లక్ష కోట్ల బంగారం అమ్మేశాడా మోదీ..! బ్లూమ్‌బర్గ్ కథనం- వార్తలు…

.

బంగారం కొనకండి, యూరియా వాడకం తగ్గించండి, విదేశీ వస్తువుల కొనుగోళ్లు ఆపండి, విదేశీ పర్యటనలు, ఆడంబరాలు కొన్నాళ్లు బ్రేక్ వేయండి, చివరకు వంట నూనెల వినియోగం కూడా తగ్గించండి అని ఆమధ్య మోదీ దేశానికి హితవు పలికాడు కదా… ఎందుకో చాలామంది అర్థం కాలేదు… ఇప్పుడు ఓ తాజా వార్తల దగ్గరకు వద్దాం… మోదీ లక్ష కోట్ల రూపాయల బంగారం అమ్మేశాడు… ఇదీ బ్లూమ్‌బర్గ్ కథనం…

అయితే 1991లో… పీవీకన్నా ముందు, చంద్రశేఖర్ ప్రధానిగా ఉన్నప్పుడు బ్రిటన్, జపాన్ బ్యాంకుల్లో మన బంగారాన్ని తాకట్టు పెట్టాడు… (అమ్మకం అని కొన్ని వార్తలు)… మరి మోదీ కూడా అంతేనా..? మన దేశం 1991 నాటి విపత్కర స్థితిలోనే ఉందా..? మనం ఆర్థిక ఎమర్జెన్సీలోకి జారిపోయినట్టేనా..? ఒకవైపు అన్ని దేశాలూ తమ పసిడి నిల్వల్ని పెంచుకుంటూ ఉంటే, మనం అమ్ముకోవడం ఏమిటి..? ఇంకా రాహుల్ గాంధీ అందుకున్నట్టు లేదు… ఇక ప్రతిపక్షాలు విరుచుకుపడతాయి… కానీ..?

బ్లూమ్‌బెర్గ్ (Bloomberg Economics) నివేదిక ఆధారంగా వస్తున్న ఈ వార్తలను మనం ఆర్థిక కోణంలో, అలాగే దేశీయ రిజర్వుల వ్యూహాల పరంగా కాస్త లోతుగా పరిశీలించాల్సి ఉంటుంది… 1991లో చంద్రశేఖర్/ పీవీ నరసింహారావు కాలంలో జరిగిన పరిణామాలకు, ప్రస్తుత ఆర్బీఐ (RBI) నిర్ణయాలకు మధ్య ప్రాథమికంగా చాలా పెద్ద తేడా ఉంది…

1. 1991 నాటి ‘అమ్మకం/తాకట్టు’ వేరు… ఇప్పటి ‘మార్పిడి’ వేరు

• 1991 నాటి పరిస్థితి…: అప్పట్లో దేశంలో తీవ్రమైన విదేశీ మారకద్రవ్య సంక్షోభం (Foreign Exchange Crisis) వచ్చింది… కేవలం రెండు వారాల దిగుమతులకు మాత్రమే సరిపడా డాలర్లు (Forex Reserves) మిగిలాయి… దేశం డిఫాల్ట్ కాకుండా కాపాడుకోవడానికి, అప్పటి ప్రభుత్వం తప్పనిసరి పరిస్థితుల్లో బ్రిటన్, జపాన్ బ్యాంకుల్లో దేశ బంగారాన్ని భౌతికంగా తాకట్టు పెట్టి (Pledge) లోన్లు తీసుకోవాల్సి వచ్చింది… అది పూర్తిగా ఆర్థిక నిస్సహాయత… చేతులెత్తేయడం…

• ఇప్పటి పరిస్థితి (2026)…: ప్రస్తుతం భారత ఆర్థిక వ్యవస్థ వద్ద లేదా ఆర్బీఐ వద్ద డాలర్ల కొరత లేదు… బ్లూమ్‌బెర్గ్ ఎకనామిక్స్ నివేదిక ప్రకారం… ప్రస్తుత యూఎస్-ఇరాన్ ఉద్రిక్తతలు, చమురు ధరల పెరుగుదల వల్ల రూపాయి విలువపై ఒత్తిడి పడకుండా ఉండేందుకు ఆర్బీఐ ఒక వ్యూహాత్మక మార్పిడి (Portfolio Rebalancing) చేసింది… అంటే, సుమారు $12 బిలియన్ల విలువైన బంగారాన్ని విక్రయించి, దానికి బదులుగా అంతే వేగంగా చలామణీ చేయగల $7.5 బిలియన్ల ద్రవ్య రూప డాలర్లను (Liquid Foreign Currency Assets) కొనుగోలు చేసింది… ఇది సంక్షోభం వల్ల వచ్చింది కాదు, రూపాయిని స్థిరంగా ఉంచడానికి ఆర్బీఐ మార్కెట్ విదేశీ కరెన్సీ పూల్‌ను పెంచుకోవడానికి చేసిన అంతర్గత సర్దుబాటు మాత్రమే…

2. లండన్ నుండి వెనక్కి వస్తున్న బంగారం … తాజా అప్‌డేట్ ప్రకారం మోదీ ప్రభుత్వం లేదా ఆర్బీఐ లండన్‌లో బంగారం ఉంచడం లేదు… లండన్ నుండి బంగారాన్ని భారీగా ఇండియాకు తిరిగి తీసుకువస్తున్నారు…

• గత మూడేళ్లుగా (2023 నుండి 2026 వరకు) ఆర్బీఐ లండన్‌లోని బ్యాంక్ ఆఫ్ ఇంగ్లాండ్ వాల్ట్స్ నుండి వందల టన్నుల బంగారాన్ని రక్షణ కారణాల దృష్ట్యా ఇండియాకు (ముంబై, నాగ్‌పూర్ వాల్ట్స్‌కు) తరలించింది…

• ఈ 2025-26 ఆర్థిక సంవత్సరంలోనే దాదాపు 168 మెట్రిక్ టన్నుల బంగారాన్ని ఇండియాకు తెచ్చారు… ప్రస్తుతం దేశం మొత్తం ఉన్న 880 టన్నుల బంగారంలో 77% పైగా దేశీయంగానే భద్రంగా ఉంది… రష్యా- ఉక్రెయిన్ యుద్ధం తర్వాత పాశ్చాత్య దేశాల్లోని ఆస్తులపై నమ్మకం తగ్గి, ఆర్బీఐ ఈ నిర్ణయం తీసుకుంది…

3. నిర్ణయాధికారం ఎవరిది?

• చంద్రశేఖర్ కాలంలో…: అది పూర్తిగా రాజకీయ, ప్రభుత్వ నిర్ణయం… దేశాన్ని గట్టెక్కించడానికి ప్రధాని, ఆర్థిక మంత్రిత్వ శాఖ నేరుగా జోక్యం చేసుకుని బంగారం తరలించారు…

• ఇప్పుడు…: బంగారాన్ని కొనడం, అమ్మడం లేదా కరెన్సీగా మార్చడం అనేది పూర్తిగా రిజర్వ్ బ్యాంక్ ఆఫ్ ఇండియా (RBI) స్వయంప్రతిపత్తితో కూడిన ద్రవ్య విధానం (Monetary Policy)… ఇందులో నేరుగా ప్రధాని లేదా రాజకీయ నాయకుల ప్రమేయం కంటే… అంతర్జాతీయ మార్కెట్ హెచ్చుతగ్గులు, రూపాయి రక్షణ కోసం ఆర్బీఐ గవర్నర్ ఆధ్వర్యంలోని నిపుణులు తీసుకునే టెక్నికల్ నిర్ణయాలే ఎక్కువ ఉంటాయి…

సారాంశం…: 1991లో జరిగింది దేశం దివాళా తీయకుండా ఉండటానికి బంగారం తాకట్టు పెట్టడం… కానీ ఇప్పుడు జరిగింది అంతర్జాతీయ యుద్ధ వాతావరణం (యూఎస్-ఇరాన్ సంక్షోభం) వల్ల చమురు ధరలు పెరిగితే దేశీయ మార్కెట్ దెబ్బతినకుండా, రూపాయి పతనం కాకుండా కాపాడటానికి ఆర్బీఐ తన అసెట్స్ (బంగారం నుండి డాలర్లలోకి) మార్చుకున్న ఒక రక్షణాత్మక ఆర్థిక వ్యూహం… ఒక రకంగా చెప్పాలంటే, అప్పటిది “అప్పుల కోసం ఆస్తి తాకట్టు”… ఇప్పటిది “మార్కెట్ ఒడిదుడుకులను తట్టుకోవడానికి చేసిన పోర్ట్‌ఫోలియో మేనేజ్‌మెంట్”… (అమ్మిన బంగారం విలువ 57,500 కోట్లుగా మరో కథనం కూడా ఉంది)…

.

అప్‌డేట్ .... ఆర్బీఐ ఈ వార్తల్ని ఖండించింది... అది వేరే కథనంలో ఉంది