Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

అల్లరిపిల్ల..! అప్పట్లో మీనాకు భలే పాత్రలు దొరికేవి..!

May 5, 2026 by M S R

.

Subramanyam Dogiparthi …. భార్గవ్ ఆర్ట్ ప్రొడక్షన్స్ బేనరుపై యస్ గోపాల్ రెడ్డి నిర్మించిన 13 వ సినిమా 1992 ఏప్రిల్లో వచ్చిన ఈ అల్లరి పిల్ల . మళయాళంలో సూపర్ హిట్టయిన కిళుక్కుం సినిమాకు రీమేక్ మన తెలుగు సినిమా . మళయాళంలో మోహన్ లాల్ , రేవతి లీడ్ రోల్సులో నటించారు . హిందీలోకి ముస్కురాహట్ అనే టైటిలుతో రీమేక్ అయింది . హిందీలో జే మెహతా , రేవతి , అమ్రీష్ పురి , అనిల్ ధావన్ ప్రధాన పాత్రల్లో నటించారు .

మన తెలుగు సినిమాలో సురేష్ , మీనా హీరోహీరోయిన్లుగా నటించారు . మీనాను షీరో అని అనవచ్చేమో ! సినిమా ప్రారంభంలో మతి స్థిమితం లేని పిల్లగా , తర్వాత తాత సత్యనారాయణని అల్లరి పెట్టే పిల్లగా వైవిధ్య నటనను చూపింది .

Ads

టూకీగా కధ ఏమిటంటే…. తండ్రిని వెతుక్కుంటూ ఓ అనాధ యువతి మీనా తిరుపతి చేరుతుంది . గైడ్ కం టాక్సీ డ్రైవరుగా పనిచేసే సురేష్ ఆమెకు సంరక్షకుడు అవుతాడు . ఆమె గురించి పత్రికల ద్వారా తెలుసుకున్న సురేష్ , అతని స్నేహితుడు చిన్నా ఆమెను అప్పగించి డబ్బు సంపాదిద్దామని ప్లాన్ చేస్తారు .

ఈలోపు సురేషుకి మీనా తానెందుకు తిరుపతి వచ్చిందో సురేషుకి చెపుతుంది . రిటైర్డ్ సుప్రీంకోర్టు జడ్జి సత్యనారాయణ వద్దకు పనిపిల్లగా చేరుస్తాడు . క్లైమాక్సులో సత్యనారాయణ పెద్ద కొడుకు ఈశ్వరరావు అక్రమ సంతానమే మీనా అని తెలవటం , వెతుక్కుంటూ వచ్చిన తండ్రి , తాతలను కలవటంతో సినిమా శుభాంతం అవుతుంది .

మళయాళంలో హిట్టయిన ఈ సినిమా తెలుగులో ఏవరేజ్ గానే ఆడినట్లుంది . కోడి రామకృష్ణ దర్శకుడు . విద్యాసాగర్ సంగీత దర్శకత్వంలో వెన్నెలకంటి పాటల్ని , గణేష్ పాత్రో డైలాగులను వ్రాసారు .

అన్ని పాటల్లోకి తూరుపు సింధూరపు మందారపు హిందోళపు అంటూ సాగే పాట , దాని చిత్రీకరణ బాగుంటాయి . మీనా నృత్యం కూడా బాగుంటుంది . అలకలకు లాలి జో , భలే చాన్స్ భలే చాన్స్ , ఇంటా ఇంటా పాటలు బాగుంటాయి .

ఇతర పాత్రల్లో చిన్నా , సత్యనారాయణ , లతాశ్రీ , ఈశ్వరరావు , ఫణి , కల్పనారాయ్ , సూర్యకళ , చిడతల అప్పారావు  తదితరులు నటించారు . సినిమా యూట్యూబులో ఉంది . ఇంతకుముందు చూడనివారు , ముఖ్యంగా మీనా అభిమానులు చూడవచ్చు …

Share this Article



Advertisement

Search On Site

Latest Articles

  • క్రైస్తవ మతప్రచారకుల ఇంట హిందూ వైదిక పెళ్లి తంతు..?!
  • ఎవరెంత ఏడ్చి మొత్తుకున్నా… తెలంగాణ అభివృద్ధి ఆగలేదు, ఆగదు…
  • మోడీ భాయ్ … తమరు డౌన్ వర్డ్ స్పైరల్‌లో పడిపోయారు- జాగ్రత్త !!
  • జియో పాలిటిక్స్! ముందుగా ఇండియా కోణంలో స్టడీ చేయాలి రాహుల్..!!
  • బాలయ్యకు తెలుగు వర్శిటీ పురస్కారం- అసంబద్ధమేనా..?
  • హరీశ్, నీకో నిజం తెలుసా..? పాలిటిక్స్‌లో జో జీతా వోయీ సికిందర్..!!
  • బిడ్డలూ.. ఎక్కడున్నారమ్మా? 40 ఏళ్ల ఒంటరి బతుకు చాలించింది మీ తల్లి!
  • మోదీ ఇమేజ్‌ పనిచేయలేదు- రాహుల్ గాంధీకి ఓ కొత్త ఊపిరి !
  • యముడినే ఎదిరించిన ఆ సావిత్రి… ఇక్కడ యముడి స్థానంలో ఓ లాయర్!
  • HIV రోగుల్లో పక్షవాతంపై కాకినాడ ప్రజావైద్యుడి మరో పరిశోధన!

Archives

Copyright © 2026 · Muchata.com · Technology Management by CultNerds IT Solutions