Subramanyam Dogiparthi…. అగ్గి పిడుగు , చిక్కడు- దొరకడు , గోపాలుడు- భూపాలుడు , రాముడు- భీముడు , కదలడు- వదలడు అన్నీ ఆయనే . అయితే ఈ కదలడు వదలడు సినిమాలో ద్విపాత్రాభినయం లేదు . కావలసినన్ని మారు వేషాలు ఉన్నాయి . సినిమాలో వాళ్ళంతా పిచ్చోళ్ళు . మారువేషంలో ఉన్న NTR ని ఎవరూ గుర్తుపట్టలేరు . థియేటర్లో ఉన్న మనం చెపుతూనే ఉన్నా గ్రహించలేరు .
విఠలాచార్య దర్శకత్వంలో వచ్చిన ఈ సినిమా పైన పేర్కొన్న సినిమాల్లాగా ఇరగతీయలేదని గుర్తు . NTR సినిమా కదా ! బాగానే ఆడింది . కమర్షియల్ గా సక్సెస్ అయింది . రొటీన్ కధే . ఓ రాజు , దుష్టచతుష్టయం , సాహసవంతుడయిన రాజకుమారుడు , ఓ బ్యూటీఫుల్ హీరోయిన్ , చివర్లో దుష్ట శిక్షణ చేసి , బ్యూటిఫుల్ హీరోయిన్ని పెళ్ళి చేసుకుని , సింహాసనం ఎక్కుతాడు NTR .
సాధారణంగా NTR – విఠలాచార్య సినిమాలో పాటలన్నీ లోనా బయటా హిట్టవుతాయి . టి వి రాజు సంగీత దర్శకత్వంలో కొన్ని పాటలే బాగా హిట్టయ్యాయి . బుల్లెమ్మా సౌఖ్యమేనా , కట్కో కట్కో గళ్ళ చీరె పెట్కో పెట్కో పెళ్ళి బొట్టు పాటలు హిట్టయ్యాయి . మిగిలిన పాటలు కూడా థియేటర్లో శ్రావ్యంగానే ఉంటాయి . As usual , జయలలిత ముద్దు ముద్దు మాటలు , NTR తో డాన్సులు బాగుంటాయి .
వీరిద్దరితో పాటు ముక్కామల , ధూళిపాళ , రామదాసు , సత్యనారాయణ , హేమలత , విజయలలిత , ఛాయాదేవి , మిక్కిలినేని , బాలకృష్ణ ప్రభృతులు నటించారు . మా నరసరావుపేటలో వెంకటేశ్వర పిక్చర్ పేలసులో చూసా . ఈ సినిమా కూడా రెండు సార్లు చూసా . కాలక్షేపం , వినోదం గ్యారంటీ . యూట్యూబులో ఉంది . చూడబులే .
Share this Article
Ads