాగిలబడి, కాళ్లు మొక్కి మరీ రాయితీలు ఇచ్చి స్వాగతాలు పలుకుతాయి తెలుసు కదా…
లులూ గ్రూప్ (Lulu Group) – ఎం.ఏ. యూసుఫ్ అలీ … కేరళ, గల్ఫ్ దేశాల్లో ఉన్న వీరి సంస్థల్లో మెజారిటీ ఉద్యోగులు ముస్లింలే ఉంటారు… దీనిపై విమర్శలు వచ్చినప్పుడు, వారు కేవలం నైపుణ్యం చూస్తామని చెబుతుంటారు… నాణేనికి మరోవైపు ఏమిటంటారా..?
ముంబైకి చెందిన హరికృష్ణ ఎక్స్పోర్ట్స్ (Hari Krishna Exports) అనే డైమండ్ కంపెనీ 2015లో జైషాన్ అలీ ఖాన్ అనే అభ్యర్థి ఉద్యోగం కోసం దరఖాస్తు చేసుకున్నప్పుడు, ఆ కంపెనీ నుండి “మేము కేవలం ముస్లిం కాని అభ్యర్థులను మాత్రమే తీసుకుంటాము” అని ఈమెయిల్ వెళ్ళింది… ఇది అప్పట్లో పెద్ద నేషనల్ న్యూస్ అయ్యింది… ప్రభుత్వం నోటీసులు ఇచ్చింది, ఎఫ్.ఐ.ఆర్ (FIR) కూడా నమోదైంది… కంపెనీ తర్వాత అది “ట్రైనీ పొరపాటు” అని వివరణ ఇచ్చింది…
ఒక హిందూ సంస్థ లేదా ఒక సాధారణ కార్పొరేట్ సంస్థ ఏదైనా నిబంధన పెడితే దానిని “వివక్ష” (Discrimination) గా చూసే వ్యవస్థ, హమ్దర్డ్ లేదా ఇతర మతపరమైన బ్యాక్గ్రౌండ్ ఉన్న సంస్థల నియామక ప్రక్రియల దగ్గరకు వచ్చేసరికి మౌనంగా ఉంటుంది… ESG & DEI ప్రభావం… విదేశీ పెట్టుబడులు (Foreign Capital) ఉన్న కంపెనీలు “డైవర్సిటీ” పేరుతో మెజారిటీ మత చిహ్నాలను (బొట్టు, కడవా) పక్కన పెడుతున్నాయి… కానీ, అదే సమయంలో మైనారిటీ గుర్తింపులను “ఇంక్లూసివిటీ” పేరుతో ప్రోత్సహిస్తున్నాయి…
-
ఆర్థికాధికారం (Economic Power)…: పెట్టుబడి ఎక్కడ నుండి వస్తుందో, నిబంధనలు కూడా అక్కడి నుండే వస్తాయి… కంపెనీ బోర్డులో 80% విదేశీయులు ఉన్నప్పుడు, వారికి భారతీయ సంస్కృతి కంటే వారి “గ్లోబల్ స్కోర్ కార్డ్” ముఖ్యం…
Share this Article