Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

అమ్మాయిని పందెంలో ఓడిపోతే… అది ‘మంచి రోజులు వచ్చాయి’ అట..!

June 4, 2024 by M S R

Subramanyam Dogiparthi…. కాస్త ఎర్ర సినిమా . ఇదోరకం క్లాస్ వార్ సినిమా . పేదలకు పెత్తందార్లకు మధ్య జరిగే సినిమా . 1971 లో తమిళంలో వచ్చిన సవాలే సమాలి సినిమాకు రీమేక్ మన మంచిరోజులు వచ్చాయి సినిమా . తమిళంలో వంద రోజులు ఆడి కమర్షియల్ గా కూడా బాగా సక్సెస్ అయిన సినిమా . మన తెలుగులోకే కాదు ; కన్నడ , మళయాళ , హిందీ భాషల్లోకి కూడా రీమేక్ అయింది .

1972 మే 12 న రిలీజయిన మన తెలుగు సినిమా ఎందుకనో తమిళ సినిమా అంత సక్సెస్ కాలేదు . ఈ సినిమా బాగా గుర్తు ఉండటానికి కారణం దేవులపల్లి వారు వ్రాసిన నేలతో నీడ అన్నది నను తాకరాదని పగటితో రేయి అన్నది పాట . టి చలపతిరావు సంగీత దర్శకత్వంలో పాటలన్నీ శ్రావ్యంగా ఉంటాయి . ఈనాటి సంక్రాంతి అసలైన పండగ , ఎగిరే గువ్వ ఏమంది విసిరే గాలి ఏముంది , సిరిపల్లె చిన్నది చిందులు వేస్తున్నది పాటలు చాలా శ్రావ్యంగా ఉంటాయి . హిట్టయ్యాయి కూడా .

ఓ పేదవాడు , ఓ పెత్తందారు పంతాలకు పోయి పందెం వేసుకుంటారు . పెత్తందారు ఓడిపోతే తన గారాల కూతురిని పేదవాడికిచ్చి పెళ్లి చేయాలి . పెత్తందారు ఓడిపోతాడు . ఊళ్ళో ఓ పేదవాడితో పెళ్ళి జరిపిస్తారు . ఈ సినిమాలో నాకెందుకో ఈ పందెం అస్సలు నచ్చలేదు . ఇరవయ్యో శతాబ్దంలో కూడా ఆడవాళ్ళని పందెం వస్తువుగా చూపడం నాకు నచ్చకపోవటమే కాదు , కోపం కూడా వచ్చింది . Of course . సినిమాయే అనుకోండి . పైగా వాళ్ళ డబ్బులు , వాళ్ళిష్టం . (ఒక అమ్మాయి ఆమెతో ఏ ప్రమేయం లేకుండా ఓ పేదోడికి, అదీ ఏదో బెట్టింగ్ కారణంగా పెళ్లి చేయాల్సి వస్తే… అది సోషలిజం స్థాపనా..? మంచి రోజులు వచ్చాయనే టైటిలా..?)

Ads

ANR , కాంచన , కృష్ణంరాజు , నాగభూషణం , గుమ్మడి , ధూళిపాళ , అంజలీదేవి , గీతాంజలి ప్రభృతులు నటించారు . తమిళంలో శివాజీ , జయలలిత , నంబియార్ , యస్ వరలక్ష్మి నటించారు . మన తెలుగు సినిమాకు వి మధుసూధనరావు దర్శకుడు . ప్రముఖ దర్శకుడు కోదండరామిరెడ్డి ఈ సినిమాకు అసోసియేట్ దర్శకుడు .

ఈ సినిమాను చిలకలూరిపేటకు సైకిళ్ళు వేసుకొని వెళ్లి మరీ చూసాం . ఆరోజుల్లో మా నరసరావుపేటకు ఫస్ట్ రిలీజులు ఉండేవి కావు . సినిమా వీడియో కానీ , పాటల వీడియోలు కానీ ఎందుకనో యూట్యూబులో లేవు . తమిళ సినిమా ఉంది . జయలలిత అభిమానులు చూడవచ్చు . #తెలుగుసినిమాలసింహావలోకనం #తెలుగుసినిమాలు

May be an image of 3 people and text

Share this Article



Advertisement

Search On Site

Latest Articles

  • బామ్మా అన్నపూర్ణమ్మా… ఏమిటమ్మా ఇది..? ప్చ్, బాగోలేదు సుమీ!!
  • ఎంగిలి వార్తలకూ ఓ పద్ధతి ఉంటుంది డియర్ కేసీయార్ సర్..!!
  • కమెడియన్ సద్దాం నిజంగా ఘంటసాలను అవమానించాడా..?!
  • మీడియా ఏమైనా రాసుకోనీ… ప్రేక్షకుడి అసలు తీర్పు వేరు- వసూళ్లు వేరు..!!
  • ఎన్టీఆర్ ఓడి- కృష్ణ గెలిచి… రెండు సింహాల నడుమ నలిగిన గిరిబాబు..!!
  • ఓ మర్డర్ కేసును మలుపు తిప్పిన ఆ ఉత్కంఠభరిత మ్యాచ్!
  • MUSK – THE FANTASY BUILDER … కలల్ని కళ్ల ముందుంచుతాడు !!
  • చంద్రబాబు చెబితే నవ్వారు- కానీ భావి ప్రయోగాలు- ఆశలు మాత్రం అవే !!
  • అమెరికాపై అదృశ్య దాడి…? కుప్పకూలుతున్న వ్యవస్థలు… లాక్‌డౌన్ 2.0 కుట్రనా..?
  • రాజరికపు వైభవాన్ని వదిలేసిన తొలి జమిందారు! చదవాల్సిన చరిత్ర!!

Archives

Copyright © 2026 · Muchata.com · Technology Management by CultNerds IT Solutions