Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

కుటుంబ బంధాల్లో ఒడిదొడుకులకు కౌన్సెలింగ్ కోర్స్… క్షేమదాయకం…

September 25, 2024 by M S R

ఒకప్పుడు ఇల్లే విశ్వ విద్యాలయం. వైద్యాలయం కూడా. చిన్న చిన్న ఆరోగ్య మానసిక సమస్యలు, చదువులకు సంబంధించిన సందేహాలు తీర్చడానికి వంటింట్లో పోపుల డబ్బా, కుర్చీలో నానమ్మ- తాతయ్య, మరోపక్క మామయ్యలు , బాబాయిలు, పిన్నులు, అత్తలు ఉండేవారు.

పండగైనా పబ్బమైనా కలసి జరుపుకునేవారు. ఎవరూ పెద్దగా బాధపడిన సందర్భాలు ఉండేవి కాదు. కాలం మారే కొద్దీ ఉద్యోగాల పేరుతో పట్నాలకు పరుగెత్తడం ప్రారంభమయ్యాక పరిస్థితి తారుమారయ్యింది. ఎవరి ప్రపంచం వారిదయ్యింది. ఇవన్నీ తప్పని అనలేం.

ఇప్పటికీ తమ వారిని పండగలకు కలిసే వారు ఉన్నారు. కానీ ఇప్పటి తరానికి బంధుత్వాలు తెలియవు. మహా అయితే తాతయ్య, అమ్మమ్మ తెలుస్తారేమో! పెద్దమ్మలు , అత్తలు, మామయ్యలు … అందరినీ ఆంటీ, అంకుల్ అని సరిపెట్టేస్తున్నారు. అన్న, వదిన, బావ ఎవరైనా కజినే. ఇంటా బయటా ఇవే పిలుపులు.

Ads

ఇక బంధాలు బలహీనపడటంలో ఆశ్చర్యమేముంది? లింగు లిటుకూ అంటూ భార్యాభర్తలు ఇద్దరే ఉంటే వారిమధ్య వచ్చే తగాదాలు తీర్చేదెవరు? చిన్నకుటుంబాల్లో వచ్చే అపార్థాలు, అత్తా కోడళ్ల సమస్యలు, టీనేజ్ ట్రబుల్స్, వైఫల్యాలు, ఇవన్నీ ఏ డాక్టర్ వచ్చి తీర్చాలి?

మరో పక్క విడాకులు తీసుకునే వారి సంఖ్య పెరుగుతోంది. చదవలేక డిప్రెషన్ లోకి వెళ్తున్న విద్యార్థులు, దురలవాట్లతో దారి తప్పుతున్నవారు, డిజిటల్ మానియా … ఇలా లెక్కలేనన్ని సమస్యలు. వీటన్నిటికీ పరిష్కారం ఒకేచోట లభిస్తే?.. చక్కటి ఆలోచన కదా!

నిజానికి ఇదేమీ కొత్త ఆలోచన కాదు. నల్సార్ యూనివర్సిటీ వాళ్ళు ఎప్పటినుంచో ఫ్యామిలీ కౌన్సిలింగ్ లో డిప్లొమా కోర్సు నిర్వహిస్తున్నారు. అనుకున్నంతగా ఆదరణ లభించడం లేదంతే. నిజానికి ప్రతి స్కూల్, కాలేజీ, ఆఫీసుల్లో కౌన్సెలర్లను నియమిస్తే చాలా ఉపయోగం.

కోఠిలోని తెలంగాణ మహిళా విశ్వవిద్యాలయం నాలుగేళ్ళ క్రితం ఫ్యామిలీ, మ్యారేజ్ కౌన్సిలింగ్ కోర్స్ ప్రారంభించింది. మొదట్లో యువతులకే పరిమితమైన ఈ కోర్సులో తాజాగా అందరికీ ప్రవేశం కల్పించారు. దాంతో లాయర్లు, చదువుకున్న మహిళలు, రిటైర్ అయిన పెద్దవారు ఈ కోర్స్ చేసి అనుబంధాల పునాదులను పటిష్టం చేసే సంధాన కర్తలుగా సేవలందిస్తున్నారు.

ఆన్లైన్ లో కూడా చదివే సౌకర్యం ఉంది. రాష్ట్రంలో మరి కొన్ని కళాశాలల్లో కూడా ఫ్యామిలీ కౌన్సిలింగ్ కోర్స్ ఉంది. ప్రభుత్వాలు ఇంకాస్త ఆలోచించి ఇటువంటి కోర్సులు పాఠశాల స్థాయి నుంచి మొదలుపెడితే ఇంకా ఉపయోగంగా ఉంటుందేమో! ఏమైనా మనిషిని యంత్రంతో పోటీ పడేలాకాక మనసు తెలుసుకుని ఓదార్చే కోర్స్ ప్రారంభించడం సమాజానికి శుభసూచకం…. -కె.శోభ

Share this Article



Advertisement

Search On Site

Latest Articles

  • జామ ఆకులు తెగ తింటున్నారు… పచ్చి, ఎండు, పొడి… అన్నీ…
  • ఆంధ్రాబాబు బుర్రలో బనకచర్ల పురుగు మెసులుతూనే ఉంది..!!
  • పొంగులేటి పొగ..! సిస్టం, పార్టీ, సర్కారు… అన్నింటికీ ఓ కొత్త థ్రెట్..!!
  • సార్, మా కరెంటు కనెక్షన్ తీసుకుంటారా..? బోలెడు ఆఫర్లున్నాయి..!!
  • Amitabh Bachchan: The Timeless Titan of Indian Branding
  • ఈ వయస్సులోనూ అత్యంత విలువైన బ్రాండ్ ప్రమోటర్… బిగ్ బీ..!!
  • The Cremator: One Woman’s Sacred Mission to Honor 4,000 Souls
  • భయాన్ని దహనం చేసిన మహిళ — 4 వేల శవాలకు అంత్యక్రియలు…
  • కొడుక్కి ఓ హిట్ కోసం… అల్లుడు నిర్మాతగా… అక్కినేని తెరప్రయత్నం…
  • శవాన్ని ఓవెన్‌లోకి తోశారు… ఏదో కాలుతున్న ధ్వని… ఖాళీ స్ట్రెచర్ బయటికి వచ్చింది…

Archives

Copyright © 2025 · Muchata.com · Technology Management by CultNerds IT Solutions