.
Priyadarshini Krishna …. తల్లికి ఇచ్చిన మాటకు కట్టుబడి, చిన్నగా మొదలుపెట్టిన పనిని ఒక ఉద్యమంగా వెల్లువగా మార్చేసిన నటుడు శ్యాజీ షిండే….
తమ సొంత ఊరిలో చెట్లు కరువై నీడలేక, నీరులేక, వానలేక, కరువు సంభవించి జనాలు ఇబ్బందిపడటం చూసి శ్యాజీ షిండే తల్లి అతని నుండి ఒక వాగ్దానం తీసుకుంది…
ఊరిలో కనీసం ప్రజల సౌకర్యార్థం వృక్షాలను పెంచాలి అని కోరింది …
కానీ ఆమె అంతలోని శివైక్యం చెందింది …
తల్లికి ఇచ్చిన ఆన ప్రకారం శ్యాజీ షిండే మెల్ల మెల్లగా మహావృక్ష జాతులను నాటి, సంరక్షించడం మొదలెట్టాడు…. ఇది రోజురోజుకి ‘వటుడింతై’ అన్నట్లుగా పది నుండి వెయ్యి … వెయ్యి నుండి పదివేలు తర్వాత అలా అలా ఆ చెట్ల సంఖ్య ఆరున్నర లక్షలకు చేరింది ….
Ads
ఇదంతా మహారాష్ట్రలోని 29 వివిధ లొకేషన్లలో ఉద్యమంగా సాగిపోయింది. ఇలాంటి మహత్తర కార్యాన్ని చెయ్యడానికి శ్యాజీ షిండే ఒక NGO ని 2016 లో స్థాపించాడు … శ్యాయాద్రి దేవరాయ అనే పేరుతో ఎండనకా వాన అనక ఇప్పటివరకు చేసుకుంటూ నాటుకుంటూ సాగిపోతున్నాడు….
చెట్లకు అనాధాశ్రమం: ఈ 2026 లో మాత్రం శ్యాజీ షిండే వార్తల్లోకి ఎక్కడమే కాకుండా వైరల్ కూడా అయ్యాడు…
మహారాష్టలోని సతారా జిల్లాలోని అంబేవాడ గ్రామానికి ఆనుకుని కొత్తగా జాతీయ రహదారి వెయ్యడం ప్రారంభించారు… దానికి గాను రైతుల నుండి దారికి కావలసిన జాగాని కూడా సమకూర్చుకుంది ప్రభుత్వం …
ఐతే …. దారికి అడ్డంగా వున్నాయంటూ వందల ఏళ్ళ వయస్సుగల చెట్లని నిర్దాక్షిణ్యంగా నరికేస్తున్న సంగతి వలంటర్ల ద్వారా శ్యాజీ షిండే కి తెలిసింది ….
వెంటనే తన శక్తికి మించిన పని అయినా కూడా చెట్లను నరకడాన్ని అడ్డుకుని, చెట్లను కూకటివేర్లతో పెకిలించి వేరొక ప్రాంతంలో నాటి, వాటిని సంరక్షించి కొత్త చివుళ్లు వేయించేవరకు నిద్రపోలేదు…
అలా మర్రి, కానుగ, మద్ది, రావి వంటి వందల వట వృక్షాలను కాపాడి వాటికి కొత్త స్థావరాన్ని కల్పించాడు శ్యాజీ షిండే…. ఈ వృక్షాలకి GI tag ఇచ్చి ఒక QR code ని కూడా అమర్చారు… ఆ కోడ్ ని స్కాన్ చేస్తే ఆ చెట్టు తాలుకా వివరాలు అన్ని ప్రజలకు తెలిసేలా రూపొందించింది శ్యాజీ షిండే కి చెందిన శ్యాయాద్రి దేవరాయ సంస్థ….
తల్లికి ఇచ్చిన మాటని జవదాటకుండా గొప్ప కొడుకు అనిపించుకోడమే కాదు … ప్రజలందరూ కొనియాడేలా ఆదర్శవంతుడు అయ్యాడు …. #SayajiShinde
Share this Article