Subramanyam Dogiparthi…. ఆడవే జలకమ్ములాడవే కలహంసలాగా జలకన్యలాగ అనే సి నారాయణరెడ్డి వ్రాసిన పాట ఈ సినిమాకే హైలైట్ . ఈ పాటలో సాహిత్యం అద్భుతం . అంతే గొప్పగా పాడారు ఘంటసాల . కత్తులును ఘంటములు కదను తొక్కినవిచట అంగళ్ళ రతనాలు అమ్మినారట ఇచట అనే చరణంలో ఘంటసాల గాత్రం , టి వి రాజు సంగీతం మహాద్భుతం . ఈ సినిమాలో నాకెంతో ఇష్టమైన పాట . గోదావరి , సాగర్ , హంపిలను చూపించి తెలుగు వారికి ఎంతో ఉత్తేజం , ఆనందాన్ని కలగచేస్తుంది . ఈ పాట కోసమే మూడు నాలుగు సార్లు చూసి ఉంటా ఈ సినిమాను . శోభన్ బాబు , షీలా జంట మీద ఈ పాట చిత్రీకరించబడింది .
Share this Article