Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

హవ్వ… ఇదా ఎన్టీయార్ వంటి ప్రసిద్ధ హీరో పాత్ర ఔచిత్యం..?

July 9, 2024 by M S R

దీక్ష… ఈ సినిమా లవర్సుకు ఈ సినిమా గుర్తు ఉండిపోవటానికి ముఖ్య కారణం ఒకే ఒక్క పాట . సి నారాయణరెడ్డి వ్రాసిన పాట . మెరిసే మేఘమాలికా ఉరుములు చాలు చాలికా అనే చాలా చాలా శ్రావ్యంగా ఉండే పాట . సూరజ్ అనే హిందీ సినిమాలోని బహారో ఫూల్ బరసావో మేరా మెహబూబ్ ఆయా హై ట్యూన్ తో పెండ్యాల ఈ పాటను తయారు చేసారు . బాల సుబ్రమణ్యం కూడా పాటకు తగ్గట్లు గొప్పగా పాడారు . నిజానికి ఇది ఘంటసాల పాడాల్సిన పాటే…

ఈ సూరజ్ సినిమా గురించి ఓ మాట పంచుకోవాలి . రాజేంద్రకుమార్ , వైజయంతిమాలలు హీరో హీరోయిన్లుగా నటించారు . క్లాసిక్ . కాలేజీ రోజుల్లో నాకు నచ్చిన కళాఖండం . నేను హిందీ , ఇంగ్లీషు సినిమాలు చాలా తక్కువగా చూసేవాడిని . చూసిన వాటిల్లో ఒకటి సూరజ్ . చూడని మిత్రులు ఎవరయినా ఉంటే ఈ హిందీ సినిమాను తప్పక చూడండి . మళ్ళా మన దీక్ష సినిమాలోకి వద్దాం .

NTR , జమున నటించాల్సిన పాత్రలు కావు ఇవి… ఆరోజుల్లో ఉన్న చంద్రమోహన్ లాంటి కుర్ర హీరోలో , నెగటివ్ షేడ్స్ ఉన్న పాత్రలు వేసే కృష్ణంరాజు , హరనాథ్ వంటి నటులో నటించవలసిన సినిమా . తన తండ్రిని చంపి , తమ ఆస్తిని కాజేసిన విలన్ కు బుధ్ధి చెప్పే హీరో పాత్ర . బుధ్ధి చెప్పేందుకు విలన్ కూతురు జమునని ప్రేమించినట్లు నటించి , శీలాపహరణ చేస్తాడు హీరో NTR . తనకు సూటయ్యే పాత్ర ఏమాత్రం కాదు ఇది. ఆ కేరక్టరైజేషనే సరికాదు. హీరో పాత్ర ఔచిత్యమే దెబ్బతినిపోయింది. సరే, చివరలో హీరోయిన్ మంచితనం హీరో తెలుసుకుని పెళ్ళి చేసుకోవటంతో సినిమా ముగుస్తుంది .

Ads

ప్రముఖ దర్శకుడు కె ప్రత్యగాత్మ దర్శకత్వంలో వచ్చిన ఈ సినిమాలో మిగిలిన పాటలు కూడా బాగానే ఉంటాయి . పూలమ్మే పిలిచింది , బుల్ బుల్ బ్యూటీ వయ్యారి , సరదాగా సంతకెళితే , నాన్న అనే రెండక్షరాలు పాటలు ఓకే . పూలమ్మే పిలిచింది పాటలో జమున చాలా హుషారుగా నటిస్తుంది .

ప్రభాకరరెడ్డి , జగ్గయ్య , రాజబాబు , సాక్షి రంగారావు , అంజలీదేవి , కె విజయ , పుష్పకుమారి , చలపతిరావు ప్రభృతులు నటించారు . అంజలీదేవి మొదటిసారిగా NTR కు తల్లిగా నటించింది ఈ సినిమాయే అనుకుంటా . ఆయనతో హీరోయిన్ గా నటించిన చాలామంది హీరోయిన్లు ఆయనకు తల్లులుగా నటించారు . తప్పించుకుంది సావిత్రి , కృష్ణకుమారిలే . ఈ దీక్ష సినిమా యూట్యూబులో ఉంది . NTR , జమున అభిమానులు చూడవచ్చు .

అందరూ తప్పక చూడవలసింది ఈ సినిమాలోని మెరిసే మేఘమాలికా పాట . ఈ పాట కన్నా గొప్ప పాట సూరజ్ సినిమా లోని బహారో ఫూల్ బరసావో . వైజయంతిమాల ఎంత అందంగా ఉంటుందో ! A thing of beauty is a joy forever . ఈ రెండు పాటల వీడియోలూ యూట్యూబులో ఉన్నాయి . ఆస్వాదించండి . #తెలుగుసినిమాలసింహావలోకనం #తెలుగుసినిమాలు……. ( By డోగిపర్తి సుబ్రహ్మణ్యం )

Share this Article



Advertisement

Search On Site

Latest Articles

  • బ్లేమ్ గేమ్… బీసీ రిజర్వేషన్లపై పార్టీల పరస్పర నిందాపర్వం…
  • కేసీయార్ మార్క్ సింపతీ పాలిటిక్స్… సీటుసీటుకూ మారుతుంటయ్…
  • రెండు బొమ్మలూ ఒక్కచోట కుట్టేసి… మరోసారి దండుకో నా రాజామౌళీ…
  • ఆధునిక తెలుగులో ఎండ్ టు ఎండ్ ఇంగ్లిష్ ఓన్లీ…!
  • ‘‘నేనెందుకు అర్చకవృత్తి చేపట్టానంటే…’’ చిలుకూరు రంగరాజన్ కథ…
  • చిరంజీవి క్లాసిక్ చేస్తే ఎందుకో గానీ ఆ ‘ఆరాధన’ దక్కదు తనకు…
  • అసలే ఆమె రేఖ… పైగా ఓ సరళీకృత అక్రమ ప్రేమ కథ… తెర చించేసింది…
  • ఆహా… నోబెల్ అవార్డుల జ్యూరీకి మనస్పూర్తి ప్రశంసలు… ఎందుకంటే..?
  • అంబానీలు, ఆదానీలు బోలెడు… అచ్చమైన భారత ‘రతన్’ టాటా ఒక్కడే..!
  • రేఖ బయోబుక్..! పుట్టుక నుంచీ ఆమె లైఫ్ జర్నీపై సంపూర్ణ చిత్రణ…

Archives

Copyright © 2025 · Muchata.com · Technology Management by CultNerds IT Solutions