Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

హవ్వ… ఇదా ఎన్టీయార్ వంటి ప్రసిద్ధ హీరో పాత్ర ఔచిత్యం..?

July 9, 2024 by M S R

దీక్ష… ఈ సినిమా లవర్సుకు ఈ సినిమా గుర్తు ఉండిపోవటానికి ముఖ్య కారణం ఒకే ఒక్క పాట . సి నారాయణరెడ్డి వ్రాసిన పాట . మెరిసే మేఘమాలికా ఉరుములు చాలు చాలికా అనే చాలా చాలా శ్రావ్యంగా ఉండే పాట . సూరజ్ అనే హిందీ సినిమాలోని బహారో ఫూల్ బరసావో మేరా మెహబూబ్ ఆయా హై ట్యూన్ తో పెండ్యాల ఈ పాటను తయారు చేసారు . బాల సుబ్రమణ్యం కూడా పాటకు తగ్గట్లు గొప్పగా పాడారు . నిజానికి ఇది ఘంటసాల పాడాల్సిన పాటే…

ఈ సూరజ్ సినిమా గురించి ఓ మాట పంచుకోవాలి . రాజేంద్రకుమార్ , వైజయంతిమాలలు హీరో హీరోయిన్లుగా నటించారు . క్లాసిక్ . కాలేజీ రోజుల్లో నాకు నచ్చిన కళాఖండం . నేను హిందీ , ఇంగ్లీషు సినిమాలు చాలా తక్కువగా చూసేవాడిని . చూసిన వాటిల్లో ఒకటి సూరజ్ . చూడని మిత్రులు ఎవరయినా ఉంటే ఈ హిందీ సినిమాను తప్పక చూడండి . మళ్ళా మన దీక్ష సినిమాలోకి వద్దాం .

NTR , జమున నటించాల్సిన పాత్రలు కావు ఇవి… ఆరోజుల్లో ఉన్న చంద్రమోహన్ లాంటి కుర్ర హీరోలో , నెగటివ్ షేడ్స్ ఉన్న పాత్రలు వేసే కృష్ణంరాజు , హరనాథ్ వంటి నటులో నటించవలసిన సినిమా . తన తండ్రిని చంపి , తమ ఆస్తిని కాజేసిన విలన్ కు బుధ్ధి చెప్పే హీరో పాత్ర . బుధ్ధి చెప్పేందుకు విలన్ కూతురు జమునని ప్రేమించినట్లు నటించి , శీలాపహరణ చేస్తాడు హీరో NTR . తనకు సూటయ్యే పాత్ర ఏమాత్రం కాదు ఇది. ఆ కేరక్టరైజేషనే సరికాదు. హీరో పాత్ర ఔచిత్యమే దెబ్బతినిపోయింది. సరే, చివరలో హీరోయిన్ మంచితనం హీరో తెలుసుకుని పెళ్ళి చేసుకోవటంతో సినిమా ముగుస్తుంది .

Ads

ప్రముఖ దర్శకుడు కె ప్రత్యగాత్మ దర్శకత్వంలో వచ్చిన ఈ సినిమాలో మిగిలిన పాటలు కూడా బాగానే ఉంటాయి . పూలమ్మే పిలిచింది , బుల్ బుల్ బ్యూటీ వయ్యారి , సరదాగా సంతకెళితే , నాన్న అనే రెండక్షరాలు పాటలు ఓకే . పూలమ్మే పిలిచింది పాటలో జమున చాలా హుషారుగా నటిస్తుంది .

ప్రభాకరరెడ్డి , జగ్గయ్య , రాజబాబు , సాక్షి రంగారావు , అంజలీదేవి , కె విజయ , పుష్పకుమారి , చలపతిరావు ప్రభృతులు నటించారు . అంజలీదేవి మొదటిసారిగా NTR కు తల్లిగా నటించింది ఈ సినిమాయే అనుకుంటా . ఆయనతో హీరోయిన్ గా నటించిన చాలామంది హీరోయిన్లు ఆయనకు తల్లులుగా నటించారు . తప్పించుకుంది సావిత్రి , కృష్ణకుమారిలే . ఈ దీక్ష సినిమా యూట్యూబులో ఉంది . NTR , జమున అభిమానులు చూడవచ్చు .

అందరూ తప్పక చూడవలసింది ఈ సినిమాలోని మెరిసే మేఘమాలికా పాట . ఈ పాట కన్నా గొప్ప పాట సూరజ్ సినిమా లోని బహారో ఫూల్ బరసావో . వైజయంతిమాల ఎంత అందంగా ఉంటుందో ! A thing of beauty is a joy forever . ఈ రెండు పాటల వీడియోలూ యూట్యూబులో ఉన్నాయి . ఆస్వాదించండి . #తెలుగుసినిమాలసింహావలోకనం #తెలుగుసినిమాలు……. ( By డోగిపర్తి సుబ్రహ్మణ్యం )

Share this Article



Advertisement

Search On Site

Latest Articles

  • బామ్మా అన్నపూర్ణమ్మా… ఏమిటమ్మా ఇది..? ప్చ్, బాగోలేదు సుమీ!!
  • ఎంగిలి వార్తలకూ ఓ పద్ధతి ఉంటుంది డియర్ కేసీయార్ సర్..!!
  • కమెడియన్ సద్దాం నిజంగా ఘంటసాలను అవమానించాడా..?!
  • మీడియా ఏమైనా రాసుకోనీ… ప్రేక్షకుడి అసలు తీర్పు వేరు- వసూళ్లు వేరు..!!
  • ఎన్టీఆర్ ఓడి- కృష్ణ గెలిచి… రెండు సింహాల నడుమ నలిగిన గిరిబాబు..!!
  • ఓ మర్డర్ కేసును మలుపు తిప్పిన ఆ ఉత్కంఠభరిత మ్యాచ్!
  • MUSK – THE FANTASY BUILDER … కలల్ని కళ్ల ముందుంచుతాడు !!
  • చంద్రబాబు చెబితే నవ్వారు- కానీ భావి ప్రయోగాలు- ఆశలు మాత్రం అవే !!
  • అమెరికాపై అదృశ్య దాడి…? కుప్పకూలుతున్న వ్యవస్థలు… లాక్‌డౌన్ 2.0 కుట్రనా..?
  • రాజరికపు వైభవాన్ని వదిలేసిన తొలి జమిందారు! చదవాల్సిన చరిత్ర!!

Archives

Copyright © 2026 · Muchata.com · Technology Management by CultNerds IT Solutions