ఎర్రన్నలు మొత్తుకుంటుంటారు కదా… చైనాలో ప్రెస్ ఫ్రీడమ్ తెలుసా..?!

.

( మణి భూషణ్ ) …. US పాత్రికేయులను చైనా కట్టడి చేసిందట. https://stratnewsglobal.com/…/chinas-great-wall…/ …. ట్రంప్ టూరులో వెళ్లిన అమెరికన్ జర్నలిస్టులకు… చైనావాళ్లు పూలార్లేసి పీటేసి ఫలారమెట్టి అడిగినకాడికి తీసుకెళ్లి ఫుటోవులు గుంజుతుంటే ఊర్కొంటారని; ఒక్కోడు ఒక్కో ఆర్ట్ సినిమా తీసి ప్రపంచానికి చైనా real-time picture చూపిద్దామని ఆశ పడితే… చైనా కట్టడి చేసిందట!
చేయదా మరి! అది చైనా!

అమెరికా కాదు, మీడియా స్వతంత్రతకు రాజ్యాంగబద్దమైన హక్కును కల్పించడానికి. అది People’s Republic of China (PRC).
అమెరికా రాజ్యాంగపు తొలి సవరణలోనే స్వతంత్ర పత్రికా రంగానికి వీలు కల్పించారు. ‘ప్రజలకు తెలుసుకునే హక్కు (right to know)’ అవసరాన్ని గుర్తించి 1791లో తొలి సవరణ చేశారు. అమెరికా స్వతంత్రం 1776లో పొందగా, 15 ఏళ్ల వ్యవధిలోనే ప్రజల దగ్గర దాపరికం ఉండకూడదని, ప్రభుత్వానికి ప్రజలకు నడుమ సమాచార వారధిగా పాత్రికేయ వర్గం పనిచేయాలని నాటి పాలకులు గుర్తించారు.

1791లో తొలి సవరణ చేస్తూ ప్రెస్​ని సెన్సార్​షిప్​ నుంచి పూర్తిగా మినహాయించారు. ఎలక్ట్రానిక్ మీడియా యుగంలో తాజాగా వచ్చిన బ్లాగర్లు, ఈ–పేపర్, వెబ్​సైట్​ తదితర సొంత పబ్లిషర్లు సైతం ఈ స్వేచ్ఛను అనుభవించవచ్చు.
అలాగే, మీడియా స్వేచ్ఛ, భావ ప్రకటనా స్వాతంత్య్రం, హక్కులకు హామీ వంటివి రాజ్యాంగంలోనే కల్పించడానికి అది Republic of India కాదు… అది People’s Republic of China (PRC).

ఈ విషయంలో చైనా ఒక్కటే కాదు, రష్యా, ఉత్తర కొరియా, క్యూబా వంటి కమ్యూనిస్ట్ దేశాలన్నీ anti-media లేదా సంపూర్ణ సెన్సార్​షిప్​ కలిగిన కఠిన వైఖరితోనే ఉంటాయి.
భారత దేశంలోనూ, అమెరికాలోనూ ఆవగింజంత ఇన్ఫర్మేషన్ దొరికితే, ఆనపకాయంత సాగదీసి రోజంతో షో నడిపించవచ్చు. కమ్యూనిస్ట్ దేశాల్లో అలా సాగదు.
కమ్యూనిస్ట్ పాలకులు మీడియాకి, తద్వారా వార్తా ప్రసారానికి ఏ మేరకు అవకాశం ఇవ్వాలో ఆ మేరకే అవకాశం ఇస్తారు.
వాళ్లు పెట్టింది తినాలి, చెప్పింది రాసుకోవాలి, ఇచ్చిన క్లిప్పునే ప్లే చేసుకోవాలి.

అమెరికా, భారత దేశాల్లో మీడియా పట్ల ఎంత ఉదారంగా వ్యవహరించినా… ఈ దేశాలలో కూడా పరువు నష్టం దావాలు, కేసులు పడుతుంటాయి. ప్రభుత్వం కల్పించుకుని చేపట్టే చర్యలు, నిషేధాలు లేకపోలేదు. కాకపోతే, చైనా తదితర ప్రగతిశీల (?) దేశాలలో మాదిరిగా ఉక్కు తెరలు ఉండవ్.
.
Reporters Without Borders (RSF) World Press Freedom Index ప్రకారంగా… చైనా 178వ స్థానంలో ఉంది. ఆ ఇండెక్స్​ని 180 దేశాలలో ప్రెస్ పరిస్థితిని పరిగణనలోకి తీసుకుని రూపొందించారు. అంటే, చైనా దాదాపు అట్టడుగున ఉంది. చైనా సరసన రష్యా (172వ ర్యాంక్), ఉత్తర కొరియా (179), ఎరిత్రియా (180 స్థానాల్లో ఉన్నాయి. క్యూబా వీటికంటే కొంత మెరుగ్గా, ఇండియా (157) కంటే తక్కువగా 160వ ర్యాంకులో ఉంది. అయినప్పటికీ, క్యూబాలో ఏం జరుగుతోందో ఇప్పటికీ ప్రపంచానికి పూర్తిగా తెలియదు.

.
భారత దేశంలోనూ, అమెరికాలోనూ ఆవగింజంత ఇన్ఫర్మేషన్ దొరికితే, ఆనపకాయంత సాగదీసి రోజంతో షో నడిపించవచ్చు. కమ్యూనిస్ట్ దేశాల్లో అలా సాగదు.
.
==
Ps : ఇది చదివి నాకు Tagఆకులు కట్టాలని చూడకండి.