ప్రొఫెనలిజం – ఎవరు నిజమైన దొంగలు ? ఓ బ్యాంకు చోరీ కథ !!

.

చైనాలోని గ్వాంగ్‌జౌలో ఒక బ్యాంకులో దోపిడీ జరుగుతుండగా, ఆ దొంగ బ్యాంకులో ఉన్న అందరితో ఇలా అరిచాడు…: “ఎవడూ కదలకండి. ఈ డబ్బు ప్రభుత్వానిది… కానీ మీ ప్రాణాలు మీ సొంతం… రిస్క్ తీసుకోకండి..”

అక్కడ ఉన్న అందరూ హాల్‌లో నిశ్శబ్దంగా నేలమీద పడుకున్నారు. దీన్ని “ఆలోచనా విధానాన్ని మార్చడం” (Mind Changing Concept) అంటారు. సాంప్రదాయ ఆలోచనా ధోరణిని మార్చడం ఇది.

అప్పుడు ఒక మహిళ టేబుల్ మీద కాస్త రెచ్చగొట్టేలా పడుకుంటే, దొంగ ఆమెను గట్టిగా హెచ్చరించాడు: “దయచేసి కాస్త పద్ధతిగా ఉండండి! ఇది దోపిడీ, అత్యాచారం యాక్షన్ కాదు!”

దీన్ని “వృత్తి నిబద్ధత” (Being Professional) అంటారు! మీకు ఏ పనిలో శిక్షణ ఉందో దానిపైనే పూర్తి దృష్టి పెట్టడం.

దొంగలు ఇంటికి వెళ్లిన తర్వాత, ఎంబీఏ చదివిన చిన్న దొంగ, ఆరవ తరగతి మాత్రమే చదివిన పెద్ద దొంగతో అన్నాడు: “అన్నా, మనం ఎంత డబ్బు దోచుకున్నామో లెక్కపెడదాం.”

అందుకు పెద్ద దొంగ కోపంగా తిరస్కరిస్తూ అన్నాడు: “నీకు అసలు బుర్ర లేదు. అక్కడ బోలెడు డబ్బుంది, అది లెక్కపెట్టడానికి చాలా సమయం పడుతుంది. ఇప్పుడే రాత్రి టీవీ వార్తల్లో మనం బ్యాంకు నుంచి ఎంత దోచుకున్నామో వాళ్లే చెప్తారుగా!”

దీన్ని “అనుభవం” (Experience) అంటారు. ఈ రోజుల్లో కాగితం మీద ఉండే డిగ్రీల కంటే అనుభవమే ఎక్కువ ముఖ్యం!

దొంగలు వెళ్లిపోయిన తర్వాత, బ్యాంకు మేనేజర్ వెంటనే పోలీసులకు ఫోన్ చేయమని సూపర్‌వైజర్‌తో అన్నాడు. కానీ సూపర్‌వైజర్ మేనేజర్‌తో అన్నాడు: “ఆగు! మనం ఈ బ్యాంకు నుంచి పది మిలియన్ల డాలర్లు నొక్కి, మనం ఇదివరకే దారి మళ్లించిన డెబ్బై మిలియన్ డాలర్లకు దీన్ని కూడా కలిపేద్దాం.”

దీన్ని “ప్రవాహంతో ప్రయాణం” (Swim with the tide) అంటారు. ప్రతికూల పరిస్థితిని కూడా మనకు అనుకూలంగా మార్చుకోవడం! అప్పుడు సూపర్‌వైజర్ అన్నాడు: “ఇలాంటి దోపిడీలు నెలకు ఒకసారైనా జరిగితే ఎంత బాగుండు!”

దీన్ని Killing Boredom అంటారు. ఉద్యోగం కంటే వ్యక్తిగత సంతోషమే ముఖ్యం.

మరునాడు టీవీ వార్తల్లో బ్యాంకు నుంచి వంద మిలియన్ల డాలర్లు దోచుకున్నట్లు వార్తలు వచ్చాయి. దొంగలు ఎంత లెక్కపెట్టి చూసినా కేవలం ఇరవై మిలియన్ డాలర్లు మాత్రమే తేలాయి. దొంగలకు విపరీతమైన కోపం వచ్చి ఇలా వాపోయారు: “మేము ప్రాణాలకు తెగించి కేవలం ఇరవై మిలియన్లే సంపాదిస్తే, బ్యాంకు మేనేజర్ చిటికెలో ఎనభై మిలియన్ డాలర్లు కొట్టేశాడు. దొంగతనం చేయడం కంటే చదువుకోవడం చాలా మెరుగనిపిస్తోంది!”

దీన్ని “జ్ఞానమే బంగారం” (Knowledge is worth as much as gold!) అంటారు. బ్యాంకు మేనేజర్ మాత్రం ఎంతో సంతోషంగా మురిసిపోతున్నాడు, ఎందుకంటే షేర్ మార్కెట్‌లో తాను పోగొట్టుకున్న నష్టాలన్నీ ఇప్పుడు ఈ దోపిడీతో కవర్ అయిపోయాయి.

దీన్ని “అవకాశాన్ని అందిపుచ్చుకోవడం” (Seizing the opportunity) అంటారు. రిస్క్ చేయడానికి వెనుకాడకపోవడం! ఇప్పుడు చెప్పండి, అసలైన దొంగలు ఎవరు?…..

.

.

ఇది ఇంగ్లిషులో చాలామంది చదివిన సోషల్ పోస్టే... కొత్త రీడర్స్ కోసం, అచ్చ తెలుగులోకి అనువాదం...