.
Subramanyam Dogiparthi …… 40 ఏళ్ళ కిందే తెలుగు సినిమాలో రోబోలు , మాట్లాడి పోట్లాడే కారు , వగైరా మసాలాలతో వండి వార్చబడిన సూపర్ డూపర్ హిట్ సినిమా 1984 డిసెంబరులో వచ్చిన ఈ దొంగలు బాబోయ్ దొంగలు .
కృష్ణ ద్విపాత్రాభినయం . కవల సోదరులు . బహుశా ఈ సినిమాకు ముందు ఇలాంటి సేమ్ ఫీలింగ్స్ కవలల కాన్సెప్ట్ ఒక్క అగ్గిపిడుగు సినిమాలోనే ఉందనుకుంటా . కవలల్లో ఒకరికి ఎలాంటి ఎమోషన్స్ కలుగుతాయో అవే మరొకరికి కలగడం ఆసక్తికరంగా ఉంటుంది . ఈ సినిమాలో కూడా ఈ అంశాన్ని బాగా ఉపయోగించుకున్నారు . ఇలాంటి అంశంతోనే నాగార్జున నటించిన హలో బ్రదర్ కూడా ఉంటుంది .
Ads
కృష్ణ తన ద్విపాత్రాభినయంతో చెలరేగిపోతాడు ఈ సినిమాలో . ఒక పాత్ర రాముడు . మంచి బాలుడిగా చదువుకొని గొప్ప ఎలక్ట్రానిక్స్ ఇంజనీర్ అయి రోబోలను కనిపెడతాడు . ఈ మరమనుషులు మనకు యన్టీఆర్ నటించిన లక్షాధికారిలో కూడా కనిపిస్తాయి . ఇంక. విఠలాచార్య సినిమాలో అయితే హాలీవుడ్ వాళ్ళు కూడా నేర్చుకోవాల్సిందే .
మరో పాత్ర కృష్ణుడు . చిక్కడు దొరకడు , అసాధ్యుడు . తాగుబోతు తండ్రి పోషణలో తాగుబోతు , జులాయి , దొంగ అవుతాడు . ఈ ఇద్దరి జోడీగా త్రివేండ్రం సిస్టర్స్ అంబిక , రాధలు నటించారు . గ్లామర్ స్పేసుని బ్రహ్మాండంగా ఫిల్ చేసారు . ముఖ్యంగా రాధ పాటల్లో అదరగొట్టేస్తుంది .
ఈ సినిమా సూపర్ సక్సెసుకు కారణాలలో ఒకటి డూండీ నేసిన కధ , స్క్రీన్ ప్లే . అందుకు తగ్గట్టుగానే సినిమాను పరుగెత్తిస్తాడు దర్శకుడు K.S.R.దాస్ . కృష్ణ- K S R దాస్ కాంబినేషన్ గురించి చెప్పేదేముంది ! ఆ తర్వాత సత్యానంద్ డైలాగులను మెచ్చుకోవాలి .
సినిమా ఓ ట్రెజర్ హంట్ కధ . రొటీనుగా కాకుండా ఈ హంటుకి ఎలక్ట్రానిక్సుని జత కలిపారు . ప్రధాన పాత్రల్లో సత్యనారాయణ , పద్మనాభం , అన్నపూర్ణ , అంజలీదేవి , ప్రభాకరరెడ్డి , మమత , చలపతిరావు , హేమసుందర్ , కాకినాడ శ్యామల , కె విజయ , రావి కొండలరావు , మాడా , ప్రభృతులు నటించారు . కృష్ణ సినిమా అంటే తారాగణం భారీగా ఉండాల్సిందే .
సత్యం సంగీత దర్శకత్వంలో పాటలన్నీ హిట్టే . చిత్రీకరణ చాలా రొమాంటిగ్గా ఉంటుంది . పాటల్ని కొసరాజు , ఆరుద్ర , సి నారాయణరెడ్డి , గోపిలు వ్రాసారు . ఓయ్ మగడా కాబోయే మొగుడా , ఓసోసి కుర్రదానా , నీలోన నాలోన , నేనంటే ఏమో అన్నావు , తాగిన మైకంలో పాటలు హుషారుగా ఉంటాయి . బాలసుబ్రమణ్యం , సుశీలమ్మ , ఆనందులు శ్రావ్యంగా పాడారు .
ఇప్పుడు ప్రపంచమంతా Artificial Intelligence (AI) గురించి విపరీతంగా చర్చించుకుంటున్నారు . రజనీకాంత్ రోబో రెండు సినిమాలు బాగా హిట్టయ్యాయి . ఇవన్నీ మన తెలుగు సినిమాల్లో విఠలాచార్య , KSR దాసులు ఎప్పుడో పెట్టేసారు . Of course . సైంటిఫిక్ వివరణ ఉండి ఉండకపోవచ్చు . అయితే ఈ సినిమాలో సైంటిఫిక్ వివరణ కాస్త ఉంటుంది . కృష్ణ అభిమానులే కాదు , అందరూ చూడతగ్గ 100% entertaining , action movie . #తెలుగుసినిమాలసింహావలోకనం #తెలుగుసినిమాలు #సినిమాకబుర్లు
Share this Article