కర్ణాటక రాజకీయాల్లో సిద్ధరామయ్య భవిష్యత్తు గురించి ఇప్పుడు ఢిల్లీ స్థాయిలో కూడా చర్చలు మొదలయ్యాయి.
అది కేవలం ముఖ్యమంత్రి పదవి కు రాజీనామా వరకు మాత్రమే పరిమితం కాదు. ఆయన భవిష్యత్తులో జాతీయ రాజకీయాల్లో కీలక పాత్ర పోషిస్తారా? లేక ప్రాంతీయ శక్తిగానే మిగిలిపోతారా? అన్నది ఇప్పుడు ప్రధాన ప్రశ్నగా మారుతోంది.

సిద్ధరామయ్య వ్యక్తిత్వం సాధారణ కాంగ్రెస్ నాయకుల మాదిరి కాదు.
ఆయన మొదట కాంగ్రెస్‌లో పెరిగిన నాయకుడు కాదు. జనతా పరివార్ రాజకీయాల నుంచి వచ్చిన వ్యక్తి. దేవేగౌడ కుటుంబంతో విభేదించి బయటకు వచ్చి, తన స్వంత సామాజిక-రాజకీయ ఆధారాన్ని నిర్మించుకున్నాడు. ముఖ్యంగా కురుబా-OBC వర్గాలలో ఆయనకు ఉన్న ప్రభావం కర్ణాటకలో చాలా బలంగా ఉంది.

ఇప్పుడు కాంగ్రెస్‌లో ఖడ్గే తరువాతి తరం నాయకత్వంపై చర్చ వస్తే సిద్ధరామయ్య పేరు సహజంగానే వినిపించవచ్చు
ఖడ్గే వయస్సు, ఆరోగ్యం, భవిష్యత్తు రాజకీయ పరిమితులను దృష్టిలో ఉంచుకుంటే కాంగ్రెస్ రాజ్యసభలో ఒక బలమైన వక్త, అనుభవజ్ఞుడు అవసరం అవుతుంది. ఆ కోణంలో సిద్ధరామయ్య సరైన ఎంపికగా కనిపించవచ్చు.

రాజ్యసభకు వెళ్తే ఆయనకు కొన్ని బలాలు ఉన్నాయి:

సభలో చర్చించే సామర్థ్యం, ఆర్థిక, సామాజిక అంశాలపై పట్టు, OBC నాయకుడిగా జాతీయ స్థాయిలో ప్రొజెక్షన్, అవసరం అయితే BJP పై దూకుడుగా మాట్లాడగల శైలి, దక్షిణ భారత కాంగ్రెస్‌కు ఒక ముఖచిత్రంగా మారే అవకాశం, అతని అనుభవం తప్పకుండా ఉపయోగపడుతుంది.

కానీ రాజకీయాల్లో సామర్థ్యం ఒక్కటే సరిపోదు. ఢిల్లీ కాంగ్రెస్‌లో “అంతర్గత శక్తి సమీకరణాలు” ఇంకా ముఖ్యమైనవి.

కేసి వేణుగోపాల్, జైరాం రమేష్, పి.చిదంబరం, దిగ్విజయ్ సింగ్ వంటి సీనియర్ నేతలు ఇప్పటికే ఢిల్లీలో తమ వర్గాలను ఏర్పరుచుకున్నారు. ఖడ్గే తరువాత జాతీయ స్థాయిలో ప్రభావం పెంచుకోవాలని ఎదురు చూస్తున్న నాయకులు చాలామంది ఉన్నారు. అలాంటి సమయంలో ప్రాంతీయ రాజకీయాల నుంచి వచ్చిన సిద్ధరామయ్య అకస్మాత్తుగా జాతీయ స్థాయిలో ఎదిగితే అంతర్గత ప్రతిఘటన రావడం సహజం. ముఖ్యముగా రాజ్యసభలో ఇంకా కష్టం.

ఇక్కడ ఖడ్గే-సిద్ధరామయ్య మధ్య ఒక కీలక తేడా ఉంది.

ఖడ్గే కాంగ్రెస్ వ్యవస్థలో దశాబ్దాలుగా పనిచేసిన విధేయ నాయకుడు. గాంధీ కుటుంబానికి ఎప్పుడూ సవాల్‌గా మారలేదు. అందుకే ఆయనను అధ్యక్షుడిగా కూర్చోబెట్టడం కాంగ్రెస్ హైకమాండ్‌కు సురక్షిత ఎంపిక అయింది.

కానీ సిద్ధరామయ్య స్వభావం పూర్తిగా భిన్నం. ఆయన స్వతంత్ర నిర్ణయాలు తీసుకునే నాయకుడు. తనకంటూ ఓటు బ్యాంక్ ఉంది. తన సామాజిక వర్గంపై ప్రభావం ఉంది. అవసరమైతే హైకమాండ్‌తో కూడా విభేదించగలడు. ఈ రకం నాయకత్వాన్ని ఢిల్లీ కాంగ్రెస్ పూర్తిగా నమ్ముతుందా? అనేది పెద్ద ప్రశ్న. రాష్ట్ర స్థాయి లో స్వేచ వేరు.

కర్ణాటకలో కాంగ్రెస్ ఆయనకు ఇచ్చినంత ఫ్రీ హ్యాండ్‌ను జాతీయ రాజకీయాల్లో ఇవ్వడం చాలా కష్టం. ఎందుకంటే ఢిల్లీలో ప్రతి నిర్ణయం అనేక వర్గాల సమతుల్యంపై ఆధారపడి ఉంటుంది. అధిస్థానం ను కాదు అని ఏమి చేయలేరు. ఒక డమ్మీ గా వుండాలి. ఉండగలడా లేదా అనేది పెద్ద చర్చ. సొంత రాష్ట్ర రాజకీయాల్లోనే ఖడ్గే కు స్వేచ్ఛ దక్కలేదు, ఒక అధ్యక్షుడిగా ఉంటూనే నాకేమి తెలియదు, అధిస్థానం చూసుకుంటుంది అన్నాడు, జాతీయ అధ్యక్షుడు పయిన కూడా అధిస్థానం ఉంటుందా అని రాజకీయ వర్గాల్లో జోక్ లు కూడా వినిపించాయి.

ఇంకో ఆసక్తికర కోణం — JDS.

సిద్ధరామయ్య రాజకీయ మూలాలు జనతాదళ్ వ్యవస్థలోనే ఉన్నాయి.మొదట్లో సిద్ధరామయ్య JDS లోనే వుండేవాడు, కుమారస్వామి తో విభేదించి వెళ్ళిపోయాడు. ఇప్పుడు
దేవేగౌడ కుటుంబ ప్రభావం క్రమంగా తగ్గుతోంది. HD కుమారస్వామి NDA లోకి వెళ్లిన తరువాత JDS యొక్క పాత “సెక్యులర్-OBC” ఇమేజ్ కూడా దెబ్బతింది. ఇలాంటి సమయంలో సిద్ధరామయ్య కాంగ్రెస్‌తో విభేదిస్తే JDS మళ్లీ ఆయనకు తలుపులు తెరవవచ్చు. అది జరిగితే కర్ణాటక రాజకీయాల్లో భారీ కుల సమీకరణ మార్పులు రావచ్చు.

కురుబా + వొక్కలిగ + కొన్ని ముస్లిం వర్గాలు కలిసి కొత్త సమీకరణం కావచ్చు, కాంగ్రెస్ ఓటు బ్యాంక్ బలహీనపడవచ్చు, BJP కి ప్రత్యక్షంగా లేదా పరోక్షంగా లాభం కలగవచ్చు, NDA వ్యూహాత్మకంగా సిద్ధరామయ్యను “ప్రత్యక్ష మిత్రుడు కాకపోయినా ఉపయోగకర శక్తి”గా చూడవచ్చు.

రాజకీయాల్లో అసాధ్యం అనేది శాశ్వతం కాదు. ఒకప్పుడు కాంగ్రెస్‌కు వ్యతిరేకంగా ఎదిగిన నాయకుడు కాంగ్రెస్ ముఖ్యమంత్రిగా మారాడు. రేపు అదే నాయకుడు జాతీయ రాజకీయాల్లో కొత్త సమీకరణాలకు కేంద్రబిందువుగా మారినా ఆశ్చర్యం లేదు.

ప్రస్తుతం కనిపిస్తున్న ప్రశ్న ఒక్కటే , సిద్ధరామయ్య కేవలం కర్ణాటక నాయకుడిగానే మిగిలిపోతారా?
లేక దక్షిణ భారత రాజకీయాల్లో జాతీయ స్థాయి OBC ముఖచిత్రంగా ఎదుగుతారా?

దానికి సమాధానం వచ్చే కొన్ని సంవత్సరాల్లో భారత రాజకీయ దిశను కూడా ప్రభావితం చేయవచ్చు.

— ఉపద్రష్ట పార్ధసారధి

Siddaramaiah #KarnatakaPolitics #Congress #Kharge #JDS #NDA #OBCPolitics #IndianPolitics #PoliticalAnalysis #PardhaTalks