Muchata.com Latest Telugu News

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

అక్రమార్కుల వెన్నులో వణుకుపుట్టించిన ఐఏఎస్… ఇప్పుడేమయ్యాడు..?

September 19, 2023 by M S R

ముందుగా ఓ కథ చదువుదాం… ఐఏఎస్ అంటే అయ్యా ఎస్ అంటూ మంత్రులకి ఊడిగం చేసే స్థాయికి దిగజారిపోయిన ఈ రోజుల్లో ఓ ఐఏఎస్ అధికారి కోర్టు తనకి అప్పగించిన పని పూర్తిచేయడం కోసం రాత్రంతా స్మశానంలో గడిపిన ఘటన తమిళనాడులో జరిగింది. ఈ ఘటన వివరాల్లోకి వెళితే.. 1999 లో ఓ గ్రానైట్ కంపెనీ యజమాని తన వ్యాపారం ఎదగడం కోసం నలుగురు మనుషులని బలి ఇచ్చాడనే ఆరోపణలు వచ్చాయి.

మధురైకి చెందిన ఆ గ్రానైట్ వ్యాపారి ఓ బాలిక సహా ముగ్గురు వ్యక్తుల్ని నరబలి ఇచ్చాడనే కేసును తమిళనాడు హైకోర్టు విచారిస్తోంది. ఈ కేసుపై లీగల్ కమిషనర్ గా ఐఏఎస్ అధికారి సగాయంని కోర్టు నియమించింది. ఈ కేసుకు సంబంధించి సాక్ష్యాల కోసం సగాయం మధురై వెళ్ళారు. బలి అయిన వారి శవాలను పూడ్చి పెట్టిన స్మశానానికి చేరుకున్న ఆయన అక్కడ తవ్వకాలు పూర్తయ్యేవరకు రాత్రంతా స్మశానంలోనే పడుకున్నారు.

Ads

రెవెన్యూ పోలీసులు ఎంత బ్రతిమిలాడినా వినకుండా, సాక్ష్యాలు కాపాడటం కోసం శనివారం రాత్రంతా స్మశానంలోనే గడిపారు. అస్తిపంజరాలను బయటకు తీసి ఫోరెన్సిక్ లాబ్ కు తరలించిన తర్వాత కానీ ఆయన స్మశానం నుండి కదల్లేదట. ఈ ఐఏఎస్ అధికారి స్మశానంలో పడుకున్న ఫోటోలు సోషల్ మీడియాలో వైరల్ గా వ్యాపించాయి.

చాలామంది యువత సగాయం లాంటి వ్యక్తి తమిళనాడుకు ముఖ్యమంత్రి అయి అవినీతిని అరికట్టాలని ట్వీట్స్ చేస్తున్నారు. ఇప్పుడు సగాయం (తెలుగులో సహాయం)… తమిళనాడులో పెద్ద సెలెబ్రిటి అయిపోయారు. వృత్తిపట్ల అంతులేని నిబద్దత చూపిన సగాయంను మనమూ అభినందిద్దాం… గతంలో కూడా ఓసారి చదివినట్టు గుర్తుంది… ఓ మిత్రుడి ఫేస్‌బుక్ వాల్ మీద కనిపించింది మళ్లీ… గుడ్… అయితే తరువాత ఏమిటి..? సగాయం ఏమయ్యాడు..? ఈ వివరాల కోసం ట్రై చేస్తే…

sagayam

తను 27 ఏళ్లలో 25 బదిలీలను పొందాడు… ఏ పోస్టులో ఉన్నాసరే అవినీతిపరులు, అక్రమార్కుల తాటతీసేవాడు… నిజాయితీకి మరోపేరుగా నిలిచాడు… అక్రమార్కులకు టెర్రర్… తనేమీ స్ట్రెయిట్ ఐఏఎస్ కాదు, కన్‌ఫర్‌డ్ ఐఏఎస్… తరువాత కొన్నేళ్లకు ఈ అధికార హోదాలతో వ్యవస్థలో మార్పు రాదని తేల్చేసుకున్నాడు… తెలుసుకున్నాడు… స్వచ్చంద పదవీ విరమణ తీసుకున్నాడు…

పాలిటిక్స్‌లోకి ఎంటరయ్యాడు… మన దేశంలో అల్టిమేట్ అధికారం రాజకీయ నాయకులదే… పార్టీలదే… ఓ రెండు చిన్న పార్టీలతో కూటమి కట్టాడు… తిరిగాడు, ప్రచారం చేశాడు… తన నినాదం ఏమిటంటే… మనం కులాల్ని, మతాల్ని నిర్మూలించడమే కాదు, అవినీతిని కూడా నిర్మూలించాలి… కానీ ఏం జరిగింది..? భలేవారే…  ఏళ్ల తరబడీ దీక్ష చేసిన ఇరోం షర్మిలకు ఎన్ని వోట్లు వచ్చాయో తెలుసు కదా…

Ads

వ్యక్తిగత నిజాయితీలు వేరు, ఎన్నికల పాలిటిక్స్ వేరు… రెండూ ఒకటి కావు… కేజ్రీవాల్ ముఖ్యమంత్రి అయ్యాడు, పంజాబ్‌కు ప్రాక్సీ ముఖ్యమంత్రి అయ్యాడు… కానీ అన్నాహజారే అక్కడే ఉండిపోయాడు… జేడీ లక్ష్మినారాయణ, జయప్రకాష్ నారాయణ వంటి బాగా ప్రచారం పొందిన వ్యక్తులు చివరకు ఎలా మిగిలారు..? సగాయం విషయంలోనూ అదే జరిగింది… ప్రస్తుతం సగాయం గురించి తలుచుకున్నవారే లేరు… సహజం… ఉండరు…!!

Share this Article






Advertisement

Search On Site

Latest Articles

  • ఆ ఫ్లాట్లలోనే మగ్గిపోకుండా… స్విగ్గీలు అయిపోకుండా… కాస్త కిందకు దిగండి…
  • పవన్ కల్యాణ్ బెటరా..? జూనియర్ బెటరా… తేల్చుకోవాల్సింది చంద్రబాబే…
  • గ్రూప్ వన్ నియామకాల వైఫల్యం… కేసీయార్ పాలనకు చేదు మరక…
  • పండితపుత్రుడు ట్రూడా… ఇండియాతో గోక్కుని ‘దెబ్బ తినేస్తున్నాడు…’’
  • సినిమాగా ‘పర్వ’… ఆదిపురుష్‌లాగే తీస్తే అడ్డంగా తిరస్కరించడం ఖాయం…
  • Petal Gahlot… పాకిస్థాన్ అధ్యక్షుడిని కబడ్డీ ఆడేసుకుంది… అసలు ఎవరీమె..?!
  • మందు ఎక్కితే… ఆంగ్లం దానంతటదే తన్నుకుని వస్తుంది అదేమిటో గానీ…
  • బాబు గారూ… మీకు చౌతాలా వయస్సు, జైలుశిక్ష గురించి ఏమైనా తెలుసా..?!
  • సొసైటీ మీద పడి కోట్లు దండుకుని బతికే వాళ్లతో… సొసైటీకి జీరో ఫాయిదా…
  • ఒక ఏపీ సీఎం… మరో ఏపీ సీఎం… ఇద్దరూ ఇద్దరే… సేమ్ సేమ్…

Archives

Copyright © 2023 · Muchata.com · Technology Management by CultNerds IT Solutions