చైనాకు బ్రిటన్ దాసోహం… ఎందుకు..? ఎవరు అమ్ముడుబోయారు..?

.

పార్థసారథి పొట్లూరి…..  చైనా హెచ్చరిక!

డిసెంబర్ 10 తేదీని డెడ్ లైన్ గా పెట్టి ఆలోపు రాయల్ మింట్ కోర్ట్ ని తమ ఎంబసీ కోసం అప్పగించకపోతే బ్రిటన్ తీవ్ర పరిణామాలని ఎదుర్కోవాల్సి ఉంటుంది అని చైనా హెచ్చరించింది బహిరంగంగానే!
చైనా తాను అడిగిన స్థలం ఇవ్వకపోతే తీవ్ర పరిణామాలు ఎదుర్కోవాల్సి ఉంటుంది అనే హెచ్చరిక చేసేంత ధైర్యం ఎవరిచ్చారు?

ప్రస్తుత ప్రధాని కీర్ స్ట్రామర్ తో పాటు బ్రిటన్ హౌస్ అఫ్ కామన్ సభ్యులు చైనా నుండి డబ్బులు తీసుకున్నారా? అసలు బ్రిటన్ లో లేబర్ పార్టీ అధికారంలోకి రావడానికి చైనా అక్రమ మార్గాలలో నిధులు ఇచ్చిందా? లేకపోతే బెదిరించే స్థాయిలో ఎందుకుంటుంది చైనా?

చైనా తాను ఎవరెవరికి ఎంత డబ్బు ఇచ్చానో బయటపెడితే బ్రిటన్ లో లేబర్ పార్టీ నామరూపాలు లేకుండా పోతుందా? చాలా ప్రశ్నలు ఉన్నాయి, కానీ సమాధానం చెప్పే వారు లేరు.
మరొక అనుమానం ఏమిటంటే ప్రస్తుతం ప్రతిపక్షంలో ఉన్న కన్సర్వేటివ్ పార్టీ ( టోరీలు అని కూడా పిలుస్తారు) సభ్యులు కూడా చైనా పే రోల్స్ ఉండి ఉండవచ్చు!
బ్రిటన్ ఇంటెలిజెన్స్ సంస్థలని కూడా చైనా కొనేసిందా?

అనుమానాలు ఉన్నాయి!

MI 5, MI 6 లు రెండూ రాయల్ మింట్ కోర్ట్ ని చైనాకి ఇవ్వవచ్చని నివేదికలు ఇచ్చాయి.

బ్రిటన్ లో ఉండే రెండు ఇంటెలిజెన్స్ సంస్థలు :

MI 5 అనేది బ్రిటన్ అంతర్గత భద్రత ని చూస్తుంది.

MI 5 నేరుగా బ్రిటన్ హోమ్ శాఖ సెక్రటరీకి రిపోర్ట్ ఇస్తుంది. MI 6 అనేది బ్రిటన్ తరపున విదేశాలలో గూఢచర్యం చేస్తుంది, నేరుగా హౌస్ అఫ్ కామన్స్ స్పీకర్ కి నివేదిక ఇస్తుంది. ఈ రెండు సంస్థలూ రాయల్ మింట్ కోర్ట్ ని చైనాకి ఇవ్వవచ్చు అని రిపోర్ట్ చేశాయి!

కానీ బ్రిటన్ కన్సర్వెటివ్ పార్టీకి చెందిన షాడో విదేశాంగ మంత్రి దమే ప్రీతి పటేల్ మాత్రం చైనా మెగా ఎంబసీ కోసం రాయల్ మింట్ కోర్ట్ ని అప్పగించడం అనేది బ్రిటన్ ఆత్మహత్య చేసుకోవడం లాంటిదే అంటూ వ్యతిరేకిస్తున్నది.
బ్రిటన్ రాజకీయ పార్టీలని పక్కన పెడితే బ్రిటన్ లోని యాక్టివిస్టులు ఎక్కువ ఆందోళన చేస్తున్నారు. చైనాకి రాయల్ మింట్ కోర్ట్ ని మెగా ఎంబసీ కోసం ఇవ్వవద్దంటూ!

MI 5 రిపోర్ట్!
MI 5 బ్రిటన్ అంతర్గత ఇంటెలిజెన్స్ నవంబర్ 18 న ఒక రిపోర్ట్ ఇస్తూ చైనా బ్రిటన్ పౌరులని తన ఇంటెలిజెన్స్ కోసం రిక్రూట్ చేసుకుంటున్నది అని హోమ్ సెక్రటరికి తెలిపింది. MI 5 హెడ్ హంటర్స్ ( HEAD HUNTERS) అనే పదం వాడింది. ఇంటెలిజెన్స్ భాషలో హెడ్ హంటర్స్ అంటే ఏదైనా దేశానికి చెందిన ఇంటెలిజెన్స్ సంస్థ వేరే దేశంలో పౌరులని రిక్రూట్ చేసుకోవడాకి నియమించిన వాళ్ళని హెడ్ హంటర్స్ అంటారు.

LinkedIn వేదికగా చైనా హెడ్ హంటర్స్ ని రిక్రూట్ చేసుకుంటున్నదని MI 5 నివేదిక ఇచ్చింది. LinkedIn లో ప్రొఫెషనల్స్ ని రిక్రూట్ చేసుకుంటున్నట్లుగా చైనా ప్రకటనలు ఇస్తూ ఇద్దరు బ్రిటన్ పౌరులని రిక్రూట్ చేసుకున్నది. అఫ్కోర్స్! Mi 5 కి సాక్ష్యాలు దొరకకపోవడంతో కేసు వీగిపోయింది! ముఖ్యంగా హౌస్ అఫ్ కామన్స్ సభ్యుల దగ్గర పనిచేసే సహాయ సిబ్బందిని చైనా ప్రలోభ పెడుతున్నది అనే ఆరోపణలు వచ్చినా అవి పుకార్లు అని చైనా కొట్టిపారేసింది.

ఇది మరీ విచిత్రం! బ్రిటన్ చైనా చేతిలో ఒక బఫూన్ గా మారిపోయింది అనడానికి కొన్ని సాక్ష్యాలు….
చైనా లండన్ లో రాయల్ మింట్ కోర్టు ని తమ రాయబార కార్యాలయంగా మార్చుకోవడానికి అనుమతి కోరుతూ మొత్తం రాయబార కార్యాలయాన్ని బుల్లెట్ ప్రూఫ్ గా నిర్మిస్తుందిట.
బ్రిటన్ ప్రభుత్వం చైనాని నిర్మాణం గురుంచి బ్లూ ప్రింట్ అడిగితే ఇవ్వటం కుదరదు అని చెప్పేసింది!

అదే బ్రిటన్ ప్రభుత్వం బీజింగ్ లో తమ రాయబార కార్యాలయం విస్తరణ చేయడానికి అనుమతి కోరగా అడ్డుకుంటున్నది! విస్తరణ ఎందుకో సరైన కారణం చెపితే పరిశీలించి తమకి ఆమోదయోగ్యంగా ఉంటేనే అనుమతి ఇస్తానని అంటున్నది!

బ్రిటన్ కి చెందిన మాజీ ఇంటెలిజెన్స్ నిపుణులు ఏమంటున్నారు?
చైనా అనే దేశం బ్రిటన్, అమెరికాల ఊహకి అందనంత ఎత్తుకి ఎదిగిపోయింది ఎలక్ట్రానిక్ ఇంటెలిజెన్స్ విషయంలో అని అంటున్నారు. రాయల్ మింట్ కోర్ట్ భవనం కింద అండర్ గ్రౌండ్ కమ్యూనికేషన్ కేబుల్స్ ఉన్నాయి. చైనా నేరుగా కేబుల్స్ ని కదల్చకుండా బ్రిటన్ కమ్యూనికేషన్ నెట్ వర్క్ ని హైజాక్ చేసి వినగలదు, చూడగలదు. ఇది బ్రిటన్ దేశ రక్షణకి విఘాతం కలిగించే చర్య అవుతుంది  బ్రిటన్ కనుక మెగా ఎంబసీకి అనుమతి ఇస్తే!

చైనా మీద ఉన్న గూఢచర్య ఆరోపణలలో ప్రధానమైంది హౌస్ అఫ్ కామన్స్ లో ఏమేమి జరుగుతున్నాయో తెలుకుంటున్నది అని! ఇప్పటికే చైనా నుండి దిగుమతి చేసుకున్న ఇండస్ట్రీయల్, కీలక ప్రదేశాలలో ఇంస్టాల్ చేసిన CCTV, ఇతర సెన్సర్లని తీసివేసి స్వంతంగా తయారుచేసుకున్న వాటినే వాడుతున్నది కానీ వాటి లోపల వాడే ఇంటిగ్రెటెడ్ చిప్స్ చైనాలో తయారయినవే కావడం విశేషం!
వచ్చే నెలలో లేదా 2026 ఫిబ్రవరిలో బ్రిటన్ ప్రధాని కీర్ స్ట్రామర్ చైనా పర్యటనకి వెళుతున్నాడు పలు కీలకమైన ఒప్పందాలని కుదుర్చుకోవడానికి!

చైనా పనేనా?
HIS HIGHNESS అని పిలిచే బ్రిటన్ రాజుని కీర్ స్ట్రామర్ పక్కన పెట్టేసాడు. బ్రిటన్ రాజుకి బ్రిటన్ పార్లమెంట్ మీద ఎలాంటి అధికారం లేదని, బ్రిటన్ హౌస్ అఫ్ కామన్స్ సర్వ స్వతంత్ర వ్యవస్థ అని దాని మీద బ్రిటన్ రాజు పెత్తనం ఏమిటని ప్రశ్నిస్తున్నాడు కీర్ స్ట్రామర్!

మరో వైపు బ్రిటన్ లో TV లైసెన్స్ ని రద్దు చేయబోతున్నాడని వార్తలు వస్తున్నాయి. ఇదే జరిగితే ప్రపంచ వ్యాప్తంగా విస్తరించిన BBC నెట్ వర్క్ ప్రభావం అంతరించినట్లు అవుతుతుందని అంచనా! ఇప్పటికే చైనా లో BBC ని మూసేసిన చైనా ఇప్పుడు బ్రిటన్ లో కూడా దెబ్బకోట్టే ప్రయత్నం చేస్తున్నది.

BBC కి ప్రధాన ఆదాయ వనరులు బ్రిటన్ లో టీవీ లైసెన్స్ ఫీజు ద్వారా, బ్రిటన్ ప్రభుత్వం ఇచ్చే ఫండ్ తోనే నడుస్తున్నది. ఇప్పటివరకూ బ్రిటన్ లో టీవీ లైసెన్స్ తీసుకోవాలంటే తప్పనిసరిగా BBC కి సబ్స్క్రయిబ్ చేసుకోవాల్సిందే! లైసెన్స్ విధానం రద్దు చేస్తే తప్పనిసరిగా బీబీసీని ఎంచుకొని డబ్బు కట్టాల్సిన అవసరం ఉండదు బ్రిటన్ ప్రజలకి…

బ్రిటన్ రాజుని పక్కన పెట్టే ప్రయత్నం వెనుక కమ్యూనిస్ట్ చైనా హస్తం ఉంది. చైనా చెప్పినట్లుగా చేస్తేనే కీర్ స్ట్రామర్ చైనా వెళ్లి ఒప్పందాలు చేసుకోగలుగుతాడు లేకపోతే తనకి ముందు పనిచేసిన ప్రధాన మంత్రుల లాగానే రాజీనామా చేయాల్సి వస్తుంది.
అందుచేత తొంగ్డోక్ ని నిర్భందించడం అనేది నేరుగా మోడీకి వార్నింగ్ అరుణాచల్ ప్రదేశ్ విషయంలో! బహుశా 2026 ఫిబ్రవరిలో అరుణాచల్ ప్రదేశ్ మీద దాడికి ప్రయత్నించవచ్చు చైనా! అరుణాచల్ ప్రదేశ్ కి వంద కిలోమీటర్ల దూరంలోనే తన సైన్యాన్ని మొహరించించి ఉంచింది చైనా 2020 నుండి!

లేకపోతే ఇప్పటికే చాలాసార్లు ట్రాన్సిట్ కోసం చైనా మీదుగా ప్రయాణించినా రాని ఇబ్బంది ఇప్పుడే ఎందుకు వచ్చిందో అర్ధం కావడంలేదని తొంగ్డోక్ అనడం వెనుక ఉన్న సందేశం ఇదే!

ఇక కొత్తగా అక్టోబర్ 21,2025 న జపాన్ ప్రధానిగా బాధ్యతలు చేపట్టిన జపాన్ మొట్టమొదటి మహిళా ప్రధాని సానే టకైచి ( Sanae Takaichi) చైనాని రెచ్చగొట్టే విధంగా తీవ్రంగా వ్యాఖ్యలు చేస్తున్నది. కాబట్టి జపాన్ పర్యటనకి వెళుతున్న తొంగ్డోక్ ని వెళ్లకుండా 18 గంటలపాటు ఆపేసింది చైనా!

అఫ్కోర్స్! టకైచి జపాన్ ప్రధాని కావడం వెనుక ట్రంప్ ఆశీస్సులు ఉన్నాయి కాబట్టి ట్రంప్ ఎలా చెపితే అలా చేస్తున్నది. నిజానికి జపాన్ ఆర్ధిక వ్యవస్థ ఏ మాత్రం బాగాలేదు! అమెరికా చెప్పినట్లుగా వినడం తప్ప వేరే చేసేదేమి లేదు టకైచి కి. టకైచి ఎలా అయితే చైనా మీద విరుచుకుపడుతున్నదో అదే విధంగా మోడీ చేయాలని ట్రంప్ ఉద్దేశ్యం కానీ మోడీ ఆ ఉచ్చులో పడలేదు కానీ జపాన్ కి తప్పలేదు, వేరే మార్గం లేదు.

So! భవిష్య వాణి చెప్పిన వంగ బాబా 2025, 2026 లలో ప్రపంచం తీవ్రమైన విపత్తులని ఎదుర్కోవాల్సి ఉంటుందని చెప్పింది. అవి జన నష్టం కలిగించే యుద్ధాలు, భూకంపాలు, వరదలు, అగ్ని పర్వతాలు విస్పోటనం జరగడాలు ఇప్పుడు మనం చూస్తున్నాము.
బహుశా 2026 లో గ్రేట్ బ్రిటన్ అనేది ఉండకపోవచ్చు. ఐర్లండ్ బ్రిటన్ తో తెగతెంపులు చేసుకొని యూరోపియన్ యూనియన్ లో చేరవచ్చు.

అరుణాచల్ ప్రదేశ్ విషయంలో భారత్ చైనాల మధ్య మళ్ళీ ఘర్షణ తప్పకపోవచ్చు. చైనాకి అమెరికా సహకరిస్తుంది అనడంలో సందేహలకి తావు లేదు!

చైనా మళ్ళీ గేర్ మార్చడానికి కారణం?
నవంబర్ 1 న ట్రంప్, జీ జింగ్ పింగ్ మధ్య అమెరికన్ సోయా బీన్స్ కొనడానికి ఒప్పందం జరగడమే! బదులుగా ట్రంప్ చైనా మీద విధించిన టారిఫ్ ని 10% తగ్గించాడు. చైనా బంగారం కొనడం ఆపేసి 1 ట్రిలియన్ డాల్లర్లని అమెరికాలో పెట్టుబడి పెట్టడానికి అంగీకరించింది.
బలి పశువులు అయ్యింది తైవాన్, జపాన్ దేశాలు!

అందుకే అరుణాచల్ ప్రదేశ్ విషయంలో అమెరికా చైనాకే సహకరిస్తుంది అని అనేది!
2026 మొదటి అర్ధభాగంలోపే మోడీని ప్రధాని పదవి నుండి దించడానికి proxy వార్ మొదలయ్యింది!
పెమ వాంగ్ తొంగ్డోక్ ఉదంతం ఒక టీజర్ లాంటిది!