.
Subramanyam Dogiparthi …. Hats off to Mani Rathnam . అసలీ కధ ఆయనకు ఎలా తట్టిందో ? బహుశా గీతాంజలి హేంగోవర్ ఏమో ! అది అయినా కాకపోయినా అంజలి సినిమా మాత్రం ఓ గొప్ప సినిమా .
ఇంతమంది పిల్లలతో సినిమా తీయటం సాధారణమైన విషయం కాదు . ఈ సినిమా అనగానే నాకు గుర్తుకొచ్చే సినిమా 1960 లో వచ్చిన పిల్లలు తెచ్చిన చల్లని రాజ్యం . అది కూడా డబ్బింగ్ సినిమాయే .
Ads
అయితే ఈ అంజలి సినిమా ఘర్షణ సినిమా లాగానే డబ్బింగ్ సినిమా అని అనిపించదు . డైరెక్ట్ టేక్ అనే అనిపిస్తుంది . ఒక దురదృష్టవంతురాలయిన బిడ్డ కధ ఇది . బిడ్డలు ఎలాంటి మానసిక , శారీరక వైకల్యం లేకుండా పుట్టడం కూడా అదృష్టమే .
చాగంటి కోటేశ్వరరావు గారు తన ప్రవచనాలలో చెపుతూ ఉంటారు . అన్ని అవయవాలతో మనల్ని దేవుడు సరిగ్గా పుట్టించినందుకు మనం ఆ భగవంతునికి కృతజ్ఞులం అయిఉండాలి . Of course . భగవంతునితో పాటు మన తల్లిదండ్రులకు కూడా అని నేను అంటాను .
ఓ జంటకు ఇద్దరు పిల్లల తర్వాత మానసిక వైకల్యంతో ఒక బిడ్డ జన్మిస్తుంది . ఆ బిడ్డ చనిపోయిందని భార్యకు చెప్పి రహస్యంగా పెంచుతూ ఉంటాడు . అపార్ధం చేసుకున్న భార్యకు తప్పనిసరి పరిస్థితుల్లో నిజం చెప్పి ఆ బిడ్డ అంజలిని ఇంటికి తెచ్చుకుంటారు .
మొదట ఇంట్లో ఉన్న కూతురే అంజలిని చెల్లెలుగా స్వీకరిస్తానికి టైం పడుతుంది . ఆ తర్వాత ఆ కాలనీలో పిల్ల సైన్యం కూడా అంజలిని తమ జట్టులో కలుపుకుంటారు . సినిమా క్లైమాక్సులో అంజలి మరణం అందరినీ కలచివేస్తుంది . ప్రేక్షకులు కూడా భారమైన హృదయాలతో థియేటర్ల నుండి బయటకు వస్తారు .
నటనపరంగా ప్రతి ఒక్కరిని మెచ్చుకోవలసిందే . ముందుగా అంజలి పాత్రధారి బేబీ షామిలిని , ఆ తర్వాత అంజలి అన్న అక్కలుగా నటించిన రోజారమణి కుమారుడు తరుణ్ , శృతిలను మెచ్చుకోవాలి . ముగ్గురూ బాగా నటించారు . ఆ తరువాత పిల్లలను అందరినీ .
సినిమాలో పాటలన్నీ పిల్లల మీదనే . పెద్ద ఆరిందాల్లాగా డాన్సించారు . వీళ్ళందరి చేత డాన్సింపచేసిన డాన్స్ మాస్టర్ సుందరాన్ని , దర్శకుడు మణిరత్నాన్ని అభినందించాలి .
తల్లిదండ్రులుగా రఘువరన్ , రేవతి గొప్పగా నటించారు . ముఖ్యంగా ఎమోషనల్ సీన్లలో… ఇతర పాత్రల్లో ప్రభు , జనక్ రాజ్ , శాంతిప్రియ , ప్రదీప్ శక్తి , చారుహాసన్ , శరణ్య , తదితరులు నటించారు . వీరందరివీ కాసేపు కాసేపు ఉండే పాత్రలే . సినిమా అంతా తల్లిదండ్రులు , పిల్లల మీదే నడుస్తుంది .
ఇళయరాజా సంగీత దర్శకత్వంలో పాటలన్నీ శ్రావ్యంగా ఉంటాయి . అంజలి అంజలి అంజలి పాట సూపర్ హిట్ సాంగ్ . తెలుగు పాటల అనువాదం రాజశ్రీ చేసారు . ఆయనకు కొట్టిన పిండేగా . బాలసుబ్రమణ్యం , జానకమ్మ , అనితారెడ్డి , జూనియర్ సింగర్లు చాలామంది పాటల్ని శ్రావ్యంగా పాడారు .
తమిళంలో ఈ సినిమాకు జాతీయ , రాష్ట్ర స్థాయిలలో అవార్డుల వర్షం కురిసింది . సినిమా ఎక్స్ప్రెస్ అవార్డులు కూడా . 14 వ అంతర్జాతీయ ఫిలిం ఫెస్టివల్లో ప్రదర్శించబడింది . ఆస్కార్ అవార్డుకు నామినేట్ అయింది .
సినిమా యూట్యూబులో ఉంది . ప్రతీ సినిమా లవర్ చూడవలసిన సినిమా . ముఖ్యంగా పిల్లలకు చూపాలి . ఒకప్పుడు స్కూల్ పిల్లల కోసం ఆదివారాలు స్పెషల్ షోలు వేసేవారు . ఇప్పుడు చాలా స్కూల్సులో దియేటర్లు ఉంటున్నాయి కాబట్టి స్కూల్సులోనే వేయవచ్చు . వైకల్యం ఉన్న పిల్లల విషయంలో ఉదారంగా ఉండాలనే సందేశం పిల్లలకు వెళుతుంది .
నేను పరిచయం చేస్తున్న 1235 వ సినిమా . #తెలుగు_సినిమాల_సింహావలోకనం #సినిమా_స్కూల్ #సినిమా_కబుర్లు
ఇది ET అనే హాలీవుడ్ సినిమాకు ప్రేరణ అంటారు, అలాగే 1979 లో ప్రసారమైన టీవీ కథ Son-Rise: A Miracle of Love కూడా...
Share this Article