.
తెలుగు సినిమా గర్వించదగిన తొలి పాన్ వరల్డ్ అద్భుతం: ‘మోసగాళ్లకు మోసగాడు’ …. ఇప్పుడు మనం మాట్లాడుకుంటున్న పాన్ ఇండియా, పాన్ వరల్డ్ అనే పదాలు ఈ తరానికి కొత్తగా అనిపించవచ్చు. క్రియేటివ్ డైరెక్టర్ ఎస్.ఎస్. రాజమౌళి తెరకెక్కించిన ‘బాహుబలి’ లేదా ‘ఆర్ఆర్ఆర్’ చిత్రాలతో గ్లోబల్ స్థాయిలో తెలుగు సినిమా జెండా ఎగిరిందని అందరం గర్వంగా చెప్పుకుంటాం.
కానీ, సరిగ్గా ఇటువంటి గ్లోబల్ వేవ్ను, ఒక ‘వారణాసి’ లాంటి ఆధ్యాత్మిక వైభవాన్ని లేదా ఒక ‘రామాయణం’ లాంటి పురాణ స్థాయి ఘనతను ఏనాడో మన ఇండియన్ సినిమా సాధించింది… నాట్ అమితాబ్, నాట్ ఎన్టీయార్, నాట్ ఎనీ అనదర్ హీరో… మన తెలుగు మూవీ, మన సూపర్ స్టార్ కృష్ణ…
Ads
4 వేల కోట్ల బడ్జెట్ ఇప్పుడు, ఒక రామాయణానికి, 1000 కోట్ల దాకా ఒక వారణాసికి… కానీ కృష్ణ యాభై ఏళ్ల క్రితమే, అంటే 1971లోనే, జస్ట్ 8 లక్షలతో పూర్తి చేసేశాడు… 50 లక్షలు కలెక్ట్ చేసింది… అప్పట్లో అదే హయ్యెస్ట్ కావచ్చు గాక… కానీ ఆ రిస్క్కు విలువ కట్టగలమా..? అందుకే కృష్ణ రియల్ సాహసి… హాలీవుడ్ హంగులతోనో కాదు… అచ్చమైన మన తెలుగు నేటివిటీతో తీసి, హాలీవుడ్ రేంజ్ సక్సెస్ కొట్టడం మామూలు విషయం కాదు…
గ్లోబల్ మార్కెట్ను ఏలిన తొలి తెలుగు చిత్రం
ఈ సినిమా కేవలం భారతదేశానికి మాత్రమే పరిమితం కాలేదు. అప్పట్లోనే హాలీవుడ్ కౌబాయ్ చిత్రాలకు దీటుగా తెరకెక్కిన ఈ సినిమాను ఇంగ్లీష్లోకి ‘ది ట్రెజర్’ (The Treasure) పేరుతో డబ్ చేశారు. కేవలం డబ్బింగ్ చేయడమే కాకుండా, విదేశీ ప్రేక్షకులను దృష్టిలో ఉంచుకుని కొన్ని మార్పులు చేసి ఏకంగా ప్రపంచవ్యాప్తంగా 50 దేశాల్లో విడుదల చేశారు.
ఒక తెలుగు సినిమా అంతర్జాతీయ స్థాయిలో ఇన్ని దేశాల్లో రిలీజ్ కావడం, విదేశీ బాక్సాఫీస్ వద్ద ప్రశంసలు అందుకోవడం ఆ కాలంలో ఒక సంచలనం. ఇప్పటికీ గ్లోబల్ వైడ్గా ఇన్ని దేశాల్లో తెలుగు సినిమాను ప్రదర్శించిన ఘనతలో ఈ సినిమా రికార్డు ప్రత్యేకమైనది.
సాహసానికి ప్రతిరూపం సూపర్ స్టార్ కృష్ణ
తొలి కౌబాయ్ చిత్రం…: అప్పట్లో మద్రాసులో ఆడే ఇంగ్లీష్ కౌబాయ్ చిత్రాలను చూసి స్ఫూర్తి పొందిన కృష్ణ , అరుద్ర చేత ‘ది గుడ్, ది బ్యాడ్ అండ్ ది అగ్లీ’ తరహా కథను రాయించుకున్నాడు.
భారీ బడ్జెట్ సాహసం…: రాజస్థాన్ ఎడారి నేపథ్యంలో, కేవలం 8 లక్షల బడ్జెట్తో పద్మాలయ స్టూడియోస్పై నిర్మితమైన ఈ సినిమా 50 లక్షల భారీ గ్రాస్ను సాధించి బాక్సాఫీస్ వద్ద రికార్డులు బ్రేక్ చేసింది.
టెక్నికల్ వండర్…: వి.ఎస్.ఆర్. స్వామి కెమెరా పనితనం, ఆదినారాయణరావు సంగీతం, గుర్రపుస్వారీలు, యాక్షన్ సీక్వెన్స్లు ప్రేక్షకులకు ఒక సరికొత్త విజువల్ ట్రీట్ను అందించాయి.
నేడు పాన్ వరల్డ్ చిత్రాలు అంటే వందల కోట్ల బడ్జెట్లు, భారీ వీఎఫ్ఎక్స్ (VFX) కనిపిస్తున్నాయి. కానీ, 1970లలోనే కేవలం కథ మీద నమ్మకంతో, తెలుగు సినిమా సత్తాను ప్రపంచ విపణికి పరిచయం చేసిన ఘనత మాత్రం పూర్తిగా సూపర్ స్టార్ కృష్ణదే. తెలుగు సినిమా చరిత్రను ప్రపంచ పటంలో నిలబెట్టిన మొట్టమొదటి పాన్ వరల్డ్ దృశ్యకావ్యం ‘మోసగాళ్లకు మోసగాడు’…
Share this Article