Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

అంతటి జయప్రదకు ఆ గంభీర బాధిత పాత్ర… పైగా చంపేశారు…

March 6, 2026 by M S R

.

Subramanyam Dogiparthi … జయప్రద అభిమానులకు బాగా నచ్చే సినిమా ఈ జస్టిస్ రుద్రమదేవి . ఆమె జడ్జి సీట్లో కూర్చున్నా మనకు అడవిరాముడు , యమగోల , సాగరసంగమం వంటి సినిమాల్లో జయప్రదే గుర్తుకొస్తూ ఉంటుంది . అంత గట్టి గ్లామర్ కదా ఆమెది ! మహిళా జడ్జీలుగా శారద , శ్రీవిద్య వంటి వారు బాగానే సెట్టయ్యారు .

నటుడు , రచయిత ఓంకార్ ఈ సినిమాకు చాలా బాధ్యతలు వహించాడు . కధ , స్క్రీన్ ప్లే , మాటలు , పాటలు , నటన , చాలా చేసాడు . కుర్రా పాండురంగారావు దర్శకుడు . నిర్మాత బలరాం . రాజ్ కోటి సంగీత దర్శకుడు . పాటలు హిట్ కాలేదు కానీ బేక్ గ్రౌండ్ మ్యూజిక్ చాలా బాగుంది .

Ads

టూకీగా కధ ఏంటంటే : మామూలు కధే . ఓ ఊళ్ళో చాలా ఊళ్ళల్లో లాగానే ఓ స్ట్రీట్ రౌడీ యంపి అవుతాడు . యంపి అయ్యాక ఊరక కూర్చోడు కదా ! ఇష్టారాజ్యంగా మర్డర్లు , మానభంగాలు చేస్తుంటాడు . ఆ వరుసలో జడ్జి గారు కూడా బాధితురాలే .

ఆయనకో నమ్మిన బంటు (అ)న్యాయవాది ఉంటాడు . రౌడీ యంపి చేసే దుర్మార్గాల నుండి యంపిని రక్షిస్తూ ఉంటాడు . జడ్జి గారి తమ్ముడు నరేష్ కోట కూతురి శాంతిప్రియని ప్రేమిస్తాడు . జడ్జి గారి చెల్లెలు శ్రీలత ఓ కార్ డ్రైవింగ్ స్కూల్ ఓనర్ ఆహుతి ప్రసాదుని ప్రేమిస్తుంది .

రౌడీ యంపి బాధితులందరూ ఒకటై అతన్ని చట్టానికి అప్పచెప్పాలని చూస్తారు . యంపి గారా మజాకా ! అన్ని సినిమాలలో లాగానే సత్వర న్యాయసూత్రాల ప్రకారం ఒక బాధితుడు యంపిని చంపేస్తాడు . పోతూపోతూ యంపి జడ్జి గారిని చంపి సినిమాను దుఃఖాంతం చేస్తాడు . జయప్రదని చంపటం ఏంటి ? అన్యాయం . ఇదండీ స్టోరీ .

జడ్జిగా జయప్రద , ఆమె తమ్ముడిగా నరేష్ , చెల్లెలుగా శ్రీలత , తల్లిగా అన్నపూర్ణమ్మ , ప్రియుడిగా శరత్ బాబు నటించారు . రౌడీ యంపిగా చలపతిరావుని బదులు కోట శ్రీనివాసరావుని పెట్టుకుని ; లాయరుగా చలపతిరావుని పెట్టుకుని ఉంటే బాగుండేదేమో !

నరేష్ ప్రేయసిగా శాంతిప్రియ , డ్రైవింగ్ స్కూల్ ఓనరుగా ఆహుతి ప్రసాద్ , ఇతర పాత్రల్లో ఓంకార్ , జగ్గారావు , పి జె శర్మ , వరలక్ష్మి , రావి కొండలరావు , మాస్టర్ రాజేష్  ప్రభృతులు నటించారు .

ఈ సినిమా చూస్తున్నప్పుడు నాకో ధర్మ సందేహం వచ్చింది . Not before me అని జడ్జీలు చాలా విస్తృతంగా అంటుంటారు కదా ! ఈ సినిమాలో వాళ్ళ కుటుంబ సభ్యుల కేసులన్నీ ఆమె ముందుకే ఏల రావలె !? వచ్చెనుపో ఆమె ఏల తీర్పులను ఇవ్వవలె ! వాళ్ళ డబ్బులు వాళ్ళిష్టం .

సినిమా యూట్యూబులో ఉంది . జయప్రద అందాభిమానులు ట్రై చేయవచ్చు . #తెలుగుసినిమాలసింహావలోకనం #సినిమా_కబుర్లు #సినిమా_స్కూల్

Share this Article



Advertisement

Search On Site

Latest Articles

  • అయ్యా, న్యాయమూర్తి గారూ… రాజీనామా చేస్తే నేరం రద్దయిపోదు..!!
  • క్రైస్తవ మతప్రచారకుల ఇంట హిందూ వైదిక పెళ్లి తంతు..?!
  • ఎవరెంత ఏడ్చి మొత్తుకున్నా… తెలంగాణ అభివృద్ధి ఆగలేదు, ఆగదు…
  • మోడీ భాయ్ … తమరు డౌన్ వర్డ్ స్పైరల్‌లో పడిపోయారు- జాగ్రత్త !!
  • జియో పాలిటిక్స్! ముందుగా ఇండియా కోణంలో స్టడీ చేయాలి రాహుల్..!!
  • బాలయ్యకు తెలుగు వర్శిటీ పురస్కారం- అసంబద్ధమేనా..?
  • హరీశ్, నీకో నిజం తెలుసా..? పాలిటిక్స్‌లో జో జీతా వోయీ సికిందర్..!!
  • బిడ్డలూ.. ఎక్కడున్నారమ్మా? 40 ఏళ్ల ఒంటరి బతుకు చాలించింది మీ తల్లి!
  • మోదీ ఇమేజ్‌ పనిచేయలేదు- రాహుల్ గాంధీకి ఓ కొత్త ఊపిరి !
  • యముడినే ఎదిరించిన ఆ సావిత్రి… ఇక్కడ యముడి స్థానంలో ఓ లాయర్!

Archives

Copyright © 2026 · Muchata.com · Technology Management by CultNerds IT Solutions