.
నాగబంధం… ఈ ట్రెయిలర్ చూస్తుంటే పాత అంజి, అరుంధతి, బాహుబలి, హనుమాన్, అఖండ వంటి ఫాంటసీ ఓరియెంటెడ్ సినిమాలు, ప్రత్యేకించి గ్రాఫిక్ బేస్డ్ సినిమాలు, వాటి కథలు, కొన్ని సీన్లు గుర్తొస్తున్నాయి. ఈ ట్రెయిలర్ ఆసక్తికరంగా ఉంది. పకడ్బందీగా కట్ చేశారు.
ఉదాహరణకు అంజి సినిమాలో “ఆత్మలింగం” చుట్టూ కథ తిరుగుతుంది. దానికి రక్షణగా దైవిక శక్తులు, ఒక భారీ సర్పం (పాము) ఉంటాయి. నాగబంధంలో ఒక బ్రహ్మకమలం చుట్టూ కథ. ఇక్కడ కూడా దైవిక రక్షణ, నాగుపాము కీలక పాత్ర పోషిస్తాయి…
Ads
మెడలో పతకంపై రక్తపు చుక్క పడటం అరుంధతి- నాగబంధం… అఖండలో అఘోరా, నాగబంధంలో నాగసాధువులు… బాహుబలి మాహిష్మతి సామ్రాజ్యం- నాగబంధంలో ఆలయం సెట్లు… హనుమాన్- నాగబంధంలో దైవిక శక్తులు, దేవుడే దిగిరావడం… ప్రధానంగా పద్మనాభస్వామి ఆలయంలో ఈరోజుకూ తెరుచుకోని నేలమాళిగ, అందులో దాచిపెట్టబడి ఉన్న అపూర్వ నిధులు, రహస్యాలు, దానికి రక్షణగా నాగబంధం గుర్తొస్తాయి ఈ ట్రెయిలర్ చూస్తుంటే…
బహుశా ఒక్కొక్కటీ కలబోసుకుని కథ రాసుకున్నారు కావచ్చు. గ్రాఫిక్స్ కూడా బాగానే కుదిరినట్టు కనిపిస్తోంది ట్రెయిలర్ చూస్తుంటే! దీనికితోడు పెద్ద పెద్ద విగ్రహాల్ని థియేటర్ల దగ్గర ఏర్పాటు చేసి, ప్రమోషన్ చాలా డిఫరెంటుగా చేస్తున్నట్టు వార్తలు, ఫోటోలు కనిపిస్తున్నాయి… నిజానికి ఇవన్నీ కాదు, విశేషంగా అనిపిస్తున్నది ఏమిటంటే..?
సాధారణంగా ఒక సినిమాకు క్రేజ్, మంచి బజ్ రావాలంటే పెద్ద స్టార్ హీరోలు, టాప్ ప్రొడక్షన్ హౌస్లు లేదా స్టార్ డైరెక్టర్లు ఉండాలి. కానీ, ఈ సినిమా విషయంలో ఆ సమీకరణాలన్నీ తలకిందులయ్యాయి. పెద్ద తారాగణం, ఫేమస్ ప్రొడ్యూసర్స్ లేకపోయినా ఈ సినిమాకు అంతటి ‘మంచి బజ్’ క్రియేట్ కావడానికి ముఖ్యమైన కారణాలు ఇవేనేమో…
– ఈ సినిమాకు సంబంధించిన ప్రచార చిత్రాలు (పోస్టర్స్, గ్లింప్స్) విడుదలైనప్పుడు, వాటి క్వాలిటీ చూసి అందరూ ఆశ్చర్యపోయారు. ఎవరూ ఊహించని రేంజ్లో గ్రాఫిక్స్, విజువల్ ఎఫెక్ట్స్ (VFX) ఉండటంతో, “చిన్న సినిమా అయినా అవుట్పుట్ హాలీవుడ్ రేంజ్లో ఉందే!” అనే టాక్ సోషల్ మీడియాలో విపరీతంగా స్ప్రెడ్ అయింది.
– మన ప్రేక్షకులకు పురాతన రహస్యాలు, దైవ శక్తులు, నాగుపాముల చుట్టూ తిరిగే సోషియో-ఫాంటసీ కథలంటే ఎప్పుడూ ఒక ప్రత్యేకమైన ఆసక్తి ఉంటుంది. పైగా ఇప్పుడు అదే ట్రెండ్ నడుస్తోంది. ‘కార్తికేయ-2’, ‘హనుమాన్’ వంటి సినిమాలు కంటెంట్ నమ్ముకుని వచ్చి ఏ రేంజ్ సక్సెస్ సాధించాయో చూశాం. ‘నాగబంధం’ కూడా అదే తరహా డివైన్ మిస్టరీ ఎలిమెంట్స్తో రావడం ఈ బజ్కు ప్రధాన కారణం.
– ఈ చిత్ర యూనిట్ సినిమాను ప్రమోట్ చేసిన విధానం చాలా స్మార్ట్గా సాగింది. పెద్ద పేర్లు లేకపోయినా, వారు చూపించిన కంటెంట్ ప్రేక్షకుల్లో ఒక రకమైన క్యూరియాసిటీని (కుతూహలాన్ని) పెంచింది. టీజర్లో చూపించిన కొన్ని షాట్స్, బ్యాక్గ్రౌండ్ స్కోర్ ప్రేక్షకులను థియేటర్ల వైపు ఆకర్షించేలా చేయడంలో సక్సెస్ అయ్యాయి.
– ప్రస్తుత రోజుల్లో కంటెంట్ బాగుంటే చాలు, నటీనటులు ఎవరనే దానితో సంబంధం లేకుండా సోషల్ మీడియా నెటిజన్లు ఆ సినిమాను ఓ రేంజ్లో ప్రమోట్ చేస్తున్నారు. ‘నాగబంధం’ విజువల్స్ చూసి ఇన్ఫ్లుయెన్సర్లు, సినిమా లవర్స్ దీని గురించి మాట్లాడటం మొదలుపెట్టడంతో, పబ్లిసిటీ ఆటోమేటిక్గా పెరిగిపోయింది.
స్టార్ పవర్ కంటే ‘కంటెంట్ పవర్’ – ‘మేకింగ్ క్వాలిటీ’ మీద నమ్మకంతో వచ్చిన సినిమాలు ఈ మధ్య కాలంలో బాక్సాఫీస్ను షేక్ చేస్తున్నాయి. ‘నాగబంధం’ కూడా అదే బాటలో నడుస్తూ, థియేటర్లలో కూడా ఇదే మ్యాజిక్ను రిపీట్ చేస్తే మరో ‘హనుమాన్’ లాంటి సెన్సేషన్ అయ్యే అవకాశం ఖచ్చితంగా ఉంది… ఈ నిర్మాతలు ఎవరో గానీ పాన్ ఇండియా రిలీజ్ చేస్తున్నారు. బెస్టాఫ్ లక్.
Share this Article