.
చాలామందికి పాడ్కాస్ట్ అంటే కేవలం మైక్ ముందు కూర్చుని మాట్లాడటం… కానీ రాజ్ షమాని దృష్టిలో అది ఒక ‘డిజిటల్ ఎంపైర్’… అతని ప్రయాణంలో గమనించాల్సిన ముఖ్యమైన మలుపులు ఇవే… ఇంతకీ ఎవరితను..?
రాజ్ షమాని తన 16 ఏళ్ళ వయసులో తండ్రి వ్యాపారం నష్టాల్లో ఉన్నప్పుడు రంగంలోకి దిగాడు… వాళ్లది ఇండోర్, మధ్యతరగతి మార్వాడీ కుటుంబం… రాజస్థాన్ నుంచి ఇండోర్ వలసవచ్చిన ఫ్యామిలీ… ఆయన తండ్రి 1990లో ‘జాదూగర్’ (Jadugar) అనే బ్రాండ్ పేరుతో డిష్వాషింగ్ సోప్, కెమికల్ ట్రేడింగ్ వ్యాపారాన్ని మొదలుపెట్టాడు… తండ్రి తీవ్ర అనారోగ్యం పాలుకావడంతో… రాజ్ తన తండ్రి నుండి ₹10,000 అప్పుగా తీసుకుని, స్వయంగా ఇంట్లోనే ‘లిక్విడ్ సోప్’ తయారు చేసి ఇంటింటికీ తిరిగి అమ్మడం ప్రారంభించాడు…
Ads
-
షమానీ ఇండస్ట్రీస్…: ఆ తర్వాత తన సొంత బ్రాండ్ ‘జాదూగర్ డ్రాప్’ను తండ్రి వ్యాపారంతో విలీనం చేసి ‘షమానీ ఇండస్ట్రీస్’ (Shamani Industries) గా మార్చాడు… ప్రస్తుతం ఈ కంపెనీ టర్నోవర్ ₹200 కోట్లకు పైగా ఉందని సమాచారం…
ప్రస్తుతం కేవలం వ్యాపారవేత్త మాత్రమే కాదు, భారతదేశంలోని టాప్ పాడ్కాస్టర్లలో ఒకడు… ఆయన నిర్వహించే “Figuring Out” పాడ్కాస్ట్ ద్వారా ఎంతోమంది ఫేమస్ సెలబ్రిటీలను ఇంటర్వ్యూ చేస్తూ తనే వార్తల్లో వ్యక్తి అయ్యాడు ఇప్పుడు…
తన కెరీర్ మొదట్లో తను పడ్డ కష్టాలను, చేసిన తప్పులను ఏమాత్రం దాచుకోకుండా కెమెరా ముందు చెప్పడం అతని అతిపెద్ద బలం… ఇదే యువతను అతని వైపు తిప్పుకుంది… “నేను అన్నీ తెలిసిన మేధావిని కాదు, నేను కూడా మీలాగే అన్ని విషయాలను తెలుసుకుంటున్నాను (Figuring Out)” అనే ట్యాగ్లైన్తో అతను గెస్ట్లకు, ఆడియన్స్కు మధ్య ఒక వారధిలా మారాడు…
విజయ్ మాల్యా ఇంటర్వ్యూ: ఆ ‘గేమ్ ఛేంజర్’ విజయ్ మాల్యా ఇంటర్వ్యూ రాజ్ షమానిని రాత్రికి రాత్రే అంతర్జాతీయ స్థాయికి తీసుకెళ్లింది… భారత మీడియాకు కూడా దొరకని మాల్యా, ఒక కుర్రాడికి 4 గంటల సమయం ఇచ్చాడంటే… అక్కడ రాజ్ షమాని ‘పర్సువేషన్ స్కిల్స్’ (ఒప్పించే శక్తి) ఏంటో అర్థం చేసుకోవచ్చు… ఆ ఎపిసోడ్తో “ఈ అబ్బాయి ఎవరైనా ఇంటర్వ్యూ చేయగలడు” అనే నమ్మకం గ్లోబల్ గెస్ట్లలో కలిగింది…
నెట్వర్కింగ్ – ది సీక్రెట్ సాస్ రాజ్ కేవలం యూట్యూబర్ మాత్రమే కాదు, అతను ఒక Angel Investor... అనేక స్టార్టప్లలో పెట్టుబడులు పెట్టడం వల్ల బిజినెస్ టైకూన్స్తో అతనికి పరిచయాలు ఏర్పడ్డాయి…
-
క్రెడిబిలిటీ…: బిల్ గేట్స్ లేదా ఎమ్మాన్యువెల్ మాక్రాన్ వంటి వారు ఇంటర్వ్యూ ఇస్తున్నారంటే, అతని టీమ్ చేసే ‘రీసెర్చ్’ అంత పక్కాగా ఉంటుంది…
-
వాల్యూ అడిషన్..: గెస్ట్లకు కూడా తన ప్లాట్ఫామ్ ద్వారా ఇండియాలోని కోట్లాది మంది యువతకు చేరువయ్యే అవకాశం ఉందని అతను నిరూపించగలిగాడు…
ఒక ప్రొఫెషనల్ సిస్టమ్ రాజ్ షమాని వెనుక ఒక భారీ టీమ్ పని చేస్తుంది… డేటా డ్రివెన్… ఏ థంబ్నెయిల్ క్లిక్ అవుతుంది? ఏ ప్రశ్న అడిగితే క్లిప్ వైరల్ అవుతుంది? అనే విషయాలపై అతనికి పట్టు ఉంది… మల్టీ-ఛానల్ మార్కెటింగ్… ఇన్ స్టాగ్రామ్ రీల్స్, షార్ట్స్ ద్వారా గెస్ట్ల మాటలను ముక్కలు ముక్కలుగా వైరల్ చేసి, మెయిన్ వీడియోకి ట్రాఫిక్ తెచ్చుకోవడంలో అతను దిట్ట…
ప్రస్తుతం ఇండియాలో ‘బిజినెస్ & పర్సనల్ డెవలప్మెంట్’ కేటగిరీలో అతనికి పోటీ ఇచ్చే వారు చాలా తక్కువ. ఆదాయం ఏడాదికి ₹15 కోట్లు అనేది కేవలం యూట్యూబ్ ప్రకటనల ద్వారానే కాదు, బ్రాండ్ ఎండార్స్మెంట్స్, ఇన్వెస్ట్మెంట్స్ , స్పీకింగ్ గిగ్స్ ద్వారా ఇది అంతకంటే ఎక్కువే ఉండవచ్చు…
-
విజన్…: భారతీయ కంటెంట్ క్రియేటర్లకు అంతర్జాతీయ వేదికలపై గౌరవం తెచ్చిన వ్యక్తిగా రాజ్ షమాని పేరుంది ప్రస్తుతం… ఒక్క మాటలో రాజ్ షమాని ఒక “Modern Day Storyteller”, “Marketing Genius”…
Share this Article