Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

మోడీ భాయ్ … తమరు డౌన్ వర్డ్ స్పైరల్‌లో పడిపోయారు- జాగ్రత్త !!

November 22, 2026 by M S R

.

Satish Chaganti …. మోడీ గారి పాలనలో మొదటి ఆరేడు సంవత్సరాలు ఉత్తర భారతదేశానికి వెళ్తే, మనం ఆ టాపిక్ ఎత్తకపోయినా వాళ్లే కల్పించుకుని మోడీని పొగిడేవారు. “మోడీ ఇది చేశారు, అది చేశారు. ఆ రోడ్డు చూశావా? భారతదేశం ఎంత మారిపోయిందో చూశావా?” అంటూ వాళ్లే మొదలుపెట్టేవారు.

ఆ తర్వాత ఓ మూడేళ్లు మోడీ ప్రస్తావనే తగ్గిపోయింది. తిట్టడం కూడా ఏమీ లేదు. వాళ్లంతట వాళ్లు ఆ టాపిక్ తీసుకురావడం మానేశారు. అప్పుడే ‘ఏంటీ మార్పు?’ అనుకున్నాను. 2024 వచ్చేసరికి బీజేపీ 240 సీట్ల దగ్గర ఆగిపోయింది. సొంత మెజారిటీ పోయింది.

Ads

పని మీద యూపీ, మధ్యప్రదేశ్, రాజస్థాన్, గుజరాత్, ఢిల్లీ వైపు నేను తరచూ తిరుగుతుంటాను. టాక్సీల్లో లోపలి ప్రాంతాల్లో ఉన్న ప్రాజెక్టు సైట్ల దాకా వెళ్తుంటాను. ఇప్పుడు ఆ ప్రయాణాల్లో మళ్లీ వాళ్లే మోడీ టాపిక్ తీసుకొస్తున్నారు. అందరూ అని చెప్పను గానీ, గమనించేటంత మంది మాట్లాడుతున్నారు.

ఈసారి విమర్శిస్తున్నారు. కొందరు తిడుతున్నారు కూడా. కరప్షన్ గురించి మాట్లాడుతున్నారు. పరిస్థితులు బాగోలేవంటున్నారు. తమ ఇబ్బందులకు మోడీయే కారణమన్న భావన కూడా కొందరి మాటల్లో కనిపిస్తోంది. దీన్నే యాంటీ ఇంకంబెన్సీ అంటారు.

రాజస్థాన్‌లో గ్రామీణ ఓటర్లు గట్టిగానే సంకేతం పంపించారు. సాధారణంగా స్థానిక సంస్థల ఎన్నికల్లో అధికార పక్షానికి కొంత మొగ్గు ఉంటుంది. అలాంటి ఎన్నికల్లో అధికార పార్టీని ఇంత గట్టిగా ఓడించడం ఈ మధ్య అరుదుగా చూశాం. ఎన్నికలు జరిగిన 37 జిల్లా పరిషత్తుల్లో కాంగ్రెస్‌కు 23 చోట్ల మెజారిటీ వచ్చింది. అధికారంలో ఉన్న బీజేపీకి ఐదింట్లో వచ్చింది.

బీజేపీ వాళ్లు ఏదో ఒకటి చెప్పి ఈ ఓటమిని కవర్ చేసుకుంటారు. కానీ ఓటర్లు పంపిన సంకేతాన్ని గుర్తించకపోతే, ఇదే ఒక భయంకరమైన ఓటమికి పునాది అవుతుంది.

జాతీయ రాజకీయాల లెక్కన ఇది చిన్న విజయమే. కానీ ఇప్పుడిప్పుడే ఊపు అందుకుంటున్న రాహుల్ గాంధీకి ఇలాంటి గెలుపు చాలా ముఖ్యం. ఒక్కో విజయంతో ఆయన మాటకు బరువు పెరుగుతుంది. ఆయన రాజకీయ వేగం పెరుగుతుంది.

చాలామందికి ఒప్పుకోవడం కష్టంగా ఉండొచ్చు. నాకు కనిపిస్తున్న ధోరణి మాత్రం ఇదే. మోడీ డౌన్‌వర్డ్ స్పైరల్‌లో ఉన్నారు. రాహుల్ గాంధీ అప్‌వర్డ్ స్పైరల్‌లో ఉన్నారు.

బీజేపీ ఒక్కసారి కేంద్రంలో అధికారం కోల్పోతే, తిరిగి అధికారంలోకి రావడానికి దశాబ్దాలు పడతాయని నా అంచనా. ఇన్నేళ్లలో వాళ్లు చేసినవి, చేయాల్సి ఉండి చేయనివి, మీడియాను తమకు అనుకూలంగా మలుచుకున్న తీరు, బయటకు రావాల్సిన విషయాల్ని కప్పిపుచ్చడంలో వ్యవస్థలు పోషించిన పాత్ర… అధికారం పోయాక ఇవన్నీ ఒక్కొక్కటిగా బయటకు వస్తాయని అనుకుంటున్నాను.

అప్పుడు బయటపడే విషయాలు ఎంత తీవ్రంగా ఉంటాయంటే, రాబోయే పది తరాలు మనల్ని ఒకటే ప్రశ్న అడుగుతాయి. “వీళ్లను మూడుసార్లు ఎలా గెలిపించారు?”

Share this Article



Advertisement

Search On Site

Latest Articles

  • మోడీ భాయ్ … తమరు డౌన్ వర్డ్ స్పైరల్‌లో పడిపోయారు- జాగ్రత్త !!
  • జియో పాలిటిక్స్! ముందుగా ఇండియా కోణంలో స్టడీ చేయాలి రాహుల్..!!
  • బాలయ్యకు తెలుగు వర్శిటీ పురస్కారం- అసంబద్ధమేనా..?
  • హరీశ్, నీకో నిజం తెలుసా..? పాలిటిక్స్‌లో జో జీతా వోయీ సికిందర్..!!
  • బిడ్డలూ.. ఎక్కడున్నారమ్మా? 40 ఏళ్ల ఒంటరి బతుకు చాలించింది మీ తల్లి!
  • మోదీ ఇమేజ్‌ పనిచేయలేదు- రాహుల్ గాంధీకి ఓ కొత్త ఊపిరి !
  • యముడినే ఎదిరించిన ఆ సావిత్రి… ఇక్కడ యముడి స్థానంలో ఓ లాయర్!
  • HIV రోగుల్లో పక్షవాతంపై కాకినాడ ప్రజావైద్యుడి మరో పరిశోధన!
  • రేవంత్ పాలనకు కేవలం 6.5 రేటింగ్ మాత్రమే ఎందుకంటే..?
  • “నో.. నో.. పి.వి. ఈజ్ ఓకే” అందామె! కానీ ఏడేళ్ల తరువాత..?

Archives

Copyright © 2026 · Muchata.com · Technology Management by CultNerds IT Solutions