.
బెంగుళూరు జట్టుకు కెప్టెన్ పేరుకు పటీదార్ అయినా … అంతా తానై నడిపించేది విరాట్ కోహ్లీయే… తను ఆ జట్టుకు స్టార్ అట్రాక్షన్ కూడా… నిన్న గుజరాత్ జట్టుతో అహ్మదాబాద్లో మ్యాచ్ జరుగుతుంటే కోహ్లీ ఫ్యాన్స్ హంగామా కూడా తక్కువేమీ లేదు… తను ఎక్కడ ఆడినా సరే తనకు వీర ఫ్యాన్స్ ఉంటారు… ఇక బెంగళూరు చిన్నస్వామి స్టేడియంలో అయితే పూనకాలే…
తనెంత తిప్పలుపడినా సరే గుజరాత్ జట్టు తనను ఓడించింది… అలవోకగా బెంగుళూరు మీద గెలిచింది… కోహ్లీ, పడిక్కల్ బాగానే ఆడినా తరువాత బ్యాటర్లు చేతులెత్తేయడంతో బెంగుళూరే కేవలం 155 పరుగులు చేసింది… అసలు 200 దాటినా సేఫ్ అనుకోని రోజులివి… 155 ఆనుతాయా..? 15.5 ఓవర్లలోనే కొట్టిపారేశారు…
Ads
గుజరాత్ జట్టు కెప్టెన్ గిల్, బట్లర్ కలిపి మంచి పునాది వేయడంతో అలవోకగా మిగతా బ్యాటర్లు టార్గెట్ ఛేదించేశారు… శుభం… ఇక్కడ చెప్పుకునేది ఏమిటంటే..? బెంగుళూరు ఓడిపోయింది కానీ పాయింట్ల టేబుల్లో ఒక్క స్థానం కూడా కిందకు దిగలేదు… సేమ్ 12 పాయింట్లతో అదే రెండో స్థానంలో ఉంది…
గుజరాత్ గెలిచింది గానీ, ఒక్క స్థానం కూడా పైకి ఎక్కలేదు… 8 నుంచి 10 పాయింట్లకు చేరినా సరే, పాయింట్ల టేబుల్లో అదే అయిదో స్థానంలో ఉండిపోయింది… రెండు జట్లకూ మరో అయిదేసి మ్యాచులున్నాయి… బెంగుళూరు కనీసం రెండు, గుజరాత్ కనీసం మూడు గెలిస్తే ప్లేఆఫ్… కాకపోతే ఇక్కడ మెచ్చుకోవాల్సింది ఏమిటంటే..? గుజరాత్ ఎక్కడా వదిలేయడం లేదు…
చెన్నై, ముంబై, కలకత్తా, లక్నోలతో పోలిస్తే చాలా బెటర్… లక్ కరుణిస్తే టాప్ 4 జాబితాలో వెళ్లగలదు… రాజస్థాన్, హైదరాబాదులతో పోటీపడాలిక పాయింట్లలో, టాప్ 4 జాబితాలో స్థానం కోసం… గుజరాత్, బెంగుళూరు జట్టు ఆటగాళ్లకు ఓ పెద్ద రిలీఫ్ ఏమిటంటే..? జట్ల యాజమాన్యాలు పెద్దగా పదే పదే ఇన్వాల్వ్ కావు… కెప్టెన్లు, కీలక ఆటగాళ్లకు స్వేచ్ఛ ఉంటుంది… ఈరోజు వైభవ్ సూర్యవంశీ మ్యాచ్ ఉంది, తను రెచ్చిపోతే రాజస్థాన్ ఏకంగా ఫస్ట్ ప్లేసులోకి వెళ్తుంది… 14 పాయింట్లతో..!
Share this Article