.
Bharadwaja Rangavajhala ….. తమ్ముడు పెళ్లి మామ భరతం
……
నందమూరి హరికృష్ణ చిన్నతనం నిమ్మకూరులో తాతయ్య దగ్గర నడిచింది.
తాత గారికి హరికృష్ణను హీరో చేయాలి అని కోరిక.
నిజానికి అప్పటికి హరికృష్ణ బాలనటుడుగా కృష్ణావతారం తల్లా పెళ్ళామా సినిమాల్లో నటించారు.
Ads
అయితే హీరో కావాలి కదా అనేది NTR తండ్రి గారి అభిప్రాయం.
అదే మాట ఆయన తన కుమారుడు NTR కు చెప్పారు.
NTR నవ్వి ఊరుకున్నారు తప్ప స్పందించలేదు.
దీంతో ఆయనకు తిక్క రేగి, ఇలా లాభం లేదని తనే నిర్మాతగా మారాలి అనుకున్నారు.
అనుకోవడం ఏమిటి, వెంటనే రచయిత DV నరసరాజు గారిని పిల్చి, అయ్యా నా మనవడు హీరోగా నా కొడుకు ప్రధాన పాత్రలో ఓ కథ కావాలి.
నేనే నిర్మాతను అని అడ్వాన్స్ హరికృష్ణ చేతుల మీదుగా ఇప్పించేశారు.
నరసరాజు గారు కథ రాసేసారు.
టైటిల్ “తమ్ముడి పెళ్లి – మామ భరతం“
తమ్ముడు హరికృష్ణ, అన్న NTR ఇది లైను.
కథ రాయడం పూర్తి అయ్యాక NTR గారి ఇంటికి వెళ్లారు రాజు గారు.
ఆయన వెళ్లే సరికి NTR ఇంట్లో ఉన్నారు.
ఏమిటి విషయం, రాజు గారు ఇలా వచ్చారు అని అడిగారు అన్న గారు రాజు గారిని.
అయ్యా, మీరు ప్రధాన పాత్రలో మీ అబ్బాయ్ హరికృష్ణ హీరోగా ఓ కథ కావాలి అన్నారు మీ నాన్న గారు.
తనే నిర్మాతను అని కూడా చెప్పారు. అడ్వాన్స్ ఇచ్చారు.
స్క్రిప్ట్ పూర్తి అయ్యింది.
ఇవ్వడానికి వచ్చాను అని చెప్పారు రాజు గారు.
NTR పెద్దగా నవ్వి మా నాన్న గారి అభిప్రాయం ఏమిటో తెల్సా రాజు గారూ అంటూ మొదలుపెట్టారు అన్నగారు.
తన మనవడిని హీరో చేయడం నాకు ఇష్టం లేదని ఆయన భావన. అంతే కాదు వాడు హీరో అయితే నా అవకాశాలు పోతాయ్ అని భయపడి సినిమా తీయడం లేదని కూడా ఆయన ఫీలవుతున్నారు తెల్సా?
అని ఆపారు NTR.
ఆశ్చర్యంగా ఉందండి అన్నారు రాజు గారు.
ఆశ్చర్యం ఎందుకు మనవడి మీదున్న నమ్మకం. .. సరే, మీకు బ్యాలెన్స్ ఎంత ఇవ్వాలి అని అడిగి చెక్ ఇచ్చేసి, ఆ స్క్రిప్ట్ తన టేబుల్ సొరుగులో పెట్టి లాక్ చేశారు అన్న గారు.
ఆ సొరుగు NTR కన్నుమూసిన తర్వాత ఓపెన్ చేశారు పిల్లలు.
అందులో. ..
తమ్ముడు పెళ్లి మామ భరతం స్క్రిప్ట్ చూసి ఆశ్చర్యపోయి బాలకృష్ణకు ఇచ్చారు.
ఆయన దాన్ని తీసుకుని హైదరాబాద్ వచ్చిన తర్వాత నరసరాజు గారి ఇంటికి తీసుకువెళ్లి ఇవ్వబోయారట.
బాబూ, ఈ స్క్రిప్ట్ కు సంబంధించిన డబ్బులు మీ తాత గారు తండ్రి గారు కలసి ఇచ్చేసారు.
అది మీదే. .. మీ దగ్గరే ఉంచండి అని చెప్పి పంపారట.
ఇది కథ. …
ఆ హరికృష్ణ గారు తర్వాత చైతన్యరథ సారధై అన్న గారిని ముందుకు నడిపాడు….
Share this Article