చెత్తా హీరోయిజం! ఆ డెలివరీ బాయ్ చెప్పు తీసి ఉంటే..?!

.

Ashok Kumar Vemulapalli …. డెలివరీ బాయ్‌పై ‘రాజు వెడ్స్ రాంబాయి’ హీరో అఖిల్ రాజ్ దాడి
ఆన్‌లైన్‌లో ఆర్డర్ చేసిన ఫుడ్ తప్పుగా తెచ్చాడనే నెపంతో ‘రాజు వెడ్స్ రాంబాయి’ చిత్రం హీరో అఖిల్ రాజ్ ఒక డెలివరీ బాయ్‌పై దాడికి తెగబడ్డాడు. హీరో అఖిల్ రాజ్ ఆన్‌లైన్‌లో ఫుడ్ ఆర్డర్ చేయగా, డెలివరీ బాయ్ పొరపాటున వేరే ఆర్డర్ ఇచ్చాడు. దీనిపై తీవ్ర ఆగ్రహానికి గురైన హీరో, సదరు డెలివరీ బాయ్‌పై ఇలా దాడి చేశాడు

ప్రతి వెధవకి .. డెలివరీ బాయ్స్ అంటే అదేంటో లోకువ .. చులకన .. పొరబాటు జరిగింది అతను ఒప్పుకున్నాడు .. అయినా సరే కొట్టడం ఏంటి ?

ప్రతోడు .. తాను బలవంతుడినని .. డబ్బున్నోడినని .. నిరూపించుకోవడానికి ఇలా డెలివరీ బాయ్స్ మీద , డ్రైవర్లు, ఇంట్లో పనిమనుషులు , సెక్యూరిటీ గార్డుల మీద ప్రతాపం చూపిస్తుంటారు .. వారి మీద అరుస్తుంటారు .. కొడుతుంటారు

వాళ్ళు నీతిగా నిజాయతీగా కష్టపడి బతుకుతున్నారు .. అలాంటి వారిపైనా మనం దాడులు చేసేది .. డెలివరీ బాయ్ .. మనం ఆర్డర్ పెట్టిన ఫుడ్ ఎక్కడో రెస్టారెంట్ నుంచి అంత ట్రాఫిక్ లో బైక్ పై తీసుకొచ్చి ఇస్తాడు .. దానికి మనం ఆర్డర్ లో డెలివరీ ఛార్జ్ కింద కొంత వసూలు చేస్తారు.

మనం డబ్బులు పే చేసాం .. వాళ్ళు డెలివరీ ఇచ్చారు .. ఇక్కడ మ్యూచువల్.. అంతే కదా .. అదే డెలివరీ బాయ్ తిరిగి నీమీద దాడి చేస్తే తలెక్కడ పెట్టుకుంటావు ?

కొద్దిరోజుల క్రితం బంజారా హిల్డ్ లో ఒక అపార్ట్మెంట్లో డెలివరీ ఇవ్వడానికి వెళ్ళినపుడు డోర్ తీయగానే కుక్క అతని మీదకు దూసుకొస్తే భయంతో నాలుగో అంతస్తు నుంచి దూకేయడంతో డెలివరీ బాయ్ చనిపోయాడు ..

మనిషిని మనిషిలా గౌరవించండి .. ఆదరించండి .. డెలివరీ బాయ్ అయినా డ్రైవర్ అయినా ఇంట్లో పని మనుషులు అయినా వాళ్ళు మనలా మనుషులే అన్న సంగతి గుర్తు పెట్టుకోండి .. ఇలా నీచంగా ప్రవర్తించి దిగజారకండి ..

అతను ఈ వీడియో తీశాడు కాబట్టి సరిపోయింది .. అదే వీడియో లేకపోతే ఇదే హీరో తన పలుకుబడి , డబ్బున్న అహంకారంతో డెలివరీ బాయ్ పై కేసు పెట్టి ఇరికించేవాడేమో .. సాటి మనిషిని గౌరవించినపుడే మనం నిజమైన హీరోలం అవుతాం .. ఇలా దాడులు చేస్తే చెత్త హీరోయిజం-  రియల్ విలన్స్ అవుతాం ..  అశోక్ వేములపల్లి